سلام الله برديه كما الياقوت والالماس
 

سلام الله برديه كما الياقوت والالماس =انصيها الرجال اللي بعيداتن هقاويها =من عيال الهلالي خمسه اللي وارثين الطاس =ولا منه تبقى ثنين ضاع الطاس بيديها

هلا يامرحبا بك ياصدوق الفكر والأحساس ... نيابه عن رجالاً فعلها يطلق يمانيها


الا ياصاحبي منته وكيل الناس خل الناس ... وجيب من العلوم الي وثيقاتاً عراويها

عسى فيك البقا وانته سليل الطيب والنوماس =ترحب بالتراحيب الجزيله وانت راعيها = ترانا مابنينا البنيه الا مدركين الساس = لكنك لاتهد جدارها وارفع مبانيها

تسولف يالرهافي والعلوم يشوش منها الراس ... طواريق العصيمي ليش تاخذ من معانيها

أظن الديره الي جيتها خطره على العساس ... ولو سند بها راعي الدبش ماعاد ينحيها

الله الله

غالي صح لسانك

ابن هملان صح لسانك

متااابع بالدربيل :)

واصلوو

ابا سولف مع الطيب وابكتبله على القرطاس =بروس اقلام كلمه بين كاتبها وقا ريها =اظنه مايطيح من الشجر لو يشتد النسناس = سوى بعض الورق وخفبف العود ونواميها

ترى قافيك ليلاً مدلهمَ ولا يجيك نعاس ... مادام أن الذياب الشهب متترك مساريها

ليا طاح الورق من شجرته قمنا وجبنا الفاس ... على وجه البسيطه يالرهافي مانخليها

صح بدنك ياجمال وجمل الله حالك

تعرف ان الذيابه ما تضيع بحالك الادماس = واشوفك فازع بندقك ياذيبان ترميها =تقوله وانت يارجال في صلب الخبر منحاس = عسى الله يرحم الغمد من اولها لتاليها

الا يا ذيب لو نرميك بلبندق تشوف الباس ... تعاين في طويلات الجبال ولا تعديها

لزوم انك سمعت العلم واضح من وكالة واس ... ترانا كان ما قدنا القوافل ما نباريها

بعد بندقك ثارت في خباها ماعليها قياس =تسويها يابن هملان ولا ماتسويها = رمينا الدلو وحبال الرشا في بير ابن هرماس = ترا هذي هي القصه ياعبد الله ومافيها

صح بدنك اخوي عبد الله اعذرني مافهمتك وش تقصد بالظبط ولك كل احترامي

لا والله مافيه سبب بس كل مابدع شاعر من زملانا يرد عليه شاعر قبلي ولا اقدر ارد واذا عندك طاروق هاته وابشر باللي يرد ترى يشرفني العب معك يابن جبار

الله يشرف مقدارك ياغالي والطواريق جايه ان شا الله