|
حمد هادي المسردي يضغط على رشيد الزلامي وخلف بن هذال !!!!!!!!
السلام عليكم ورحمة الله وبركاتة
اخواني اعضاء منتدى الهيلا قبل يومين في العمل كان معي اخوياي قحاطين وكبار في السن 35 -40 اعمارهم تقريبا المهم كنا نسولف وجا المجال في المحاورة وذكروا حمد هادي وقالو انه تحاور مع رشيد الزلامي محاورة نارية وعرضت في قناة الساحة قبل مدة ،، ويقولون ان حمد هادي جنن الزلامي وخلاه ينسحب ، انا مصدقت ان فية شاعر يبي يجنن الزلامي ، انا عارضت كلامهم بشدة ولكن قالوا نزيدك من الشعر بيت ان حمد بن هادي تحاور مع خلف هذال امام الامير سلمان وبدأ خلف هذال وسب حمد هادي وقام حمد هادي برد ناري<وجهة نظرهم ، وذكر خلف هذال بجهيمان ،، وبعد ذلك قام الامير سلمان بإنهاء المحاورة وتكريم حمد هادي وتوبيخ خلف هذال يالربع من منكم سمع بهذه المحاروات اللي ماقد سمعتها في حياتي (ربما تكون وهمية ) وهل صحيح ماذكروه القحاطين او اللي عنده المحاورتين كتابة ينزلها اللي لايهينة |
هالمحاورة هذي مرة عند الامير سلمان ومرة عند الامير خالد الفيصل ... مارسو على بر ..!!
يارجال عساك سالم ... خص خلف هذال لو اعلمك بيوت له في المحاورة تلجم بها زملاك بالعمل .. !! بس للاسف بيوت سرية شوي ..:) |
اول مره اسمع عن هالموضوع لكن ان كان عندك الابيات يامشاري نزله
|
لقيت محاورة حمد المسردي ورشيد الزلامي
حــــــــــمـــــــــــد: تفضل يالزلامي دوك هاذي حومـة الميـدان أنا وأياك نبغـى نشتـرك بـالأوان شعبيـه رشــــــــــيــــــــــد: هلا ترحيبت(ن) لو تنوز(ن) في كفة الميزان رجح ميزانه في صالحـي ميـه علـى ميـه نبى ندرس ولا خسران غير مدرس العميـان وأنا خابرك ناجح لـو بعـد طرقتـك هاذيـه حــــــــــمـــــــــــد: علامك تبتدي بنفـرزه يالشاعـر الفهمـان وأشـوف نيتـك مـن مبتداهـا شقلابانيـه نصيحه يالزلامي لا تغرك نزغـة الشيطـان وأنا من دون حدي ما قبلـة حلـول سلميـه رشــــــــــيــــــــــد: وأنا شايفك ضبياوي ولو الجد مـن قحطـان من أهل الدير اللـي كـل شغلتهـم حسينيـه تراء بعض الأوادم يسفحون السفاحة الذبـان توقع لا تطيح بحفـرت(ن) ماهـي خليجيـه حــــــــــمـــــــــــد: سبقتونا على شط الخليج وكل شي(ن) كـان تفحط يـا عميـل الخيـر فالـدار الكويتيـه لكن من قدم الحسنى يجازى مثلهـا بحسـان ورعى الثانيه ترجـع لـه السيـات مثنيـه رشــــــــــيــــــــــد: أضنك تدل قص الفقع فالدهنـاء وفالصمـان وأنا مـن خلقتـي والله مـا ذقـة الزبيديـه وأنا ماني بمتميجر ولا أشحذ واحد(ن) عريان ذلولـك لا تفكلهـا الرسـن وهيـه عمانيـه حــــــــــمـــــــــــد: أنا لي بين ربعي ياضعيف موقف(ن) قد بان على وضح النقاء يأهل العلـوم الخنفشاريـه نصحتك ما سمعت النصح الا ياطير بن برمان أشيل الخرجّ مير الخرجّ وسطه توجد الحيـه رشــــــــــيــــــــــد: كرمت ودمت ياوجه الرضاء يالرابح الخسران خسـار والخسـاره مـا معانيـه امعانـيـه أنا ودي تسير القافله مـع سكـة السلطـان ولـن زعلتنـي فصلتلـك غتـره حساويـه حــــــــــمـــــــــــد: تسير القافله يا صاحبي مع شـارع الريـان لكن ضيعـت درب القافلـه مثـل السنافيـه يابى يدفن عميلي مير ضني بدفـن الدفـان أنا راكب فرس والا الزلامي فـوق شهريـه رشــــــــــيــــــــــد: ليا طعتني سافر على أبو ظبـي يـا ظبيـان يابو رأس(ن) وأبو طاقيت(ن) من غير طاقيه أنا راكب على شهريت(ن) تطمربي الجرفـان أبشعبهـا دقايـق ثـم أسلمهـا الشورديـه حــــــــــمـــــــــــد: حليله يا جماعة بالمعاني حايـر(ن) بلشـان بعد ما جبتله من نوع سحر عمـان كوفيـه تراني يا عميلي بركبك ذليل فـوق حصـان يوديك الديـار اللـي عـن العالـم خلاويـه رشــــــــــيــــــــــد: الأ يالله تعوض بخير وش هالفاضي المليـان وأنا ماحب أطب السوق مع ناس(ن) حونشيه عسى طيارت(ن) جابتك تصبح مالها جنحان يجيها مع مغيب الشمس طايـرة(ن) خمينيـه حــــــــــمـــــــــــد: تراني في حياتي حالف(ن) ما ساير الخبـلان ولكن أجتمـع تزيـف مـع عمـلات دوليـه وأنا أشوف الزلامي يا جماعة خير جاه جنان من المعنى السمين مجـوده بالـرأس جنيّـه رشــــــــــيــــــــــد: أبحجزلك محل(ن) في شهار يداوي الوجعـان يابو كبد(ن) من الأيـام مطبوخـه ومشويـه أنا بنشدك لو قابلك عنتر فـارس الفرسـان تحمـل طعنتـه والأ يصيـر علـوم سريـه حــــــــــمـــــــــــد: الأ ياذيب ياذيب الندم ما عاد معـك أسنـان تـدور للعشـاء لكـن تعشـوك العبيـديـه حليله يارجال العرف عقب تجارتـه طفـران قليـل المعرفـه مستغنيـه عنـه السعوديـه رشــــــــــيــــــــــد: أنا محري أني أضرب فيك لين تغني الجدران يابو وجـه(ن) يحالـي لتهامـي والتهاميـه تحمل ضربتي لا ترتبك لا شفتنـي زعـلان ولا جايك سوى مشعاب والأ طعـن شبريـه حــــــــــمـــــــــــد: بنيت بيوت لكن يا خساره مـا لهـا بيبـان غدى دارك مـرف(ن) لرجاجيـل الشقرديـه تراء منته بناجح فاللغـز يـاورد الحصنـان على وضح النقاء ماهي على الخانات مبنيـه رشــــــــــيــــــــــد: لك الله لن عبطتك بالعقال أن تشقح الصيوان ما تصبح غير بين بقيق وقصـور النعيريـه اتمنى الاخوان يحللونها ونشوف من ضغط الثاني الله يرحم حمد ويبقي الزلامي على الطاعه |
:)
اقتباس:
انا ماسمعت عنها الا قبل يومين ويقولون انها امام الامير سلمان وخلف هذال شاعر معروف واتمنى انك تزودني بابياتة (السرية) :) |
ثنيان الجش
يامرحبابك ولاهنت على المرور |
ابشر يامزحم بالابيات بس عطني وقت لان الوقت ضايقني الحين
|
اقتباس:
يامرحبابك يالغالي واشكرك على المشاركة المميزه ولاهنت يالقرم فعلا محاورة قوية ولكن هل هي المحاروة الوحيدة بينهم او فيه محاورة غيرها ، اذا كان المحاورة اللي يقصدونها القحاطين هذي فاعتقد انهم كانوا واهمين ، الزلامي اعتقد متفوق في هذه المحاروة على المسردي ( وجهة نظر ) واترك التحليل للاخوان الاكثر خبره |
