|
تفضلــوا [محاورة سفرالدغيلبي وعبدالله الميزاني الجديدة // مثيره] فيـديــو ..
بسم الله الرحمن الرحيم
السلام عليكم ورحمة الله وبركاته هذا الطاروق اللي طلبوه الاخوان كتابي وفيديو عبدالله الميزاني هذا سفر محترق قلبي علشانه***الصاحب اللي يودي العلم ويجيبه وأنا علشان روحه شلت ريحانه***وانا أمدح الرجل ماأبين عذاريبــــه سفر الدغيلبي ياطيب قلبك لو الأخلاق خربانه***من وين نقدر نجيب أخلاق تركيبه المدحه اللي كذيّا مالها خانه***عن مدحة مطير ربي مغني عتيبه عبدالله الميزاني لاتكره اللي ماغير يحب جيرانه*** وأنا اكره الماء ليا كثرت دغاليبه لكن ابعطيك علمٍ سر وأمانــــه***ورعٍ يتعبك حـــاول لاتعديبــــــــه سفر الدغيلبي وأنا أكره الحق لامن مال ميزانــــــه***بعض الموازين طايح ويش اسويبه كنت أحسب انك متكي وسط زنزانه***لين انتصل صاحبك والعلم جانيبــه عبدالله الميزاني أقول يالله تعز البيت باركانـــــــــه***ستة في ستة على مالله بلانيبــــــه القلب مهموم لجل العين سهرانه***والغالي اللي سواتك ويش أسويبه سفر الدغيلبي ان كانك تدوره باقوللك عانــــــه***عساه يشبعك من خبثه ومن طيبـــه الظاهر انك تبي لك فحص وصيانه***قلبك من العام قلي ويش غاديبه عبدالله الميزاني أثرك من يلحس المشهاب بلسانه***دايم على طول تشريبه وتغريبـــــه البيت مايندخل من غير بيبانـــــــــه*** ترى المطيري يعرف كبار اصاحيبه سفر الدغيلبي أشوف مشهاب غير أشوفك وزانــــه***سبحان خالقك حول الشك والريبـــه كبدك على صافي المشروب ضميانه***واليا انقطع عن عروقك صارت مصيبه عبدالله الميزاني كم واحدٍ مايبى ألا عطف وحضانه***مابات ليل الضلام ليا عوى ذيبـــــــــه ليش الولد مرتكي والبنت عريانه***ياشين بعض العرب من شين اساليبه سفر الدغيلبي ياما أطيبك لو عينك عين شيهانه***تقول حرٍ يعدي في مراقيبه http://www.youtube.com/watch?v=NB0_0kj3mlw |
بيض الله وجهك يابن عاصم
ولاهنت على النقل الرائع وجاري الاستمااااااااااااااع |
سفر الدغيلبي
اذا استمر على التطور الرهيب في مستواه ربما بعد عشر سنوات يكون تاريخ مثل مطلق ، والمسعودي ، والجبرتي ، وصياف لاهنت يابن عاصم |
كبدك على صافي المشروب ضميانه
وليا انقطع عن عروقك صارت مصيبة الله الله سفر يدق الميزاني في فعلته المنكفش فيها الصيفية الماضية |
لاهنت يا بن عاصم ع النقل يا ذيبان
وسفر شاعر قوي قوي قوي ولا يستغرب عليه البدع الجزل طال عمرك |
ابن مغير
وجهك ابيض يالذيب والله لايهينك .. مزحم العتيبي ندعو لابو سعد بالتقدم والتوفيق واشكرك على مرورك العطر .. قاسي العتيبي اشكرك على مرورك عــقــــــــاب ابو سعد يستاهل المدح وبيض الله وجهك على طيب المرور |
..
. مشكور يابن عاصم .... دايم راع الاوله لاعدمتكــ وياليت نشوف محاورة راشد وسفر في نفس الحفل .. ... |
مشكور يابن عاصي..
وليتك كملت معروفك ونزلت باقي المحاوره .. |
سفر مبدع دائما
سوار الذهب في السنوات الأخيره له شطحات وكلمات غريبه. لاهنت على النقل |
يعطيك العافية يابن عاصم
.. |
اقتباس:
لاهنت ع النقل يابن عااااااااااصم المحاورة فيها نزول جداً 000منها المشهاب ولحسه وووووووو؟؟؟؟؟ وابيات سوار الذهب قوية وتركيب مفرداتها يدل ع قوة شاعريته وثقافته0000 وسفر ابياته جيدة والتركيب للمفردة اقل من مايتوقع منه00000هذه وجهة نظر ورائيي وشكر اً |
مرزوق - المويعزي - عبدالملك - الرأي الاخر
كل الشكر لكم على طيب المرور وبارك الله فيكم |
اقتباس:
اقتباس:
اقتباس:
ولكن مع احترامي لشخصك الكريم ولرأيك الذي أبديته .. إلا أنك رجل متناقض وكلامك غير منطقي !!! |
ادا قوي ورائع من سوار الذهب كالعاده كفو يالمطيري كفووو
مافيه مقارنه يبقى الذهب ذهب |
طاروق فيه من النزول الشي الكثير بدأها الميزاني يتغزل ويحاول أن يستخدم أسلوب جديد مع سفر الدغيلبي لأنه ربما جرب كم أسلوب معه ولا جاء على ما يريد وربما أسوب جديد يحاول يجربه لإرضاء الجمهور أو نوايا أخرى حاول يجربه مع حبيب العازمي في الصيفيه الماضيه وربما لا يقصد حبيب العازمي إنما شاعر أخر من المتواجدين ثم هذه الصيفيه يقول لـ حمود السمي في تربه (يا حمود أحبك وأحب اللي يحبونك ) فيه أبيات ساقطه جدا منها بيت ( سته في سته ) ولكن ابو سعد حاضر بقوه وقال ما تريده موجود وبعدها إتهمه سفر الدغيلبي بـإتهامات الله يكافينا شرها وإخواننا المسلمين لا هنت يا ابن عاصم |
اقتباس:
المشاركة الأصلية كتبت بواسطة شاعر مشاعر ولا اشوف في هالمحاورة نقض وفتل ومعاني غامضة ع المتلقي بل محاورة عادية؟؟؟؟؟ يا بن عاااااااااااااااااااصم انت هنا نسخة وعلقة ع ردي اعلاه وردي هذا قبل تنزل المحاورة كاملة الله يهديك 00000هذا للمعلومية |
ابو فايح لاهنت على مرورك ولاعدمناك ..
|
اقتباس:
ويبقى التناقض واضح وضوح الشمس سواء بين جزئيات ردك الاول أو بين جزئيات ردك الثاني وكذلك بين ردك الاول وردك الثاني .. أعد النظر في ردودك قبل لاتضيفها أخي الكريم هذا إن أردت أن تترك لك بصمة واضحة في هذا المنتدى وان أردت أن يأخذ برأيك الأعضاء .. اجدد شكري لك .. |
يالربع الله يرحم مطلق وصياف وشليويح
الميزاني وسفر شعار كبار مافيها كلام لكن النزول في القصيد مايصلح والبادي الميزاني وجاراه سفر ولا المفروض يرفض اللعب على هذا الكلام أجل هذا بيت (يلحس المشهاب بلسانه!!!!)والله مصيبة ينقال مثل هذا الكلام كذلك رد سفر ماهو طيب أبدا وين تقدير الزمالة وأهل الحفل والسامعين والقبيلة الي تمثلها.. أتمنى ما أحد يزعل مني لا جمهور الميزاني ولا سفر لكن هذا رأيي وأتوقع إذا قعد النجم الكبير الميزاني على هذا المستوى المنحدر في المعاني فإنه سيواجه مقاطعة كبيرة من كثير من الشعراء في المملكة.. تقبلوا تحياتي ومروري.. |
محاوله يائسه من الميزاني للتأثير على معنوية الشاعر الكبير سفر الدغيلبي
وهذا أسلوب حقير ودنيء الى أبعد الحدود فسفر الدغيلبي ذو شخصيه قويه ومتزنه وتحمل تقديرا لاهل المحل ولو لوح له سفر بالكف أنكتم المصروع مثل ماقال مستور بن تركي في أحد الملاعب لشاعر كبير ولكن أساء التقدير فرد عليه مستور: أنا لولا حيايي من العرب والله لأطخ كف000معك ماتستوي دروب الجميله واسر ياساري |
