أنقضى عيد رمضان وحل عيدك يابلادي=بعد عيدك يارمضان وقبل عيدك يالضحيه
افرحي يادارنا والعود بعيون الاعادي=ماحسبنا للطغاه ولا لقول الجاهليه
محتمينك بالسيوف ومحتمينك بالهنادي=من جبال الساحل الغربي ليا نجد العذيه
ومن شمال لياجنوب ليا الخليج أخذ الوكادي=ماينوشك من عدو الله لا هاذي وذيه
ياوطنا لا يغرك من تدرق بالجهادي=والهدف واضح تقومه العقول الاجنبيه
ماتروح بلادنا مرواح بصره والرمادي=والسبب من شعبها الخاين وقادتها الغبيه
اسمحو للظلم والعدوان ياكل فالعبادي=واتركوها حرب أهليه وفتنه طايفيه
يابلادي يابلاد الخير يارمز المبادي=منك ياداري رفعنا روسنا والمعنويه
دون رملك يابلادي كل خلق الله يفادي=امني في ظل أبو متعب مليك اليعربيه
غطرفي ولشعبك الميمون باعلى الصوت نادي=من فرحك الشعب يظهر فرحته صبح وعشيه
ياحكومتنا عساك بخير عاد العيد عادي=عاد عيدك برمضان وعاد عيدك بالضحيه

المشاركة الأصلية كتبت بواسطة عبدالمجيد النفيعي (المشاركة 1223038) لو إن اليوم الوطني مثل مزاين الهيلا : كان قلنا عادي تقول عنه : عيد ، ولكن متكرر سنوياً وإذا أعتبرناه عيد يُعتبر بدعة ممنوعة

المشاركة الأصلية كتبت بواسطة عـقـــــــــــاب (المشاركة 1223304) صح الله لسانك يامحمد قصيدة جزله ولا نستغرب لكن الفتوى تحرم ان يكون هناك عيد ثالث

المشاركة الأصلية كتبت بواسطة متعب الند (المشاركة 1223362) صح السانك يامحمد الذيابي................................وكل عام واللوطن بخير..