اقتباس:
والمحاوره ان كانهم يقصدون حقت الساحه هاذي هي اما غيرها ما ادري عنها وانصحك لا قالوا جنن الزلامي قل هم بيت الزلامي الاخير :d |
هالله هالله هذي المحاوره اللي طلعت على الساحه |
تراهم صادقين من جهة ومن جهة ثانية ماعندهم علم
محاورة المسردي مع الزلامي راح فيها وقام ابو جميل يصلي به شرق ومحاورة المسردي مع خلف مغير بيتين منه وبيتين مع خلف بحضور الامير سلمان في جامعة الرياض لانه يقول ابا اوصيك واعلمك واخذ العلم ياسلمان الى اخره وبصراحة المسردي جاب بيت ماله رد لذلك وقفت المحاورة |
:
:: حمد هادي المسردي في المحاورة يشعبها بدون عنان واغلب محاوراته ( مستلج) الله يعفي عنا وعنه ،، اما النظم له بيوت في الحكمة قوية . لكن المحاورة مايخارجني اقول انه شاعر محاورة. : : : : |
العلم ومافيه يا مزحم حسب ما سمعت من رجال ثقات المسردي الله يرحمه كان مبتعد عن المحاوره أو كان لايريد اللعب ذلك الليل بتاتا قال الامير من يقدر يقوم المسردي للعب قال خلف أنا وجاب بيتين خلف وقام المسردي الله يرحمه زعلان ورد عليها وفيها بيت جهيمان المهم الامير شاف الامور يمكن تخرب قال خلاص انتهت . أما محاورة الزلامي محاوره أغلبها استهزاء ببعضهم والزلامي ما ينتجاهد وفيها بيت فكرته مجنونه من الزلامي بيت الشهريه اللي ركبها ههههههه رد البيت بطريقه جهنميه على المسردي الله يرحمه واشوف المسردي ما ثمّن الله يرحمه . |
عقلية صريحة لاهنت على المشاركة وحياك الله
|
اقتباس:
ياسعيدان ممكن تجيب لي ابيات خلف اللي بدابها مع حمد هادي وتجيب رد حمد على خلف وهل المحاروة صحيح امام الامير سلمان ومتى وعام كم الله لايهينك |
اقتباس:
نقول الله يرحم حمد المسردي ويغفرلة ولاودنا ندخل شي في ذممنا انا ماتابعته لا نظم ولا محاورة ولكن من قرأتي لمحاورتة مع الزلامي اتضح لي انه شاعر قوي رغم اني مافهمت معناهم |
اقتباس:
مادام انك حضرت لابد الاستفادة منك وش تقول في الشاعر حمد هادي المسردي ،، هل هو اقوى من رشيد وخلف رأيك في محاورة الزلامي والمسردي وش معناهم ومن اللي غلب الثاني هل خلف هذال انسحب وهو عاجز عن الرد على المسردي او الامير اللي انهاها بك امانة |
الاخ مزحم الشاعر حمد المسردي حسب ما سمعت من الشعراء وكبار السن الخبراء فالشعر إنه شاعر قوي أما أنا لم أقرأ له إلا القليل ولا أستطيع أن أقول رأيي به . أما محاورة الزلامي معه كلها إستهزاء ببعضهم ولا فيها معنى معناها فألفاظها تسير القافله يا صاحبي مع شـارع الريـان**لكن ضيعـت درب القافلـه مثـل السنافيـه (يعني كلب ضيع طريق القافله ) يابى يدفن عميلي مير ضني بدفـن الدفـان=أنا راكب فرس والا الزلامي فـوق شهريـه ( الفرس معروف والشهريه الحماره ) أنا راكب على شهريت(ن) تطمربي الجرفـان**أبشعبهـا دقايـق ثـم أسلمهـا الشورديـه ( الزلامي قلب المعنى وقال إيه أنا راكبك وحطه شهريه وشوي أبا أسلمك الشعار ) تراني يا عميلي بركبك ذليل فـوق حصـان**يوديك الديـار اللـي عـن العالـم خلاويـه ( الحصان له نيه ثانيه معروفه ) أما محاورته مع خلف حسب ما أعرف أن الامير أشر لهم بيده بعد نهاية بيت المسردي على طول وقال إجلسوا ولم ينسحب خلف بتاتا . |
يالربع لاتلحقون الميّت غير الدعاء
|
بيت خلف
يقوم لي شاعرآ من بني قحطان//قبيلة ن بالخير ماهيب مذكوره .................................................. .......//شرذمة ن في جنوب الدار محقووره ورد حمد لي الشرف ...يانسيب جهيمان//اللي قطع راسه سيف اخور نوره ................ياسيدي سلمان//لاجاك العتيبي حط رجلك بصرصوره وبعدها طلب الامير سلمان انهاء المحاوره |
اذا قصدك من موضوعك يا مزحم تنقص من شاعرية حمد هادي او تقلل منها فلن تصل مرادك
وان كان قصدك تبي تاصل العلم الصحيح انشد الشيبان الكبار اللي لحقو على حمد هادي وعاصروه صح ... النت من ماهو معطيك علم وكاد ولك ودّي |
اقتباس:
غريبه منك انت خاصّة يا غالب !! اقتباس:
لله درك يا بو علي !! |
رايد الكيرعاني
عساك تلحق ولد عمك ماتبطي ههههههههههه امزح امزح |
اقتباس:
طول بالك يا رائد والميت ما له الا الدعاء عسى الله يرحمه و جعل مثواه الجنه |
اقتباس:
هههههههههههههههههههههه يالله انك ترحمه وتبيحه يالله الرجال داهية شعر بمعنى داهية ولايتلهم البيت يجيبه سلام سلام وشاعر غني عن التعريف وله قصائد معجزة الطائرة والسفينة وقصايد كثيرة على 300 و400 بيت الله يرحمه ويعفوا عنه مشكورين |
الله يرحم الميت ويطول عمر الحي على الطاعه
بصراحه غريبه المحاوره هذي ابياتها الأولى سطحيه من الشاعرين ومستواها اقل من عادي حمد له بيتين أو ثلاث ابيات حلوه ورشيد من البيت اللي فيه الشهريه يلعب على باب واحد هذا رايي بغض النظر عن انتماء الشاعر |
اقتباس:
أنت يابو جزاء من بعد حفلة الأسطوره ما عادك بمظبووووووط :p دعاااااابه لا تزعل |
هذي انا شفتهااا على الساحه
|
ونعم في قحطان وكل القبايل
رشيد الزلامي و خلف هذال من اهرامات الشعر في النضم والمحاوره صعب احد يضغط عليهم لاكن نقول الله يطول عمارهم ويخليهم لنا |
خلف هذال سلام الله سلام الله وابالي رجل من قحطان = تدق الناس في عرضه وفيهم ناس مكسوره رد حمد هادي المسردي هلا يامرحبا يامرحبا يا ترثة جهيمان = تبي تملك حرم مكه وردك سيف اخو نوره انا بوصيك ثم بوصيك واخذ العلم يا سلمان = ليا جاك العتيبي حط رجلك فوق صرصوره |
يالربع بعضهم اموات
تغمدولهم بالرحمه راحوا بخيرهم وشرهم واللي ينشد عن الفايات ناقص عقل قل لخويك اللي في الدوام الله يصلحك اجل فيك نقص بعض الناس عمره كبير بس عقله صغير هذا اللي خلا كبار السن اللحين مايقولوا شي لان انا وخوك خذ الحكمه اللي تقول مو كل مايسمع يقااااااااال |
اقتباس:
الله يرحم المسردي ويطول عمر خلف الدعاوي بلاوي في كل شي حتى في الكلام الحقيقه بيت المسردي ماله رد مأزق مجنون لأنه بحجه والحجه نا فذه مافيها كلام وش بيكون رد خلف ..هل يقول ماتقدر انت وسلمان ؟ هل يقدر ينكر؟ ههههه الحجه تفلج العاقل صراحه وسبق وحصل موقف بين خلف والجبرتي وفيه حجه وخلف صراحه ذيب يعرف اللي له واللي عليه كان يتوعد الجبرتي والله جاب الجبرتي وقال خلف حسب الرواة انا ابي احرج الجبرتي امامكم حسب كلام الرواة... وقام بدا الطاروق اللي مايخفاكم خلف مرحبا يا الجبرتي يوم جيتنا متعني ......... نعنبوا .... الي كنها الطبليه . الجبرتي جاوبي ...... يوم حازك عني ......... انت خصم لـ...... منت خصم ليه . قعد خلف يضحك قال دورتها ولقيتها مار غيروا الطاروق وانا اخذت حقي الليله شاعر ورجل عاقل يعرف الحق لأنه صادق مافيه بيت ينقض بيت الجبرتي حتى لو رد ،، الحكيم محد يبلش معه يعطي الحق من نفسه الله يرحم الجبرتي ويطول عمر خلف اشهد لله ان فيه خصال ماهي في غيره في جيله. اما الاولين كلهم من خلف وفوق |
الحقيقه بيت المسردي ماله رد مأزق مجنون لأنه بحجه والحجه نا فذه مافيها كلام
وش بيكون رد خلف ..هل يقول ماتقدر انت وسلمان ؟ هل يقدر ينكر؟ ههههه اي مازق ياسلطان والله المخارج كثيره ولاتصعب على خلف يقدر يقول حنا اللي وقفنا ضده ولو وقفنا معه جا في الامور امور ويقدر مانت باللي توصي سلمان وعد وغلط من المخارج وبعدين قد حصل بينه وبين احمد الناصر موقف مشابه لاتحضرني الابيات ورد ابوهذال بكل براعه والله يرحم الميت ويطول عمر الحي |
اقتباس:
وانا لية انقص من شاعرية حمد هادي انا اقول الله يرحمة ويغفرله وانا سألت عن محاوراتة مع الزلامي وخلف ولاتسوي زحمة والشارع فاضي وعطني دليلك اني اقصد الانتقاص من شاعرة المسردي . والمسردي انا اسمع من الشيبان انه شاعر قوي في النظم ولاكن في المحاورة لم اسمع عنه اطلاقا وهذا لاينقص من شاعريتة اذا كان شاعر قوي فلن يضره اللي يحاولون ينقصون من قيمتة ولكن مهما بلغت قوتة فلن يكون اقوى من الزلامي وبن هذال وتاريخ المحاورة شاهد على ابداع الزلامي وخلف هذال |
ماجد العصيمي
فيصل الجهني حياكم الله ولاهنتوا على المشاركة |
اقتباس:
الله يرحم المسردي ويرحم جميع اموات المسلمين وموضوعنا عن محاورة خلف ورشيد مع المسردي ماتكلمنا في الطائرة والسفينة وبافي قصائد حمد هادي لاهنت على المرور |
ابراهيم الجذع
خالد الشيخي خالد بن عاتق مرحبا مرحبا ولاهنتوا على المرور |
خنجر الدهاسين
مرحبابك ولاهنت على المرور والله يرحم جميع اموات المسلمين |
اقتباس:
مرحبابك يالقرم الله يرحم المسردي ويطول بعمر خلف ولاهنت على المرور اما من ناحية عجز خلف عن نقض حجة المسردي فأظن ان الاخ فهيد الرويس رد الرد اللي كان في خاطري وكفى ووفى |
فهيد الرويس
مرحبابك يالقرم كفيت وفيت يالغالي واظن ردك هذا هو الرد المناسب على من ينتقصون من مقدرة خلف هذال على الرد على المعاني اللي يكون عنوانها جهيمان |
| الساعة الآن »08:03 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd