يالهذيلي ودنا نلعب وفالمعنى تصيبي=والمعاني يالهذيلي بعضها ماهي جريمه
الهذيلي طامع في عبدالعزيز العتيبي=والعتيبي يالهذيلي طمعته شر وضليمه

المشاركة الأصلية كتبت بواسطة قحص الله الله يالهذيلي ودنا نلعب وفالمعنى تصيبي=والمعاني يالهذيلي بعضها ماهي جريمه الهذيلي طامع في عبدالعزيز العتيبي=والعتيبي يالهذيلي طمعته شر وضليمه

مرحبا ترحيبة ٍ ما دونها شك ٍ وريبي = بعدها هات العلوم اللي جديده والقديمه
أختلفنا وأتفقنا كلها ود ٍ وطيبي = وكان يبغى الحق حاضر يحكم وحكمه نقيمه

البقا يامن يرحب في صديق له قريبي=يالهذيلي شد حيلك واجعل النيه سليمه
يالهذيلي حاضر بحاضروهذا العلم عيبي =يجهل القصه غرير صغير جعله للحريمه

راس مالي حافظه يا صاحبي في وسط جيبي = وانت مالك دوره روّح مع الفارس غنيمه
الدوى موجود وجروحك تحت يد الطبيبي = كل منهو ضيم نلقى ما يفيد اليوم ظيمه

علم اللي ما تعلم لا تعلم لك لبيبي = وانت عينك كنّها يا صاحبي عين ٍ يتيمه
صرت لقمه تحت ناب الذيب ذا حظ ونصيبي = والسبب فسواقت متهور يدينك غشيمه

يا قحص تقحص على غير السنع كنّك غريبي = خيمة ٍ ما تنبني ألا على عامود خيمه
الهذيلي سالم الأسباب وأنته ما تطيبي = غير لين تذوق كيّه تحت جو ٍ فيه غيمه