لياجا للفتى عشرين عـام=ما ينطح وجيه الموجبـات
لا تشفق علاه انكان حـي=ولا تبكي علاه ان قيل مات

قال الجعيد اللي ليا قال ما تاع=كلامه احلى من شراب العدودي
واحلى من البن اليماني ليا فاع=في مجلس فيه النشاما قعودي
واكن سري بين قلبي والاضلاع=وان هاض صدري رد زين الردودي
يالله ياللي للمخاليق سماع=ياجيد ما مثلك احدن يجودي
ياللي ليا مديت مدتك في ساع=مدك ولا مد البخيل الحسودي
طالبك من نوء سحابه ليا ماع=يسقي الديار المسنيات الخمودي
ياراكب من عندنا فوق مطواع=وقم الرباع مشر هينه قعودي
يشدي الفريد ليا تميز من القاع=ما عاود الا في عدام النفودي
ودوا كلامي ياموديت الاسماع=ودوه لال سعود اهل كل جودي
الحكم لال سعود ماهو بداع=موارث لابوانهم والجدودي
ياما بدوا بالجمع مع روس الارواع=وكل شرب يوم اصطفاق الورودي
هدوا ومدوا يوم مدات الابواع=لين قر الحكم بين الحدودي
لين كل كال بالمد والصاع=مازعزعوهم بايقين العهودي
هدوا وردوا الين راع الخطاءراع=لين قر الحكم بين الحدودي
وموج البحر مايقطعه غير شراع=حظ الفتي من يوم هو في المهودي
وان جاء الولد من مركز الجود وأسباع=يصبح كماهم فالمجالس قعودي
ترى عريب الجد ينشي وبتاع=يطلع كما جده ويرقي سنودي
بيت الشجاعه للشجيعين مرجاع=والسلم ما يحفظ يقع بالعدودي
والصقر له في ماكر الصقر ميقاع=مايبدي الا في طويل الحيودي
والبيت مايبنى بلا اطناب واشراع=ماينبني الا بالذرى والعمودي
والراس ما يومي بلا جنب وذراع=والجنب عزه من شديد العضودي
والحق له سده وله باب واسناع=مافيه بيع ومشترى بالنقودي
وان كان جاء فالحق شاري وبياع=يضيع بين المدعي والقعودي
اوصي هل الذمه مدورت الاطماع=علي رضا الله حدهم فالوجودي
لا بد يوم فيه نزله ومطلاع=ولا شاهد الا الله خيار الشهودي
يوم ما للعبد عاني وفراع=غير العمل ومبيحات السدودي
هذا كلام الصدق ماهو تبراع=لا هو كرم مني ولا هو حشودي
الصدق اله وازن وان مانوزن ضاع=يضيع بين اثنين ما فيه فودي
والصدق ما يوجد يقع عند صناع=يضيع كما رمي ام خمس الركودي
والكذب مايشرى ولا هو بمنباع=دايم كما حب الرحاه اللكودي
تسعين عام موزن الهرج ماضاع=حافظ جوابي ماتبيح سدودي
ردوا عليه ياهل الذرع والباع=في ما عليه تنقدون الردودي
انا كلامي لا يوديه تواع=ترى كلامي للقبائل فيودي
ياجعل من وداه في غير الاسناع=يبات خائف في طويل اللحودي
واختم بذكر الله علي كل الانواع=عداد نوء من سحابه يقودي
نوء من المنشا يجيله تزعزاع=في الزعزعه جاله تزاهم رعودي

عساه عند اللي لهم عندنا دين=اهل البنادق والرماح الحدادي

والهــــــاء علي الحر والهاء جوابــــه = ومدري وش اللي حيره وابطاه

صروف الليالي بين يوم(ن) وليلــه = تحقل بحـــب مـــاحذي بـــذراه

سموه خبـلان القلـوب الهبايـل=رجـال لوهـو قاصـره يمـنـاه
من شان غزلن نابتن في عوارضه=والغزل ينبـت فالطلـي والشـاه

يالله يالمطلـوب ياقايـد الـرجـى=يامن جميع النـاس فـي رجـواه
انـك تضيفنـا وترزقنـا الحـيـا=غيث الحيا اللـي تستبـق ثمـراه
قال الحليس اللي ليا ناموا العـرب=وهـو مـراوس للجـدي يـتـلاه
دنـا ثـلاث دلال والنجـر غيرهـا=وبنٍ على جمـر الغضـى يصـلاه
ومع فاحته بالهيل ابه فاح خاطري=سـواة جـزاح الغـديـر بـمـاه
كلامٍ احلى من شرابٍ مـن المطـر=للي طـراه القـاض ليـن اغشـاه
واحلى من الصفري ليا جاد واستوى=وعلى طلـوع سهيـل حـل جـراه
واحلى من اللي يوم يطلق صرارها=تـروي ولدهـا والقـدح تـمـلاه
وهذا وياراكب على طيـب النسـب=سبحـان ربٍ صــور واســواه
متباعد العجرود عن ملتقى النحـر=وذرعته من اليمنـى ليـا يسـراه
ذراعين وان ماقلـت فيهـا زيـاده=والله مـن اسبـاب العـرب ياقـاه
يلحق ولا يلحق وسرعن ليا انثنـا=ويفـوت راع البنـدق المـوشـاه
حرٍ سوات القيف وان جاك منحنـي=وكن الحبـر ينـزاح مـن علبـاه
واوذان مثل الخوص والخـد كنـه=قمـر ثـلاث ليـا اشتهـر مبـداه
كـن الوبـاره غاشيـاتٍ ردوفـه=سوات جـوخ نشـر مـن مطـواه
وفخوذ كما البيبان لألقت صروعها=وذيلٍ عطـر كـن القصـب حليـاه
والها علـي الحـر والهـا جوابـه=ومدري وش اللـي حيـره وابطـاه
صروف الليالي بين يوم(ن) وليلـه=تحقـل بحـب مـاحـذي بــذراه
وعزاي مـن ليـه ليـا الحارثيـه=يـوم ان كلـن يـدعـي بـعـزاه
يا طيبهم لولا الفوت شرعتن لهـم=تـرى الفـوت مـا غايبـن مـداه

من السراه ليا الطراه المذكره= يمشون طابور وراء طابور

المشاركة الأصلية كتبت بواسطة غالب الذيابي (المشاركة 1210661) : : : : نوادر من الحكم احسنوا ابداعها شعراء الجعده رحمهم الله.. شكرا يالامير ، ننتظر جديدك الطيب. : : : :

المشاركة الأصلية كتبت بواسطة فيصل المسعودي (المشاركة 1210664) قصيد جزل وأبيات فيها حكم كثيرة تشكر ياجعيد على الطرح الموفق الجزل في انتظار ماتقدمه من جديد مفيد للجميع تحياتي

المشاركة الأصلية كتبت بواسطة فهد العازمي العتيبي (المشاركة 1210702) صحت السنتهم والله يرحمهم وجعلهم في جنات النعيم ولاهنت يالجعيد على الموضوع القيم ،،،

المشاركة الأصلية كتبت بواسطة ابو يزيد الحافي (المشاركة 1210704) قصيد جزل وأبيات فيها حكم كثيرة صح السان

المشاركة الأصلية كتبت بواسطة مشاري الحبردي (المشاركة 1210725) ارحب يا راويتنا في الحجاز .....:) سلمت ولا ندمت يالامير على ذكر ابيات من ذهب وفي انتظار جديدك

المشاركة الأصلية كتبت بواسطة عبدالمجيد النفيعي (المشاركة 1210730) إذا لم تقل بعض : إستغربت منك عدم كتابة العديد من الجزل لأبناء قبيلتك الطفحة وأنت صاحب معرفة في الموروث والنعم فيهم جميع يرحمهم الله وجزاهمـ الله خير على الحكم وجزاكـ الله خير على إظهاراها

المشاركة الأصلية كتبت بواسطة (مہودع دنہيأهہ) (المشاركة 1210866) الله يرحمهم جميع ويغفرلهم جميع. الـصـدق مــا يـوجـد يـقـاع عـنـد صـنــاع ...... يصنـع كـمـا رمــي أم خـمـس الـركـودي والـكــذب لا يــشــرى ولا هــــو مـنـبــاع......دائـــم مـثــل حــــب الــرحــاة الـلـكــودي الله الله. صحت الالسن ملايين أبيات كلها حكم . ومشاء الله عليك يالامير مثل ما عودتنا ما تجيب إلا النوادر اللي ما سبقك عليها أحد. وتقبل مروري:وننتضر جديدك أخوووووووك

المشاركة الأصلية كتبت بواسطة ابو ضيف الله (المشاركة 1210877) الامير حريبيش بيض الله وجهك يا الغالي والله يجعلهم للجنة هالريجيل اللي معانيهم وعلومهم جزلة