|
حزام العصيمي وعلي الحصني (رااائعه)
محاوره رائعه بقافيتها ولحنها بين حزام العصيمي وعلي الحصني علي الحصني مرحبا مني وانا شاعر وبا الشعـر اتنقى عند شيخن تفتخر به حرب من قاصي وداني يا العصيمي ويش راح من الكلام وش تبقى بعد ما صمت رمضان وبعد عيدت ارمضاني حزام العصيمي البقى يا شا عراً يعطي بشعره ويتلقى ايتلقى من ضميره لافلان ولافلانـي العلوم اللي معى دايم على القمه ترقـى واحمد الله محزمي طيب ونافعني لساني علي الحصني فيه عوداً يكرب حزامه اليا حـد المحقـى ما سلم من حربته غير الدواسر وقحطاني يوم يطلع بالطويل ويوم يجلس با المتقى رو ح سلملي عليه وقل ترى عشره ثماني حزام العصيمي ابشر ان العود طيب في زمانه مـا تشقـى طول عمره با المواقف لايـذل ولا يهانـي انشدك عن شجرتن با الجم الازرق ما تسقى عرقها يا بس وخمتها صواديـف الزمانـي علي الحصني مقصدي عودن يشيل الجمر الاحمر ما توقـى يا حزام الظاهر انك قاصدلـك عـود ثانـي شجرتن في راس ضلع وشجرتن في بطن رقى وكانها ماهي من الثنتيـن ماعنـدي ضمانـي حزام العصيمي ما نعرف الغيب مار الادمي لقال حقـى ما تقفاه الامانه مع طوليـن الايمانـي يا قبايل حرب هذ الوقت دق الناس دقى قام يرقها الرفاع ونوب ينزلها الطماني علي الحصني انت مصلحك الأله لوالدينك مـا تعقـى والحساني ياطويل العمر تجزاء با الحساني ان تحدتنا اليالي ما حلبنا ديـس شقـى يا عصيمي منت حنتوشي ولانته بد عجاني حزام العصيمي المصيبه من عميلن حزت المقياقف طقى خايفن من ضربت المشعاب من بين الاذاني كلهم ربعي وثوب العز ضافي ما يشقـى في مكانك ياطويل العمر ماتاصـل مكانـي |
طاروق رائع في قافيته وفي نقاشه العود أعتقد أنه كديميس العصيمي وابداع من الشاعرين لاهنت يا عبدالملك |
كلهم ربعي وثوب العز ضافي ما يشقـى
في مكانك ياطويل العمر ماتاصـل مكانـي الله واكبر والله واكبر ع الابدااااااع غير المستغرب بيض الله وجهك يابو سعود عملاق عملاق طاروق رااائع صح لسان علي الحصني وصح لساااان حزام العصيمي وبيض الله وجهك ياعبدالملك على النقل |
شعر × شعر
وحزام رد ّ على إنـّه كديميس .. لكن الحصني أخذ لفـّه وتدويره :) يقول عود ثاني !! الأكيد إن ّ الإثنين مبدعين حزام شهادتي فيه مجروحه والحصني كـ ذلك لاهنت يا عبدالملك |
مايبلها كلام الحصني يقصد
الشاعر كديميس العصيمي |
شعراء مبدعين
صح سان الشاعر / علي الحصني و صح لسان الشاعر/ حمدان العصيمي و مشكور ع النقل |
أبدع الشاعرين في هذه المحاوره وأبدعت ياعبدالملك في الأختيار تقبل مروري |
شعراء مبدعين
صح سان الشاعر / علي الحصني و صح لسان الشاعر/ حمدان العصيمي و مشكور على النقل |
شاكر لمن شرف الموضوع
ومن اضاف عليه , |
لاهنت على النقل الرائع
|
محاورة رائعه وجميلة
|
تسلم على النقل الرائع
|
اهب يالحصني شفتوا كيف حااااااص ؟ يوم حزام التفت له !!
|
محاورة رائعه جدا ياليتني كنت موجود فيها
|
هولاء الشاعرين من خيرة شباب اليوم
والعجيب في الامر ان الحصني على قوته الا انني لم اره ولم اسمعه |
اقتباس:
والنعمين بكديميس وواضحه يابو فايح واكيده انها لكديميس وجهت المعنا |
محاوره رائعه بقافيتها ولحنها بين حزام العصيمي وعلي الحصني
الحقيقه محاوره بمعنى الكلمه وكلهم شعراء والقافيه نادره وغير متكرر والحصني شاعر من الشعراء الطراز الاول اقصد من اهل المعنى بدون اقصور با الشاعر العذب حزام العصيمي اشكركم على النقل ويا ليت تكون المناقشه با حترام وادب |
يالربع تبون علمي المحايد بدون مجامله والله مالقيت معنى وكل واحد رايح في ديره مافيها عرب
والبيت اللي يقول:ان تحدتنا اليالي ما حلبنا ديـس شقـى يا عصيمي منت حنتوشي ولانته بد عجاني حذف غدرا ومن الاول متخالفين في المعنى وهذا البيت طايش ماله موقع في الطاروق ومادري على اي اساس جابه ماله تفسير عندي الا انه تسديد فراغ فقط لاغير وكلمة له مقصد وتاريخ وقصه كلام خارج العقل اتمنى تقبلون وجهة نظري""" |
الاخ سلطان
انت دايم مخالف الجميع في رايك. نحن لانتكلم عن المحاوره المحاوره حللها ابو فايح واغلب الاخوان اتفق معه في تحليله.. انا اتكلم عن ردود الأخوان على بعضهم نبي النقاش باحترام وادب بينهم فقط |
اقتباس:
انا ماكلمتك اصلاً ولا اقتبست رد من ردودك انت ولا غيرك ومالي دخل في اللي يتكلم كتبت وجهة نظري في المحاوره فقط لاغير......... وكان ابو فايح حللها ماشفت تحليله |
اقتباس:
تبى الصحيح هم في ديره وانته في ديره 000000000 |
محاوره جميله في معناها وفي قافيتها المميزه ومشكور على النقل |
| الساعة الآن »12:26 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd