الله على اللي طريقه دايما سيـده=وارد حفيز ٍ جديد الصنع ياباني
على طريق الرياض اليا استوى سيده=مسراه فالليل مثل الذيب سرحاني
ملفاه قرم ٍ مايخلف في مواعيـده=من روس برقا عريب الساس دعجـانـي
يوم الضعيـّـف يعيد الهرج ويزيـده=مديون ماهو لروس القوم دياني
ضلع ٍ تذرا جميع الناس في حيـده=الجار والضيف وابن العم والعاني
يزين فيه القصيد وزان ترديـده=جزل القصايد تجيه اشكال والواني
تنشر لك البيض ياغازي يابن عيده=ياللي علومك سواة السيف شاماني

ظلع تذرا جميع الناس في حيده=الجار والظيف وابن العم والعاني

المشاركة الأصلية كتبت بواسطة عـقـــــــــــاب (المشاركة 1227041) صح الله لسانك يابعدي ونعم بالاد مفلح ويستاهل المدح اللي منصاةٍ له القصيدة

المشاركة الأصلية كتبت بواسطة متعب الند (المشاركة 1227059) ونعم .................بالممدوح ...وصح السانك .......................قصيده جزله من جزل

المشاركة الأصلية كتبت بواسطة مهنـا العتيبي (المشاركة 1227086) الله عـلـى الـلـي طريـقـه دايـمـا سـيــده وارد حـفـيـز ٍ جـديــد الـصـنـع يـابـانــي عندك غلط في البيت وراد حفيز ماهو بياباني !!!!! وراد حفيز الفرت الامريكي !!!!! الم تسمع بندر بن سرور عندما قال دوك السويتش وشغل الفرت يابخيت وارد حفيز وكاملات فنونه

المشاركة الأصلية كتبت بواسطة محمد الذيابي (المشاركة 1227110) ظلع تذرا جميع الناس في حيـده *** الجار والظيف وابن العم والعاني كفو لاهنت يالشهيب

المشاركة الأصلية كتبت بواسطة فهد العازمي العتيبي (المشاركة 1227174) .. صح لسانك يافهد ولاهنت ويستاهل الممدوح على موقفه الطيب ،،،

المشاركة الأصلية كتبت بواسطة الدعجاني 000 (المشاركة 1227622) ملفاه قرم ٍ مايخلـف فـي مواعيـده من روس برقا عريب الساس دعجاني لفاك الخيررررررررر تنشر لك البيض ياغازي يابـن عيـده ياللي علومك سواة السيـف شامانـي الله يبض وجهه نومس ربعه وبني عمه صح لسانك يالشهيب جزل وتستاهل كل خير

المشاركة الأصلية كتبت بواسطة عوض عبيان (المشاركة 1227902) صح لسانك ونعم بالمادح والممدوح ذكرتني شطر لخلف بن هذال في قوله واردحفيز ويسري الليل كله

المشاركة الأصلية كتبت بواسطة غازي غالب (المشاركة 1233428) صح لسااانك يابو عواض ولا عليك زوود طال عمرك وانت راعي الاوله .. انتظر الرد مووودتي ,,,