عــبـــدالله بـــــن شـــايـــق=
سلام امن امحلف عند امحلف واثني الترحيـب=تراحيـبٍ نرددهـا باسـم يامـي وقحطانـي
تفضل يالزلامي مرحبابك فـي محـل الطيـب=مع اني عاطفي وليا الشرف لا صرت عرجانـي
رشــــيــــد الــــزلامـــــي=
هلا يامرحبا والك البقا واللي تصيـب اتصيـب=وانا خصمـك وصاحبـك القديـم ولا تعدانـي
دروب القوم واجد وين ودك نتجـه يـا ذيـب=ولا تنسى تـرا فالمنطقـه روقـي وشيبانـي
عــبـــدالله بـــــن شـــايـــق=
بعد شفتك تشيل معاملـه تبغـى لهـا تعقيـب=تباطاني لكن مـن يـوم شفتـك لا تباطانـي
حرام الشعر يتعـذب حـرام الظلـم والتعذيـب=وشرهتهـا عليـك ولا تقـول فـلان وافلانـي
رشــــيــــد الــــزلامـــــي=
اقول الحرص واجب والعرب مايعلمون الغيـب=تمررها علـى واحـد تحولهـا علـى الثانـي
موقيها جبـل مانـي منزلهـا لبطـن شعيـب=ليا دورتني باطـراف ضلـع طويـق تلقانـي
عــبـــدالله بـــــن شـــايـــق=
انا ماني وكيل ادم على العالم خطـا ومصيـب=ابجلس في المدرج واتفرج وامسـك اللسانـي
ابسكت في زمانن اللجلجه والبطش والتخريـب=واببكي ما مضا ذيك الليـال وذيـك الازمانـي
رشــــيــــد الــــزلامـــــي=
تفرج ياولد شايـق ولا فيهـا حـرام وعيـب=هذى صارت على شانك وذي صارت على شاني
اضنك صرت قذافي تعرف اللي بوسط الجيـب=تبـا بكـره تحول لي ليـا خوخـن ورمانـي
عــبـــدالله بـــــن شـــايـــق=
مدام الله عطاني مثلكم مـال وحـلال وصيـب=بصوم وابعتكف حمد وشكر يـوم الله اعطانـي
ولا تفرح ليا تاب الشنب والله عطـاه شنيـب=تراي موصيٍ شايق على العتبـان مـن دانـي
رشــــيــــد الــــزلامـــــي=
مدام انك وصلت المستوى مافيه شيء صعيـب=لكنك لاتسويلـي ملـك فـي ثـوب شيطانـي
مدام ان الولد مثل الابو مافيـه شـك وريـب=عسى ربي يخارج لا يجيلـه غيـره اخوانـي
عــبـــدالله بـــــن شـــايـــق=
صحيح عيال هدبا ماتقلط مـع عيـال هديـب=وانا من فضل ربي ماسمـو بالعجـز جدانـي
بغت منكم تضيع ابل الرفاقة والضنون اتخيـب=لكن الابل وراهـا ضبعت(ن) رقطـه وسودانـي
رشــــيــــد الــــزلامـــــي=
يا قحطان العرب صيرو عرب لا ترجعون عريب=نحول عنكم الشرهـه علـى غامـد زهرانـي

هنا المحاوره والمصدر مجله فتل الاكتروتيه

http://www.youtube.com/watch?v=CoxSSrgJCQ8

المشاركة الأصلية كتبت بواسطة ابو فايح (المشاركة 1198096) الله الله طاروق فايف ستار بصراحه أرى ابن شايق أبدع بقوه في سبك الأبيات وسلاستها أبيات سهله جدا على أذن المستمع غير مستهلكه وغير معقده ولو أنها تخلو من الصوره الشعريه ولكن لا يعيبها ذلك . وأرى الزلامي نقض بشكل كبير جدا وبأبيات فيها من القوه الشي الكثير كنقض وليس كتركيب . لاهنت يا علي .

المشاركة الأصلية كتبت بواسطة بن رفااع (المشاركة 1198098) صحت السنت الشاعرين العمالقه ولاهنت على النقل

المشاركة الأصلية كتبت بواسطة سلطان البقمي (المشاركة 1198101) مدام ان الولد مثل الابو مافيـه شـك وريـب عسى ربي يخارج لا يجيلـه غيـره اخوانـي هههههههههههههههههههههههههههههههههههههههههههه ياحلو كلام الحكمه هذا اللي يفرق رشيد عن غيره صحت للالسن جميع اشكرك على النقل

المشاركة الأصلية كتبت بواسطة ابو عدي المرشدي (المشاركة 1198110) هذا الشعر انا اشهد ان بن شايق شاعر قحطان الاول بلا منازع والجبل الجبل شاعرنا ابوجميل صحت السنتهم جميعا ملوك الشعر

المشاركة الأصلية كتبت بواسطة مصر (المشاركة 1198117) طاروق يساوي مئات المحاورات ... هذا الفتل والنقض الذي يثري النفس ويروي ظمأ المتذوق .