ياسلام الله سلامٍ للجميع=كنه الشاوي ليا شاف الربيع
في حلاٍل اللي مشيبت الرضيع=(والحقيقه مايصح الا الصحيح)

ولا ياحضرت الشعاركيف الحال ياشعار=نبا الهقوه بعيده دامت العربان ممسيه
ولا يالفارس الصامل ولا يالفارس المغوار=على نفس الخطى واصل طريقك وتحم الهيه

مرحبا ترحيبتن فيها ضمان =تمسح الدنيا مكان اليا مكان
ابتلش بالعشر ياراع الثمان=الحقيقه مانقول الا الحقيقه

ياعبدالله ولد جبار والله وحده الجبار=لكنك لو تجبر ماخذيت من العرب شيه
وحنا نحمي المركي ونرخص قيمة الاعمار=وتمدحنا الشيوخ وتزدرينا كم واويه

المشاركة الأصلية كتبت بواسطة منصور عبيد (المشاركة 1221454) مرحبا ترحيبتن فيها ضمان =تمسح الدنيا مكان اليا مكان ابتلش بالعشر ياراع الثمان=الحقيقه مانقول الا الحقيقه ياعبدالله ولد جبار والله وحده الجبار=لكنك لو تجبر ماخذيت من العرب شيه وحنا نحمي المركي ونرخص قيمة الاعمار=وتمدحنا الشيوخ وتزدرينا كم واويه

يوم بان الجد ياراع الشداد=إنعرف كل الرياجيل الشداد
من فعِلهم كثرو الناس الشداد=والحقيقه مايصح ألا الصحيح

عليكم زنقةٍ زنقه وبنحشركم فوسط الدار=على الشيطان وعوانه على المقرود ووخويه
ترى الخاين يعرفونه رجال العرف والأحرار=لكنه يبشر بعلقه علاه اليوم مثنيه

المشاركة الأصلية كتبت بواسطة ذعير العالي (المشاركة 1221455) صح الساااااااااااااانك ياعبدالله جبار ولسان أخوى منصور عبيد

المشاركة الأصلية كتبت بواسطة محمد الذيابي (المشاركة 1221464) صحة الألسن والقلوب

المشاركة الأصلية كتبت بواسطة ذعير العالي (المشاركة 1221575) صح السااااااااااااااانك يابو جبار وبيض الله وجهك ......وجهة نظر ياخوان أشوف الموال ماله داعي فالمنتديات

ايه أنا راع الشداد الاولي =وش يقرب منزلك من منزلي
قالها ابن حميد أنا مالي حلي=والحقيقه مايصح الا الصحيح

نبا نشريك بريالين وان بعناك بالدولار=ولو انك ماتسوى عندنا لو ربع ربيه
وجيرانك مبلمت الجعر ياجارها ياجار=لكن مابلموا كل الجعر يامصلح النيه

طاردينك لين ذبيت النفق=ياعميل الغرب تبشر بالنفق
ولا يفيدك كل قرش من النفق=والحقيقه مايصح الا الصحيح

على معمر ومن مثله نشب النار مانحتار=لإن أفعالهم سودا حونشيه حونشيه
تراك فنظرة الفرسان مثل الجرذ ولا الفار= ومن يفعل فعولك ماله الا النار والكيه