الشيخ والفارس محمد العبود شيخ القثمه.!!
 

السلام عليكم ورحمة الله وبركاته.


كيف حالكم عساكم بخير.


يا أخوان هذه بيت سمعته من العواده لشاعره ترثي الشيخ والفارس محمد العبود شيخ القثمه.رحمة الله عليه.



العين يا محمد العبود.......كن الرّمد ثايرن فيها


ومثل ماهو واضح من البيت كثرة البكاء على الشيخ رحمة الله عليه.


والمطلوب من من يعرف الله لايهينه.


يجيب إلنا القصيده كامله ومن هي الشاعره اللي قلتها.ونبذه ولو مبسطه عن الشيخ محمد العبووود.


<<<في إنتضار من يفيده.

اعتقد ان قائل البيت هذا امرأة والله اعلم

لكن حبيت اني افيدك عن الشيخ محمد بن عبيد العبود بهذه الاضافة

يلقب بمنادي الجيعان رحمه وقد رثاه الشاعر سعود الدسيـّم الزيادي من قصيدة بعد مقتله على وقت الاخوان :

ايه البيت اللي أنا نزلته قايلته حرمه.لاكن ناس قالو شاعره قثاميه وناس قالو شاعره سبعيه.عشان كه نزلت الموضوع عشان نتئكد .وبعد زيادة معرفه عن أحد رموز عتيبه.


والله يعطيك العااافيه يالحبردي على الإضافه المثريه ولاهنت.ولاكن ابا انشدك الشاعر سعودي الدسيّم زايادي نفيعي ولالا؟

الله الله نفيعي

ولو عندي معرفة عن قايل البيت كان تبشر بس والله ماعندي خلفية

الله يبشرك بالجنه ويبيض وجهك يالحبردي على المشاركه ولاهنت.

الأمير حربيش.


الله يبيض وجهك ولا يهينك على المشاااركه الطيبه وصدق من قال ‘نك موسوعه مشاء الله عليك.

وياليت لو تفيد بئسماء الشعار أصحاب القصايد هذي أذننا نشد عنهم ونجيب قصايدهم كامله.


أكرر شكري.


أخووووووووك

فقط لتحديد محل الموقعه فقد كان الشايب رحمه الله يسولف بقصة ذبحتهم
وكان مما يقوله انهم عائدين من غزوه وحصل خلاف في الرأي بين الشيخ محمد العبود واحد شيوخ القبائل معه حيث أشار محمد العبوود بان يكون سيرهم قريبا من الحره للاحتماء في حالة مهاجمة ابن لؤي لهم ولكن من عارضه قال ما أحسبك شرود يامحمد نمشي مع البيان ولانقرب الحره فضحك العبود وقال نبا نشوف الشرود لو حدث مانخشاه وساروا مع سهل ركبه وبالقرب من الابرق غرب جنوب العرف خوصرو من بارقين بارق ابن لؤي وبارق أخر نسيت قائده وابيدوا ولم ينجو منهم الا اثنين ان لم تخني الذاكره ضويحي الغزلي ومعه أخر لتوضيح مكان المعركه وماقصرت يالامير حريبيش يعطيك العافيه

الله يرحم شايبك ويجعل مثواه الجنه.


والله يعطيك العاافيه يابن خيشوم على المرور العطر والمشاركه المثريه ولاهنت.

ماقصرت يالامير حريبيش يعطيك العافيه

إبن منيع الزلامي.


الله يعطيك العافيه على المرور ولاهنت.

تحديد القصه فهي كما ذكرها حمود بن حسين ابن خيشوم

بالنسبه للذي كان مع العبود هو الفارس الهمام راقي الفرد المقاطي وزير الشريف باشا في عصره
اما عن البارق الثاني الذي قابلهم من الامام او بالتحديد من الجنوب هو بارق سعد ابن لوي ابن خالد
وتقابل الجمعان بارق الامام الملك عبد العزيز بقيادة خالدبن لؤي وابنه سعد وبارق الشريف باشا بقيادة العبودوابيدةسرية الشريف عن بكرة ابيهاالا واحد هرب اثناء القتال اتجه الى عشيره واخبر من كان هناك
قصيدة هي
ياذيب دوك اكل ابو يابس وصّنات&وكل محمد وعود فالجثايا
سرية جابها رب السماوات&في سهلةٍ لاهضاب اولا قرايا
خمسه وخمسين غير العيدهيات &راحو عشاء للذياب او للضرايا
هذا قضاء ربعنا فيفايتٍ فات يوم &يوم اذبحوهم وهم حخ اوعرايا
(اولا) بالنسبه عبدالله ابو يابس امير المضيق البهيته طريق السيل لم يقتل بل عندما كانو يقلبون القتلا وجدو واحداً يشبهه وضنؤ انه هو
(ثانيا)صنات ابن حبيليص ابن اعديس الشيباني العتيبي امير قبيلة العمور من الشيابين وهو لم يقتلايضا
بل توهموانه معهم كما توهمو ابو يابس اما الذي قتل فعلا هو محمد العبود القثامي العتيبي امير قبيلة القثمه ومعه الفارس راقي الفرد وزير السريف حسين هذا والسلام على من اتبع الهدى

(ثانيا)

الله يعطيك العافيه

سنة ذبحة العبود تاريخ عند البدو

الشبل ابن الاسد

الله يعطيك العااافيه على الاضافه الطيبه واما عن ابو يااابس كني قد سمعت إنه انقتل في سداد إن ماخاب ضني وماهو في ذيك المعركه ولاكن القصه مضيع فيها ولاني متئكد منها بالحيل وإن شاء الله لا تئكدت من صحة الروايه اللي سمعتها وعرفتها كامله نقلتها إلكم وتسلم على الاضافه يالذيب ولاهنت

الكرمان:::الله يعافيك ويخليك وتسلم على المرور


نافع:::تسلم والله على الاضافه وعلى المرور

لا عدمناكم

العملاق العفو ولا شكر على واجب وتسلم والله يالذيب على المرور ولاهنت