ولا يالنفيعي شد حيلك وتعال اوزان=هل القاف والميقاف والشعر وطروقه
تخيّل السحاب اللي مايروي لك العطشان=ترى الصيف مايرويك رعده ولا بروقه

ياحيّ المواقف والطواريق والالحان=وصلتك قريّب .. والسواليف ملحوقه !!!
على الهون يامرزوق بسم الله الرحمان=تبا تحرق اعصاب العرب وهي محروقه !!!

معمّر معه سلطه وهو قايد الأركان=ولكن بلاه الغدر والقتل والبوقه
عسى الله يكافينا من الظلم والبهتان=وكلٍ يبى حقه ولا حصل حقوقه

تبا تكبر الازمه على الجاهل الخسران=وتخرب بلاده ثم تنهار من فوقه !!!
حقوق النشاما بيّنه وانشد العتبان= ترى المرجله عند الرياجيل معشوقه !!!

يجيب الحطب ويشبّها داخل العربان=وله خطوةٍ عن خطوة الخير مفهوقه
ترى ربعي الهيلا لهم عز والهم شان=وانا خابرٍ برقا ,, وانا خابر الروقه

نعرف اللحى واهل اللحى ربعنا الشجعان=لكن لحية الماخوذ بالموس محلوقه !!!
عسى الله يديم العز للبيت ابو سيسان =وكلٍ على رايه وكلٍ على ذوقه !!!

ترى زيد ابن سلمي ماهو مثل ابن ميزان=يبيّن الرجل فعله وشكله ومنطوقه
على بالكم جبتوا ذهب غالي الأثمان=نعرف الذهب والماس في وسط صندوقه

المشاركة الأصلية كتبت بواسطة عبد الرزاق بن سعود النفيعي (المشاركة 1198581) مرزوق الصواط صح لساااااااانك وشكرا على كرم الدعوة استمتعت وتشرفت باللعب معك واعذرني يالقرم الليل سرى والدوام بدري والجايات اكثر