|
راشد السحيمي وعبدالله الميزاني...
راشد السحيمي:
ياجماعة خير انا ابا اخص عبدالله لحاله=مايصير ان الولد هذا يزعلكم عليه كان عنده راس مال يقول لي وش راس ماله =يمكن المطران معطينه شداد بلا مطيه عبدالله الميزاني: مثلك اللي وان حداه الجوع ياكل من عياله=ماعرف معنى العزاوي ماعرف معنى الحميه انت فيك شوي من شعب التخلف والجهاله=بس انا مدري متى حصلت ختم وتابعيه راشد السحيمي: لاتقول ان الولد لاطاب طيبه من خواله=شوف انا خالي مطيري والوفا والطيب فيه يعلم الله كان بالعالم حثال انت الحثاله=قولها للي معدينك حدود الجاذبيه عبدالله الميزاني: يمكن انك تشرب الفنجال وتكب البياله=فيك مايكفيك يالحربي عشان الافضليه والله انك لاجميل ولاتجي فيك الجماله=انت ودك بالردا لكن انا ما ابغى الرديه راشد السحيمي: اشرب الفنجال والفنجال ما ادور بداله=وانت والفنجال صرتم كل واحد في نحيه ياولد ميزان لاوصلت ميزان العداله=كان ماتطرحك حتى الطايرات المروحيه عبدالله الميزاني: الله اكبر ماش حربي عنصري بلا خباله=يمكن ان الصمغ مثر فالعروق الداخليه انت عينت البعير اللي رضع ديس الغزاله=من يحصلها عنيه مايحصلها هديه راشد السحيمي: ماتحصلك مطيري مستقيم بلا نذاله=يمكن ان السر فاللي تاكلون من الرعيه كل جمال"ن"يلد العين ويدور حلاله=والغزاله والجمل ياصاحبي ماهي بليه عبدالله الميزاني: يكرمون الناس والحربي متى تكرم سباله=مايغيرها الطبيب ولا علاج الصيدليه صاحبي راشد ماحد يظهر حبالي عن حباله=ان لقيته فالمدينه وان لقيته بالحويه راشد السحيمي: الولد هذا ليا منه طرا له شي قاله=والثلاثه كلهم كبرو وصارو بلطجيه ابعد حبالك عن حبالي ترى حالتك حاله=لاتعنصر لين تعرف ويش معنى العنصريه عبدالله الميزاني: تحسبن العرف يالحربي يجاب من البقاله=اكتشفت ان الحروب مجمعين وفوضجيه انت ياراع الغنم من قال لك ياصاحب جلاله=ماتغيرك السنين ولا الحروف الابجديه راشد السحيمي: لاتسب الحربي اللي طول عمرك في ظلاله=اكتشفت انك رماد"ن"مابوسطه نار حيه صاحبي عبدالله الغازي كريم وطاب فاله=مير ماله عندنا وسط المدينه قنصليه عبدالله الميزاني: كل مجنون"ن"يوراله على مافي خياله=مادرى ان اللي معه كف العراق كعيبريه |
لم ارى راشد بهذه الشراسة من قبل
صح لسان راشد وصح لسان عبدالله محاورة قوية شكرا لك يا احمد |
عبدالله الميزاني فيلسوف المحاوره فموهبته فريده واسلوبه حصري
ومبادرة السحيمي بالهجوم محاوله يائسه للتخلص من المسكات المخلبيه المنومه ولكنها أيضا لم تجد نفعا لابد من التصفيق بحماس لعبقرية سوار الذهب فهو لم ينال اعجاب الشاعر الكبير حبيب من فراغ أبدا بل لان ابو فيصل يقرأ افكار وفلسفة هذا الداهيه بطريقة صحيحه |
والله محاورة شرسه اعوذ بالله
|
شعراء شرسين و عباقرة
و مشكور يا احمد على نقل المحاورة |
انت عينت البعير اللي رضع ديس الغزاله=من يحصلها عنيه مايحصلها هديه
يالطيف يالطيف كل جمال"ن"يلد العين ويدور حلاله=والغزاله والجمل ياصاحبي ماهي بليه جحيد وأمرِ بعيد هههههه لم يوفق السحيمي نهائي في هذا البيت |
شعراء لهم مستوى وقيمه
يمكن انك تشرب الفنجال وتكب البياله لكن يالربع ماتلاحضون ان فيه تكرار لسوار الذهب بالشطر ذ1 مع بن ربيق وراشد |