محاوره قويه ولافيها شي واضح يخدش الحياء
اكثر الاخوان هنا لا منه عرف المعنى جاب اللي وراه ودونه |
الميزاني كان غير مدعو للحفله ولاكن حضر من باب التسول كماء العاده
|
لاهنت يابن عاصم
سفر الدغيلبي شاعر معتبر |
اقتباس:
|
كالعادة من عبدالله الميزاني تركيب ابيات قوية ولكنه للاسف لايمشي على معنى عام في الطاروق يعتمد على توظيف بعض الرموز في كل بيت
وسفر في هذا الطاروق استخدم اسلوب التقفيل على بيوت عبدالله والجميل في طاروقهم اخفائهم للرموز والاتهامات بينهم |
اقتباس:
|
اقتباس:
الميزاني سواء مدعو او ماهوب مدعو مافيه اي مشكلة و لكن مشكلة سوار الذهب انه مايعي مايقول إذا جاء في حفلة اجناب مايحترم الرجال و محلاتهم يسبهم و يتلفظ عليهم دون اي سبب |
مع احترامي للجميع هذا طاروق لشعراء كبار من شعراء المحاورة
ماذا ترك للشعراء الجدد او المبتدئين لاهنت على النقل يابن عاصم |
اقتباس:
مرحبا بك ياعاشق الطاروق والله لايهينك .. |
لاهنت وبيض الله وجهك ع النقل الجميل
واسمحولي بمداهله شعريه خفيفه عليكم واعتقد الحق ماينزعل منه من ناحية عبدالله غازي (سوار الذهب) فهو شاعر ولايختلف ع شااعريته اثنين وشاعر قوي لابعد الحدود بغض النظر عن السقطات الشعريه وللامانه شهدت له اكثر من محاوره مع الهرم الشعري مطلق الثبيتي الله يرحمه وشهد له بذلك كذلك شهد له الشاعر حبيب العازمي يعني شاعريته لاكلاااااااااااام فيهاااااااااااااا مطلق لايطلب شاعر الاوهو مقتنع بشاعريته هذي للامانه وعدم هضم حقوقه الشعريه واناملاحض هجوم قوي ضد شاعريته اتمنى ان ينقلب هذا الهجوم للشخص اذاكان فيه شي وليس ع شاعريييته سواء سوار الذهب او غيره من ناحية سفر ابوسعد شاعر اثبت وجوده رغم صغر سنه واصبح يقارع كبار الشعراء بقوة شاعريه واللمام تااااام وقوة وشخصيه ولافي شاعريته شكووووووك ولمعرفتي فيه وقربي منه يتقصر سفر عن بعض الامور احتراما وتقدير لمنهم موجودين وقتها زبدة الكلام من يقول ان الميزاني ليس بشاعر ضلم نفسه ولم يعد الصحيح والضلم ضلماااااااااات تقبلوا مداخلتي بصدرٍ رحب ووفقكم الله لما يحبه ويرضاااااااااه |
الشاعر مقعد الدغيلبي
أشكرك شكرا جزيلا على مداخلتك الأكثر من رائعة بل أرى أنها من أفضل من رائعة ورغم اختلافي معك في بعض جزئيات المداخلة لكن الذي أعجبني منك هو البعد عن التعصب وقول الحق ورفعه للناس حتى لو أنهم قد يرفضه البعض والحقيقة هذا التعصب هو الذي يبعد عن كثير من المواضيع بريقها وجمالهاوخاصة في منتدياتنا القبلية ولذلك قد يلجأ الشخص للبعد عن التعليق عن بعض المواضيع لكي لا يقع في مشادات مع إخوان له يعزهم ويقدرهم بل قد لا يطرح كثير من المواضيع للبعد عن الدخول في مشادات وتشنجات فأشكرك من كل قلبي وأشكر هذا المنتدى الذي يتقبل الرأي الآخر الذي قد يكون ضد من ينتمي له من الشعار تحياتي وأتمنى أن يكون كلامك هذا مثالا يحتذى به وتقبل مروري .. |
اقتباس:
والحقيقة أن كلامك صحيح ومن وجهة نظري أنا أن شاعرية ابن غازي لايختلف عليها اثنين .. لكن المشكلة في تصرفاته وخروجه عن المألوف فأحيانا يكون في وضع طبيعي ويقدم مستوى مميز وشعر قوي .. وأحيانًا للأسف يكون غير سوي ويفشل نفسه ويفشل جمهوره والمعازيب اللي عزموه .. وهذا التصرفات أو ماسميتها أنت بالسقطات بكل تأكيد له تأثير على مستواه الشعري .. كل الشكر والتقدير لمرورك المميز وبارك الله فيك .. |
