الـجـو لاشـانـك وكـــدّر ليـالـيـك=هده وابـد مالـك مـع النـاس لايـم
لاسارحرّه معظم الوقـت معظيـك=وانته وحرّه فـي هـواش وتزايـم
سج القدم وابعد مرامي خطاويك=دور علـى ديـره وجــوّن مـلايـم
تلـقـا ديــارن ماتخـالـف امانـيـك=طـب العليـل ومنـزل الغيـم دايـم
نسمت هبايبها في يومـك تسليـك=وريح الخزاما مع عليـل النسايـم
لاذعذع النسناس طابت مساريك=ون هبت الغربي رميت العمايـم
والشمس لو تشّرق بعد ماتعنيـك=الجو . جو ومعضم الوقت غايـم
يعني يبي يمّطر سحايـب تهنيـك=زخ البرد منها مـع السيـل عايـم
لاغبت في جوّه تناسيت ماضيك=وتعيش في جوك مع الغيم هايـم
فلّت حجاج(ن) والسحايب تخاويك=ابـرك مـن اجوائـن تهـد العزايـم

المشاركة الأصلية كتبت بواسطة عناد الشيباني (المشاركة 1219054) الله الله . . أنا اشهد صح الساااااااااااااانك..

المشاركة الأصلية كتبت بواسطة محمد الذيابي (المشاركة 1219055) والله انك صادق ياخالد مازلت تبدع كما عهدناك تقبل مروري يالغالي

المشاركة الأصلية كتبت بواسطة مرزوق حمدان العتيبي (المشاركة 1219432) .. . مبدع ياخالدصح لسانك ..

المشاركة الأصلية كتبت بواسطة سعد المسـعودي (المشاركة 1220207) الجزل : خالد بن مبيريك لله درك ماأجزل مانثرت ,, فصح لسانك ولاهان رأسك أحترامي

المشاركة الأصلية كتبت بواسطة سنان الرمح (المشاركة 1220925) شاعر جزل ياخالد بانتظار الجديد ............

المشاركة الأصلية كتبت بواسطة حمود بن خيشوم العصيمي (المشاركة 1221686) لقد أبدعت وأمتعت 0 صح لسانك خالد مبيريك تحياتي