انا اقول انهم ماضي وحاضـر=صحيح مطير حمران النواظـر
شهادة حق ابا اشهدها لجاري=سواليفـه يسـرن الخواطـر
ولاهي شهادة الرخمه لرخمـه=شهادة ظافرن يشهـد لظافـر
انا اقوله وانا ربعـي عتيبـه=اهل قحصن محـذات الحوافـر
سعدك ليا اسرجوهن واعتلوهن=حوافـرن يدكـن المخـاطـر
وأهل شلفن تصيب لياء رموها=وأهل سيفن حدب للعنق باتـر
ليا حلو بـدارن شـدو أهلـه=رحل منها كبير وحـل كابـر
لاكن مطيـر لاتظلـم نصيبـك=سل التاريخ عنهم ويش خابـر
هل التاريخ في شطر الجزيـره=على سرد المهار وكل ظامـر
وأهل يوم الصباح يقود جيشه=ويوم ابن رشيد يجيـك غايـر
بغارتن العوارض عارضوهـا=بحق الموت لعيونـن تناظـر
وأهل مشذوبه الـي ورخوهـا=على وضح النقاء مافيه غـادر
لحمـران النواظـر سجلوهـا=تغنيهـا البلابـل ف المنابـر
وجاها آغا العقيد بكل جيشـه=وراح وكل جيشه ف المقابـر
نشدت آغا العقيـد التركمانـي=بعد جاهم كبيـر ورد صاغـر
علـى بوابـة القسطنطنـيـه=مودعن العتـاد مـع الكـوادر
وفيها أستقبلـه سليـم الاول=منتفن الشـوارب والصوابـر
بعد زار الحرار وعـاف رايـه=طمع فيهم وبلش بكـل كاسـر
قرانيـس الحـرار المستهـده=نوادر مـا تجيـب الا نـوادر
كلامن راعي الزرقـاء يقولـه=مهو مدفوعن أله بمـال ثابـر
وانا أقول انهم ماضي وحاضر=صحيح مطير حمران النواظـر

المشاركة الأصلية كتبت بواسطة ولد منصور الابرق (المشاركة 1214082) ماعديت الا الحق ونعم والله بالمطران كفو صح لسانك قصيده جزله

المشاركة الأصلية كتبت بواسطة مرزوق حمدان العتيبي (المشاركة 1214087) .. . تستاهل مطير مشبعة الطير وكل القبايل فيها حقها من الشجاعه والطيب صح الله لسانك ياراع الزرقاء ...

المشاركة الأصلية كتبت بواسطة بناخي الايداء (المشاركة 1214090) والله ونعم في مطير حمران النواظر راعي الزرقا صح لسانك تحيتي

المشاركة الأصلية كتبت بواسطة علي الدعجاني (المشاركة 1214143) يستاهلون مطير حمران النواظر انعم واكرم صح لسانك ياراع الزرقا

المشاركة الأصلية كتبت بواسطة أبن نافه العطاوي (المشاركة 1214145) صح لسانك ونعم بمطير

لـيـا حـلـوا بـــدارن شـــدو أهـلــه=رحــل منـهـا كبـيـر وحــل كـابــر

اناقوله وانا ربعي عتيبه=أهل قحصن محذات الحوافر
سعدك ليا أسرجوهن وأعتلوهن=حوافرهن يدكن المخاطر
وأهل شلفن تصيب ليا رموها=وأهل سيفن حدب للعنق باتر
ليا حلو بدارن شدو أهله=رحل منها كبير وحل كابر