|
حبيب العازمي وكيس الفشفاش :) !!
^^^^^^^^^^^^^^^^
^^^^^^^ :) مره من المرات جمعتني الفرصه مع الشاعر الكبير حبيب العازمي ,,,, ودارت بيني وبينه نقاشات حول الساحه الشعبيه وشعراء المحاوره بشكل خاص....وقلت والله وضعكم غريب ياشعراء النخبه... .الواحد منكم خبرته في الشعر 15 سنه على الاقل ويلعب مع شاعر ناشي خبرته يمكن ماتجاوز 3 اشهر !!مع هذا يلعب المبتدي بروح الثقه وغير متهيب من الخصم ولايحسب له حساب ويمكن بعد يحّرج عليه قدم الجمهور!! ومع هذا يمكن يطلعون متكافئين بالطاروق... تبسم ابو فيصل وقام يضحك... قلت وشفيك تضحك ؟؟قال تعرف اكياس الفشفاش ؟؟ :) رديت بتعجب وقلت وش جاب الفشفاش ؟؟؟ ,,,,,,انا انشدك عن شعراء المحاوره...وتقول فشفاش وماادرك مافشفاش ؟؟......قال بلاك ماتدري .....شاعر المحاوره في الوقت الحالي مثل كيس الفشفاش تشوف شكله كبير وحمله خفيف....انا اضمن انه مدرب الصف يقدر يلعب مع الشاعر....ماعاد فيه شعر الحين ..وزن وقافيه وصوت وشماغ بسام!!! ...قلت ايه اجل كـــــــّذا تشوف؟؟......وضحكت ضحكه بابتسامه :) .. ,,,,,, السوال؟؟ س1 /من هو شاعر المحاوره اللي تشوفونه هالحين اكبر كيس فشفاش ؟؟ |
شاعر وعصري فاتني وأعيش في أغرب عصر .................................................. ....... لاالوقت وقتي والزمن مابيني وبينه شبه هذا البيت لضيدان لكنه ينطبق على ابو فيصل 100% وياجمال تمنيت لو أنك سألت من هو الشاعر الذي لاترونه مثل كيس الفشفاش |
فلسفة ابوفيصل رهيبة اجابته بليغة جداً
|
ههههههه يمكن يقولها من واقع خبره مير ليتك قلت مثل من !!! |
عزالله صدق في كلامه ياكثرهم مع الشعار
اشكرك على الموضوع |
صراحه انا ضد التشبيهات
لأن الله خلق الناس مقامات .. و كذلك في اختلاف في المستويات فيه المبدع و فيه المتوسط و فيه الضعيف وهذي سنة الحياه ... وكلنا نعلم ان اصابع اليد ليست متساويه لذلك .. انا ضد التشبيه هذا .. لأن فيه استهزاء .. في زملاؤه الشعار ..!! و في النهايه .. هي وجهة نظر .. و لا تقلل من مكانة حبيب العازمي لدى الجميع و اولهم انا ..!! و شششكرا |
نعم ولاكن اللي يعرف انه فشفاش ليش يشيله
ليش ما ياخذ الذهب وترك الفشفاش وحببيب لم يسثني نفسه ولا غيره عمم الكلام |
حبيب فيلسوف قبل ان يكون شاعر ولا قال الا الصحيح
|
تركي الميزاني 2000
ياتركي قامت الأيام تنطحنا بدون قرون ولا ياوجد روحي ياكلام اللي تقولونه |
مهما كان الشاعر سئ او على قولتكم كيس قش فاش يفترض عدم ذكر اسماء احتراماً للشاعر ولقبيلته
فأنا متأكد أن هناك شعراء (( صفر )) لكن التشهير مو طيب رأيي |
يا حبني لهل الادمي يا جمال وجميله علَي ما ينسي وعلاقتي به تشرفني لا كن ما سئلته حبيب العازمي في بدايته كان إيش ؟؟؟ |
كل مارثون تسابقي تبدأ خطواته من الصفر وتتدرج صعودا و المتسابق المنطلق والمحافظ على مركز ه المتقدم لا ينطبق عليه وصف الفشفاش
وبعض المتسابقين لا تمكنه لياقته وقدراته الجسميه من السير في المقدمه فيتراجع ويقبع بمؤخرة الصفوف وهذا ما يقصد ه حبيب لانه فبل انطلاق السباق لا يمكن الحكم على المتسابقين وتحديد ترتيبهم النهائي |
ابوفيصل من شعراء المحاورة الذين في القمة ولكن لماذا المجامله واللعب مع الفشفاش
على قولك هل هو عشان اصحاب الحفلات او اهداف اخرى لاهنت على النقل |
اقتباس:
ووجهة نظرك في محلها يالقرم.... |
اقتباس:
ههههه فلسفه راح ضحاياها الكثيرون :) لاهنت لاهنت يالباسل,,,, |
اقتباس:
ابا انشده واردلك خبر ...انتظرني :) شكرااا على المرور يامدير,,, |
اقتباس:
هههههه شكرااا على مرورك سلطان,,,, |
اقتباس:
وبعدين شعراء جهينه مبدعين تعدوا مرحلة الفشفاش وشفيك متضايق :) ههههههه شكرااا على المرور العطر,,,, |
اقتباس:
شكرااا يالحافي ع المرور |
اقتباس:
للامانه انت شاعر مبدع مبدع وتمتلك مقومات الشاعر الناجح .....ولذلك لمتابعتي لك في المنتدى من ذو فتره طويله,,,,, شكراا ع المرور المشرف |
اقتباس:
بدون ذكر اسماء الله ..الله يعافيك يالسامي هذا منتدى هيلا مهوب سبق :) ههههه لاهنت ع المرور العذب,,, |
والله انه صادق ابو فيصل مليون بالميه مع عدم اغفال توضيح حمود ابن خيشوم العصيمي
ولكن فيه شعار طايرين الناس الفيهم وهم اكياس فشفاش من الحجم الكبير وفيه من جميع الاحجام ولولا بعض العلوم قلنا الاسماء |
اقتباس:
ووجهة نظرك في محلها ....ويهمنا رايك,,, |
اقتباس:
نعم نعم ...من لايشكر الناس لايشكر الله مانشدته بس الظاهر انه اكبر من الفشفاش حاجه بسيطه ....ليز ولاكذا :) هههههههههههههههههههه اسف جداااا |
اقتباس:
اشكرك كل الشكر يالقرم..... لاهنت ع المرور المشرف |
اقتباس:
عاشق مدري عنه روح انشده :) هههه شكرااا على مرورك الكريم,,, |
اقتباس:
الجوارسي وجهة نظر حبيب لاتشمل العموم ....وفلسفة حمود صائبه ويشكر عليها,,, شكرااااا على مرورك الكريم,,,, |
اهاااااااااا
عشان تسذا الورعان يحبون الفشفاش ولايسمعون فيه ولولاهم ماقام له سوق |
اقتباس:
ابشرك ما يلحقني شك في شعراء جهينه .. ولا خصيت شعراء قبيلتي انا تكلمت بشكل عام عن كافة الشعراء .. في جميع القبائل حتى ولو كان التشبيه مجازا في الشعر .. هل يصح ان نقول كلمه مثل كذا ..!؟ هل هي مقدار .. الشعراء بنظر حبيب هذي الكلمه ..!؟ حبيب معروف انه حكيم ... و لكن هالمره .. اشوفه متهجم و هذا الغريب |
دامك طلبت انك تعرف منهم اللي مثل كيس الفشفاش ابشر بعلمك 1. جار الله السواط 2. محمد بن طمحي 3. سلطان الجلاوي |
اقتباس:
ولا ياخوي وش جاب طاري جارالله مع من تكلم عنهم حبيب جارالله من عمالقة الشعر ومن اساتذة معظم كبار الشعار اليوم وهو اليوم مقعد بسبب المرض فاستغفر الله وتراجع عن رايك لاتكسب ذنب وحنا في رمضان جزيت خيرا |
اقتباس:
فعلا مامشى الفشفاش الا الورعاااااااان هههههههههههههههههههههههه |
اقتباس:
اخطيت في هذه مين انت اللي تقيم شاعر من الركائز الاساسيه في فن المحاوره !! اذا كنت ماتعرف تاريخ الشاعر جارالله التزم الصمت |
اقتباس:
الجوارسي بيض الله وجهك واعجبني قولك (( النظرية الفشفاشية قد تنطبق على بعض متابعين شعراء المحاورة ايضا )) |
في كل موضوع هناك شطحه
و من يزيدها هو من يرد عليها و في النهايه .. اغلاق الموضوع..!! |
اقتباس:
هههههههه ممكن يا جمال كل شيء وارد شهادة اعتز بها ومن رجل له ثقله اتشرف بك ولا عليك زود ولو اني خابر عمري ما عندي الا التايوان تقديري لك يابن منير |
حبيب غلطان وليتك ماسالته خخ
مع احترامي للي يقول جار الله السواط من تلك النظرية اضع امامك مئية استفهام جار الله شاعر عملاق ويصنف مع بم تويم والثبيتي وشليويح والمسعودي صح الثنين انا معك متفق |
اقتباس:
ههههه |
اقتباس:
جميع اللي ذكرتهم لهم كل تقدير واحترام على رأسهم جارالله السواط فهو من شعراء الرعيل الاول ولا يليق بمقامه ان يطلق عليه مثل هذا الوصف |
يعني اني
مع نفسكـ يابو فيصل دامه فششفاش وراه مزعجنا معهم بالمواويل ويطربقلهم بالحفلات ولاّ من شاان الريال هه اي والله |
| الساعة الآن »04:09 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd