ياعزرت الي حظوظـه بيحـت سـده=عايش ولاهو بعايش مثـل الأمواتـي
من وين ماطقها ترجـع علـى خـده=مهما يحاول ترى في كـل وجهاتـي
حتى ولوهو تعـزوى دوم فـي جـده=ماينفعه كود ركعـه مـن صلاواتـي
هاذي مقاسيم رب الكون فـي عبـده=مهما يحاول يسوي جهـر وسكاتـي
ياطيب رجلـن يسـد الـلازم وقـده=يستاهل أعجـاب ربعـه والتحياتـي
أقصد بمعناي رجلـن عنـده وعنـده=القـدره الكافيـه فـي كـل حاجاتـي
واللي تنحى عـن الواجـب ولاسـده=عساه روحـت مقيـط فكـل حزاتـي
الفرق واضح مابين الليـن والشـده=واللي مسافـر تـرى لابـد مايأتـي
ومن يزرع الحقد بين الناس من حقده=مـاالله موفقـه جيـه ثـم روحاتـي
الهم والغـم والطاعـون فـي كبـده=هذا فـد نيـاه حـي ولابعـد ماتـي
وسلام للـي خـدوده كنهـا الـورده=من شوفهـا تظهـر الونـه وآهاتـي
والخشم كنه سوات السيف من حـده=والعين صاروخ يضرب فالحكوماتـي
والشعر هايل سـوات البحـر لاكـده=من شوفته يرعب العشـاق بالذاتـي
والجسم مرغوب من رأسه ليا زنـده=ودك تطالـع بزولـه كـل لحظاتـي
أيصيبك الخوف والهشاش والرعـده=أليـا تعـدى وناظـر فيـك لفتاتـي
تدرون منهو وليفـي ياعـرب جـده=سحر المخاليـق عايـش فالأماراتـي

المشاركة الأصلية كتبت بواسطة مرزوق حمدان العتيبي (المشاركة 1209869) .. . صح لساااااااااااانك ياعبد الله

المشاركة الأصلية كتبت بواسطة سعد بن مطلق المقاطي (المشاركة 1209890) صح لساااااااااااااانك

المشاركة الأصلية كتبت بواسطة ابو راكان المقاطي (المشاركة 1239185) ياطيب رجلن يسد اللازم وقده***يستاهل أعجاب ربعه والتحياتي أقصد بمعناي رجلن عنده وعنده***القدره الكافيه في كل حاجاتي واللي تنحى عن الواجب ولاسده**عساه روحت مقيط فكل حزاتي صح لسانك يبو بجاد على القصيده الرائعه