راع الدراهم وجيـه النـاس تضحكلـه = وانـا تعقـد وجيـه النـاس قـدامـي
كنـي عدولهـم يسعـون فـي نكـلـه = والا مريض(ن) مصيبه سبع الاسقامـي
عـدو عينـي زمـان البيـن يبركلـه = علئ تقاطـع خطـوط القـاف والامـي
لكـن ياركـب الـي ســاع شبكـلـه = اسلاك الانـوار والشاشـه والفلامـي
من وارد الشرق الاوسط نادر(ن) شكله = وعند البريمي مغير بحجـز وارقامـي
منوة سجين(ن) ثمان سنين كنه اكلـه = ملـئ (ن) تملاابهـا مـلاالـة الحـامـي
فاجاه عفـو الملـك والجيـب شيكلـه = واعطي بطاقة عبور وشـال الولاامـي
وقفئ تقول السماء والقـاع تضحكلـه = قـدام والا ورئ ويشـوف الوهـامـي
مـا تلحـظ العيـن منـه ولا تملكلـه = يزرق كما زورق(ن) في موج سونامي
واليا عطاء جرهدي البيـداء يدكدكلـه = كنه يشوف الطليـب ويسمـع الرامـي
جيبي وانا الـي يسـوق وفالله اتكلـه = وعليه ابنصئ علم من بين الاعلامـي
راع اسليمـي عسـئ ربـي يباركلـه = فالمال والحال ماصلـئ ومـا صامـي
شاعر و واعي وجميع الشـي يدركلـه = وعنده تجاريب عن ماضيت الايامـي
وليا حظر في المحاضر كنـه الاوكلـه = الي مـن الغيـض جايلـه تقضرامـي
ينقض شرابيك مـن بالقـاف شربكلـه = وليافتـل شربكيـه شـل الخصـامـي
يالكسر سلمـئ معـي سوتلهـا عكلـه = شالت عن الماء حياضي والدبش ضامي
امشط شعرها و اجيب الزيـت والبكلـه = وتقولي خـل هـاذي راحـت العامـي
اليوم عنـز عليـك الحمـل وارتكلـه = وفطن لدلوك لاتخـرم منـه الوذامـي
والا عطيناك من كـوع الزمـن ركلـه = ونحرتك الشرق والـي تطلبـه شامـي

يالله يـالـي علـيـك نعـنـز اتكـلـه = يامذري الريح مـن ذعـذاع الانسامـي
تعيـن مـن قامـت الدنيـاء تصككلـه = واركت علئ لسان كبده ميسم (ن) حامي
وانـا مـعـه لازهمـنـي متشككـلـه = ماني بمنكر عضـم يمنـاي و حزامـي
اسـوق وقـت الـوازم كـل مملكـلـه = الحق لامـن نصانـي قمـت بعضامـي
جاني علئ وسق جيب (ن) نادر(ن) شكله = يطوي الجراهيـد كمـا طيـت الخامـي
لـولا ولـولا مقـدم اسـواق تمسكلـه = يبـي يخـاوي الطيـور وكـل حوامـي
شاص (ن) ليا ناحـر الفرجـه تفككلـه = وليا نحنئ مع ملف(ن) حنـوت الهامـي
وليـا زمالـه مطـب(ن) قــام يدهكـلـه = يشق روس الحـزوم بـروس القدامـي
يامرحبـا واجـب(ن) منـي وابرمكلـه = هيل(ن) يطير عماس الي ابـه ضرامـي
راع الكرم ياجب اكرامـه وابـا احبكلـه = نسيج فكـر(ن) يجـي مفتـول ببرامـي
واخذتلي وقـت والافكـار مـن شكلـه = انخئ الطواريـق وازهمهـا بالاسامـي
ادور القـاف مــن قـلـه وأهبكـلـه = علـي لـزم المواقـف لــزم لـزامـي
خلف رفيق(ن) سمات الطيـب تسمكلـه = له قيمه عاليـه فـي ماكـر(ن) سامـي
ياأخـو دخيـل الله الايــام منهكـلـه = وفيها العماليق راحـت مثـل القزامـي
وانت بري(ن) من اهل الخبـث وازكلـه = ضعاف الانفس بني عـم ابـو عرامـي
الـي ليـا شافـت التاجـر تهكهكـلـه = لو قسمهم ماش لو عـد (ن) الاقسامـي
يابـن تنيبـيـك وقـتـك لاتبهنكـلـه = انهـض جنـاح اسعـد والعـز قدامـي
عنز علئ واحد(ن) ماحـد(ن) يشاركلـه = في دبـرت الكـون والدنيـاء والانامـي
نـادم وليـك علـئ مافيـك واشتكـلـه = الي يزيـح الهمـوم ويبهـج الضامـي
واسلم عدد ما لعـج بـرق(ن) تحنكلـه = نو (ن) مقاديم مزنـه كنهـا الرخامـي

المشاركة الأصلية كتبت بواسطة علي الدعجاني (المشاركة 1203331) الله الله صح الله السنة الشعار ولاهنت

المشاركة الأصلية كتبت بواسطة ضاوي الشيباني (المشاركة 1203332) ياسسسلام صح لسسسسان ابن تنيبيك وصح لسسسسان ابو نايف لاهنت يابن وحيمر

المشاركة الأصلية كتبت بواسطة عـقـــــــــــاب (المشاركة 1203390) صح الله لسااااااااااااااااااااان ابن تنيبيك وصح لسااااااااااااااااااااااااااااااان ابو نايف ولاهنت يابو عدي والحمد لله على السلامه هههههههههه من طــــــول الغيبات جــــــاب الغنايـــــــــم

المشاركة الأصلية كتبت بواسطة الهباع الرووقي (المشاركة 1204636) ابوعدي صح لسان الشاعر خلف بن بجاد بن تنيبيك والشاعر سهل الكسر ولاهنت على النقل تقبل مروري

المشاركة الأصلية كتبت بواسطة محمد العتيبي (المشاركة 1204643) صح لسااان الشاعرين / ابن تنيبيك و ابو نواف شعراء كبار ولا نستغرب منهم الجزاله والله يبيض وجهك يالغالي تحيتي لك ..

المشاركة الأصلية كتبت بواسطة ولدعساف (المشاركة 1206182) هالله هالله .. صوت وصدى عالي المستوى .. صحة ألسنتهم وشعراء جزليين ومعروفين .. ولاهنت يابو عدي جزل ولا تجيب الا الجزل .. :)

المشاركة الأصلية كتبت بواسطة فهد العازمي العتيبي (المشاركة 1206239) صحت السنتهم قصايد جزله ومتماسكه ولاهنت يا المرشدي على نقل القصائد ،،،

المشاركة الأصلية كتبت بواسطة محمد الذيابي (المشاركة 1206566) صح لسانكـ لاهنت على النقل الرائع يالغالي

المشاركة الأصلية كتبت بواسطة دبٌاس الزيادي (المشاركة 1206620) ياسلام ياسلام طول عمرك مبدع واللي تجيبه مبدع ولاهنت يامبدع