انت عينت البعير اللي رضع ديس الغزاله=من يحصلها عنيه مايحصلها هديه
يالربع وش معناها ؟؟؟؟ لو سمحتم اللي يعرف معناها يقول لنا ... والا اذا فيه احراج اللي يعرف المعنى يرسلها رسالة خاصة لي ... والسلام عليكم ورحمة الله وبركاته ... |
محاورة من رئاها قال شرسه
ومن تفقدها لقاها تحمل معنى خطير لله درهم اشهد انهم اجادو المعنى بالصيغه الكامله |
عزالله انه لعب .. و مصامخ
راشد السحيمي ... ملك النقض .. و شاعر لا يستهان به .. ومن امهر الشعار في المعاني و الرمزيه عبدالله الميزاني ... بحر غزير ... من اقوى شعار الجزيره ... و شهادتي فيه مجروحه ابو غازي .. و من امهر الشعار في الفتل ... اخوي احمد المويعزي .. لا هنت على ذا المحاوره الجميله |
اقتباس:
طيب وش المعنى اللي لقيته ؟ |
فتل ونقض عااالي المستوى
والمحاورة فيها نديه عجيبه تعادلت فيها كفة السحيمي والميزاني " لاهنت يا المويعزي " |
محاورة قوية وراشد السحيمي شاعر عرف عنه الاتزان بعكس عبدالله الميزاني شاعر خطير جدا في تركيب الابيات ولكنه للاسف يعاني من مشاكل الله يشفيه قد تكون السبب في قلة تركيزة ومتابعته للمعنى لانه في كل بيت يبدع معنى جديد حتى لو كانت البداية عند الخصم
|
محاورة قويه
والميزاني من بداية المحاورة ناوي بالقشر :) ولكن تفاجأ بالبيت القائل: ( ماتحصلك مطيري مستقيم بلا نذاله=يمكن ان السر فاللي تاكلون من الرعيه ) على العمو شعراء كبار لاهنت يا احمد |
الصحيح ياربع أتيت للمحاوره ولقيت بيت للسحيمي
لاتقول ان الولد لاطاب طيبه من خواله=شوف انا خالي مطيري والوفا والطيب فيه يهييييييييييب ياراشد نقض وفتل ملعون خامس |
الصحيح ياربع أتيت للمحاوره ولقيت بيت للسحيمي
لاتقول ان الولد لاطاب طيبه من خواله=شوف انا خالي مطيري والوفا والطيب فيه يهييييييييييب ياراشد نقض وفتل ملعون خامس |
اقتباس:
فعلا يامحمد العضياني لم اتوقع راشد بهذة الشراسه |
السحيمي شرس جـــــــــــــــــــــــــــــدا في هذه المحـــــاورة
|
اقتباس:
السحيمي شاعر شرس و شاعر يدس السم بالعسلللللللل ؟؟؟؟؟؟ |
طاروق قوي وأبدع فيه الشاعرين السحيمي مظلوم أو ظالم نفسه شاعر قوي جدا جدا |
شكرا لكم على المرور..
كل واحد بإسمه.. |
لاتقول ان الولد لاطاب طيبه من خواله=شوف انا خالي مطيري والوفا والطيب فيه
مدحهم من حيث أراد أن يسبهم :) الولد بين أبوه وخاله وخال أمه إذا كبرت الدعوى ههههه محاورة قوووووية [ يلزمك كفارة يا أحمد :) ] |
طاروق قوي
راشد كتم الميزاني كتم وبينه على حقيقته يوم لعب مثل لعبه ونزل للسوق اللي يرغبه ويلعب فيه دايم |
وان حداه الجوع ياكل من عياله
انت فيك شوي من شعب التخلف والجهاله هالشطرين قد تكررت في محاوره مع حبيب يوم يقول له حبيب : التخلف في ديار ما نجيها ...... خخخخخخخخخخ يبدو لي أن المعنى حول أحقية سوار الذهب بلقب شاعر مطير والعالم الله |
راشد السحيمي شرس وقوي وشاعر حرب للامانه تفوق بنقضه وشراسته على الميزاني
|
صحت ابدانكم..
وجميعهم شعراء عمالقه.. |
| الساعة الآن »01:14 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd