سلام يالهيلا عتيبة بعد ماطال الغياب=واللي غيابه طال يدفعه الغلا في جيّته
الالسن اللي ماتخاف الله تبشر بالعذاب=كلٍ يعدّ الحقّ ويصفي مع الله نيّته

يامرحبا باللي لفا من بعد تهديد وعتاب= ترى قلوب اصحابك العتبان ماهي ميته
لكن عيد ياولد شيبان في بيض الثياب=الراعي المصلاح ما ظني تضيع رعيته

ماجيت بالتهديد ياغانم ولي قدر وحساب=الله يكافي من بليس ومن غثا ذريّته
العيد راح وجابك الله بين ضرس وبين ناب=ماينتجازا راعي السيّه ياكود بسيّته

ما طاح في نار الغضب غير الفراشه والذباب=احدن يكرّم شاربه واحدن يهين لحيته
اوجيه كاسيها البياض ؛ اوجيه غاطيها النقاب=الله واكبر ويش فرق الرجل عند وخيته

الظاميه ماتشرب الاّ من مراويح السحاب=والناس تفرح به وتروى الارض من سيليّته
اللي تغشاها البياض وجيهنا يابو الشباب=والثانية تلقالها من تكتب بجنسيّته

لا والله الا عوّدت ياصحابنا عج وضباب=وشلون ابن مشيب يضيّع جرته في فيته
اللي تغشاها البياض اتبين في وقت الحراب= واللي تخفى يالعتيبي ضعف في شخصيته