محمد الربيقي وسفر الدغيلبي 1432/7/20هــ .
 

في مدينة بريده بحضور الشاعر عبدالله بن عتقان..والشاعر ماجد المشيعلي..

محمد الربيقي:
مرحبا ترحيبة"ن"بين الرجال الها مكانه=ريحها ريح البخور وطعمها البن اليماني
العتيبي لو يحطونه على باب الخزانه=طور القفل القديم وجاب له مفتاح ثاني

سفر الدغيلبي:
البقا ويحاسب الشاعر على كلمة لسانه=يارياجيل"ن"تصوغون القوافي والمعاني
الله يعين العتيبي وعذابه في زمانه=حطه الله ذيب"ن"اشهب والشواوي ماتداني

محمد الربيقي:
مالحقنا شك ياحظرة سفر واضمن ضمانه=لو تبى تزعل من المعقول يرضيك الزماني
العتيبي ذيب في ديرة هله والصدق امانه=وان وصل لديار حرب يصير لونه قلباني

سفر الدغيلبي:
الفروت الاوله ماعاد تنفعها الصيانه=قلت اعلمكم وهذا شانكم ماهو بشاني
الله اللي حط للسرحان تقدير ومكانه=تشبع الضبعه وراه وتشبع عيال الحصاني

محمد الربيقي:
انتهت في وقتها واللي بقى منها ذنانه=عانها يابن سعد بين الحويه وحلباني
العتيبي عقب سلمناه راس الخيزرانه=قال انا سبع السباع ابن فلان ابن فلاني

سفر الدغيلبي:
من تزعله الصراحه كيف يرضى بالخيانه=مير والله ما اتعامل بالخيانه مع خواني
يامطوع ياحرب مثرة"ن"عليك البرتكانه=ويش صار وحرب ربعك ما يحبون الاغاني

محمد الربيقي:
غير الخط القديم وحط لك خط"ن"وزانه=والعدد شهرين مابين الضحيه ورمضاني
ياعتيبه كيف باللي فات ترضون الاهانه=كملو بيت المضيف بهيل ولا زعفراني

سفر الدغيلبي:
مالقيتم حاكم"ن"ترضون به ياهل الكنانه=كودنا نفزع لكم فزعه بقابوس العماني
كم ذبحنا في قساة الوقت والا في ليانه=مير غير البل نبي من داركم معزى وضاني

محمد الربيقي:
انتظر راع البيان المعتبر يصدر بيانه=ثم ردد سورة الرحمان والسبع المثاني



http://www.youtube.com/watch?v=Yj6nWH6hHz0

الله الله الله

هاذي المحاورة اللي لها طعم و ذوق و لها معنى

اشكرك يا احمد لمويعزي ع نقل هذه المحاورة بين عملاقين من عمالقة شعر الرد

خطير يابو سعد ههههههههه

لله در ابو سعد

عز الله انه مجمل عتيبه في كل محفل

أبوسعد فالقمه دائما ومشرف للقبيله عزالله انه ياقف ويحتمي دون اسمه و قبيلته لاهنت على الطرح الجميل ولاهان شاعر حرب له مستقبل واعد

صحت للسنتهم جميع والشكر للك ياخي احمد

تزداد الأيام

فيزداد فارس هوازن خبرة وإبداع

محاورات سفر عند عتيبه لاتختلف عند حرب أوقحطان أو مطير _ _إلخ

لايعرف المجامله خصوصا إذا ذكرالخصم إسم عتيبه أو يالعتيبي
هنا تشتعل الحميه

شكرا ياأحمد

ههههههه مبدع دايما يابو سعد الله يحفظك من دون قاصر بالحربي قاوم مقاومه شرسه حقيقه

شكرا لكم على المرور..

وصحت ابدااانكم..

بيت فكاهي وجميل من سفر



لله درك ياسفر صح السانك ولسان الشاعر محمد الربيقي

^^^^^^^^^
^^^^

مصامخ فحول

وانا اقول الربيقي الشاعر الواعد الذي سوف يلوي الاعناق في المستقبل وسبق ان اشدت به,,,,,


شكراااا يااحمد ع النقل المميز والموفق,,,,

الله عليك تسلم يدك يا احمد


محاوره رائعه بما تعنيه الكلمه

عافاكم الله كل واحد باسمه..

محاورة اكثر من رائعة والشاعر محمد عبيد الربيقي لم يعط ميدان المحاورة اهتمام لظروفه العملية التي تتحتم تواجده بشكل مستمر والان بعد ان اصبح معلم سترون الابداع بحذافيره مع العلم انه له اكثر من 15 سنه لكن تواجده في القصيم