اقتباس:
ماكل شاعر يشهد له في بداياته ينجح ويصنف من ضمن الشعراء الحقيقيين والدليل أن فيه شعراء كبار شهدوا لشعراء مبتدئين وبعدها بفترة أعلنوا تراجعهم عن ذلك أما عبدالله الميزاني في بداياته أفضل منه بكثير لكنه من عشر سنوات وجاي أصبح يقدم كلام متناسق في اللفظ خالي من الشاعريه |
مداخله بسيطه: عبدالله الميزاني شاعر كبير من ناحية الشعر ولكن أسلوبه وطبعه وسلوكه سلوكيات منحرف والدليل محاوراته التي لا تخلو من الألفاظ المشينه وأخرها محاورته مع سفر الدغيلبي.. يجب على الشاعر أحترام نفسه قبل كل شيء وأحترام أصحاب الحفل وزملاءه الشعار.. كان من المفروض أن سفر ما يلعب من سوار الذهب لأن سفر له مكانه وقدر مفروض على الجميع وسوار الذهب له مكانه معروفه؟؟؟ وجهة نظر خاصه!! |
ياجماعه الميزاني والدغيلبي شعراء كبار ولا فيهم كلام وتركوا عنكم التفسيرات السيئه
|
هذا سفر محترق قلبي علشانه***الصاحب اللي يودي العلم ويجيبه
وأنا علشان روحه شلت ريحانه***وانا أمدح الرجل ماأبين عذاريبــــه سفر الدغيلبي ياطيب قلبك لو الأخلاق خربانه***من وين نقدر نجيب أخلاق تركيبه المدحه اللي كذيّا مالها خانه***عن مدحة مطير ربي مغني عتيبه سفر تفوق بشكل وااااضح خاصه في تحويل التمريرات وقلب الطاوله على الميزاني الذي نحترم شعره وتاريخه بلا شك خلاصة الكلام هذا الشطر لسفر : (سبحان خالقك حول الشك والريبـــه) |
سبحان خالقك حول الشك والريبه
هذا الشطر من سفر ذو أبعاد كبيره إختصر كثيرا من العبارات أوافق ألأخ فايزالثبيتي في ماقاله تماما شكرا فايز _ شكر أول لأحمد |
اقتباس:
بما أنك يا ابو سرحان شايف سفر تفوق ومرر وقلب الطاوله :) عندي لك كم سؤال على الطاير مع أن ماعجبني من الردود ولا شفت واحد فاهم الا انت من اللي يودي العلم ويجيبه؟؟:) من هي ريحانه اللي شالها عبدالله :) علمنا كيف خلص نفسه سفر وخارج نفسه :) بأنتضار ابداعك |
الاخ عباد اتمنى اولا الا تتسلل العنصرية لرؤيتنا النقديه انا وانت
ثانيا بالنسبة للاسئلة التي طرحتها يفترض ان اتجاوزها لان هناك ضعفها يمكن طرحه بالنسبة لمفردات الدغيلبي التي استخدمها ولكني ساجيب على ما تفضلت به (الصاحب اللي يودي العلم ويجيبه )اعتقد انك ذهبت لتأويل يمكن ان يكون في ذيل قائمة المقاصد لا يفرض نفسه بقوه لا على المستوى العقلي ولا على المستوى البديهي . فلو انني وصفتك بانك رجل تودي العلم وتجيبه لما انكرت هذه الصفة التي قد تكون ( كمثل الحمار يحمل اسفاراً) وهو تأويل بعيد كل البعد عن متناول الذهن . وعلى العموم رد سفر ب( ياطيب قلبك لو الاخلاق خربانه) فيه حمايه لنفسه من هذا التفسير فوصفه لخصمه بسوء الخلق كافي بانكار كل مايمكن ان يكون وراء هذا البيت " اما الريحانه التي تسأل عنها فهي من ادوات السجع التي اعتاد الميزاني على طرحها لاضفاء الضبابية المزعجه على ابياته والتي يتوهم معها المتابع البسيط مقاصد ومناورات مكوكيه صارت مكشوفه للكثيرين مانعرفه عن القلطه انها مداحم جنوب ورمي على الذرعان لكن الظاهر ان عبدالله الميزاني ناوي يغير المفهوم ابيات سفر كانت اكثر وضوح وصلابه وواقعيه وفيها رسائل خطيره لم يرد عليها الميزاني من وجهة نظري التي لا افرضها على احد هنا مثلا المدحه اللي كذيّا مالها خانه***عن مدحة مطير ربي مغني عتيبه كنت أحسب انك متكي وسط زنزانه***لين اتصل صاحبك والعلم جانيبــه كبدك على صافي المشروب ضميانه***واليا انقطع عن عروقك صارت مصيبه صارت مصيبه وكانه يلمح لتجاوزاته وخروجه عن النص في بعض حفلاته وطبعا شخص السبب في الشطر الاول الميزاني وعلى غير عادته استمر باسلوبه الذي بدأ به: مثل \ هذا سفر محترق قلبي علشانه***الصاحب اللي يودي العلم ويجيبه لاتكره اللي ماغير يحب جيرانه*** وأنا اكره الماء ليا كثرت دغاليبه القلب مهموم لجل العين سهرانه***والغالي اللي سواتك ويش أسويبه كم واحدٍ مايبى ألا عطف وحضانه***مابات ليل الضلام ليا عوى ذيبـــــــــه وصل به الى التغزل بالاصاف والاشخاص الاسلوب الذي انحدر به الى حد انه اورد بيت لا اقل ان نقول عنه انه سخيف مثل هذا البيت أقول يالله تعز البيت باركانـــــــــه***ستة في ستة على مالله بلانيبــــــه الذي اضطر سفر معه ان يكون له رد حازم (مجبرا اخاك لا بطل ) ان كانك تدوره باقوللك عانــــــه***عساه يشبعك من خبثه ومن طيبـــه الظاهر انك تبي لك فحص وصيانه*** (قلبك) من العام قلي (ويش غاديبه ) في الختام اوجز رأيي في كل ماقيل وهو ان سفر الدغيلبي كان اكثر حضور واحساس بالشعر وبالفتل والنقض اكثر واقعيه في ابياته بعكس الميزاني الذي لا زال يتخبط في خياله الواسع يحسب للميزاني شيئين الاول وعلى غير ماتعودناه منه مؤخرا الثبات على الطرح وتسلسل الافكار خلال المحاورة الواحده والثاني هذا البيت البيت مايندخل من غير بيبانـــــــــه*** ترى المطيري يعرف كبار اصاحيبه في الختام كلهم اساتذه نتعلم من اخطائهم كما نتعلم من نجاحاتهم " تحيتي لك |
اقتباس:
وليه فسرته بها الطريقه :) والا على قولة((جهز الدواء قبل الفلعه)) والا تبي تئول على اللي يجوز لك كما أعتدنا عليه في هذا القسم طيب وش رايك بها الرمزيات لو وضفنها في بيوت المحاوره بمثل وانت شاعر فيك عاده؟؟ وانت تجر الذبيحه ؟؟ القرعه اللي تختارها ؟؟ والرمزيات كثيره ربما لا يفطن لها اي شاعر أو با الاصح لا ينقض البيت بالطريقه المطلوبه . اما الريحانه التي تسأل عنها فهي من ادوات السجع التي اعتاد الميزاني على طرحها لاضفاء الضبابية المزعجه على ابياته والتي يتوهم معها المتابع البسيط مقاصد ومناورات مكوكيه صارت مكشوفه للكثيرين للحين ما رديت الرد الشافي كل بيت لعبدالله يعجز عن كشفه يقلب ويتعذر اللذي يعجز عن كشفه با السجع والضعف :) ابيات سفر كانت اكثر وضوح وصلابه وواقعيه وفيها رسائل خطيره لم يرد عليها الميزاني من وجهة نظري التي لا افرضها على احد هنا أذا سفر ما نقض البيت الاول بالوجه المطلوب تبي عبدالله يرد على الرسائل الخطيره على قولتك والبدع عند عبدالله ماهو عند سفر والا المحاوره لا تأتي الا بالعكس بنضرك :) ماتشوف فيه تناااااقض كبير ؟؟ مع العلم كل من يعرف المحاوره ومايدور فيها يجزم أن الشاعر المكشوف والواضح في الفتل والنقض هو الشاعر الضعيف :) با الاصح الشاعر الواضح يبرر موقفه امام الجمهور بأنه الشاعر المسيطر على زمام المحاوره :) والا وش رايك ؟؟ ريحانه هي نقطة البدايه اللي ضيعها والا نقول هرب منها سفر وقام يكشف بيوته عشان يتخلص بأي طريقه من المواجه الشعريه اللتي تكون أكبر من مستوى شاعرية سفر |
| الساعة الآن »09:00 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd