|
مستور العصيمي وحبيب العازمي والميزاني أحداث دراماتيكيه !!!
سأكتب الموضوع في نقاط وأترك لكم التعليق ** من المؤسف أن نذهب لنسمع شعرا ونجد العكس . ** حفلة هذيل بحضور مستور وحبيب وعبدالله الميزاني وأخوه محمد وعمر الخالدي وسعود العميري . ** حضور مستور العصيمي بعانيه للمعرس بصفة العلاقه بينه وبين أهل الحفل وأيضا بما يعرف (بالحداه ) مع أبناء عتيبه . ** حضور حبيب العازمي لحفلات هذيل بعد غياب حول 12 سنه تقديرا لصاحب الحفل. ** بدأ الحفل بطاروق بين العميري ومستور ولم أحضره . ** طاروق أخر بين الخالدي وحبيب لم أحضره ولم أتمنى في هذا الحفل إلا هو . ** حضرت مع بداية الطاروق الثالث بين الميزاني ومستور والبادي أعتقد أنه الميزاني وجئت على بيتين لمستور يقول رد الميزاني بيت لا أحفظه ولكن فيه أن العصمه مالهم خانه ومستعد أرجع التياواني ياباني رد مستور ومنه إن كنت مبلي الله لا يبلاني ** كان مستور العصيمي يجهز بيته الأخر فتكلم معه العميري والخالدي على الكراسي وأعتقد يطلبون من مستور التغيير ** قام مستور وطلب الخالدي بالبيت الاول وبينما هو بجانب المكرفون يستعد للبيت الثاني جاء الميزاني واخذ الميكرفون جانبا وقال يا مستور هذه حركات قديمه وان كان ما تثمن فيه غيرك يثمن مستور ينظر له بإستغراب ويضحك ثم إتجه للكراسي وجلس . ** قال الميزاني بيت واحد منه ( يا حبيب ترى خلف السواري سواري ) ** حصلت شوشره فالحفله ووقف الجمهور وتحدث شعراء هذيل وأهل الحفل مع مستور يعتذرون منه ويحاولون تهدئة الامر فجاء المنقذ حبيب من داخل القاعه وكان غير موجود على الكراسي مع الشعراء . ** تكلموا معه أهل الحفل ومباشره قام بالتغيير ** بدأ طاروق ساخن بين حبيب والميزاني حول الموقف الذي حدث يلوم الميزاني ويقول يكفيك ابيات قليله مع هرم شعري مثل مستور العصيمي من ضمنه بدأ حبيب يقول ( يا ابن غازي يا عبدالله يكفيك من البحر قرطوع ) الميزاني ( مستعد أخلق من ظلوعك مية مشروع ) حبيب ( الله يغفر لمن سماك عبدالله )حبيب ( الجمل بخفه ينتق الجربوع ) الميزاني حبيب وذهب لمستور يضحك كثيرا ويشير لبعض الحضور ويقول وش أسوي ** غير الطاروق عمر الخالدي وأخذ حبيب العازمي يتكلم مع الميزاني حوالي عشر دقائق بجانب الميكرفون . ** خرج الميزاني من الحفل مباشره حوالي الساعه 1 وربع وتكلم معه صاحب الحفل خلف الصف ثم خرج من ابواب القاعه . ** طاروق الخالدي ومستور كان حول الموقف ومن ضمن أبياته مستور ** ثم جاء أخو عبدالله الميزاني محمد ولعب مع حبيب وكان خارج من الجمهور ولم يكن له وجود ابدا خلال الموقف السابق طلب حبيب وقال الله يحفظ العازمي للمحافل لوقت طويل وكأنه غير راضي عن اخوه عبدالله وأيضا يقول حبيب في نفس الطاروق ويشكر مستور العصيمي على تفهمه للوضع وقطع الامر رد اخ عبدالله برد غريب ** ثم طاروق بين العميري وحبيب حول الموقف ايضا من أبياته العميري حبيب حبيب ** جاء صاحب الحفل بعد نهاية الطاروق وطلب من مستور موال رباعي مستور وحبيب والعميري والخالدي مستور والعميري دار الحديث عن ساهر ومخالافاته وحبيب والخالدي عن الاحداث السياسيه الراهنه . |
الله يعيين
اللوم على راع الحفل المفروض يدور الشاعر العاقل اللي يحترم المحفل واهله "" واللي له عاده سموه ابو العوايد "" الله المستعان ومشكووووووووووور يابو فايح على التغطيه |
بالعكس حفله مافيها سوار الذهب ماهي بزينه
|
ماقصرت ياخي لكن والله ما حمضتنا بالعلوم تجيب طاروق ثم توقف ياليت تدور المحاوره كلها
بعدين عبدالله الميزاني شاعر علم وهذي المفروض ماتجي من ابو غازي لكن اقول حبيب عرف يتصرف انا اشهدنه سياسي صدق والعود العود بعدين الهمجيه هاذي المفروض يخلونها لمتطفلين الشعر والله يعين صاحب الحفل |
يابو فايح
في الحجاز معقل الشعر بجيكم في حفله والعب قاف ومن ثاني بيت بتهاوش مع خصمي وبكذا اكون اشتهرت ووصلت للناس بسرعة البرق واذا اشتهرت وشفت الاضواء والاعلام خفت ولا عطتني وجه اتهاوش مره ثانيه وكذا ولا كذا الدراهم في الحساب وانا طالع الساعه 12 ( غير جبال ولا تغير طبيعه ) |
عبدالله الميزاني لابد من ان يتعالج تصرفاته غريبه وشعره يهم في وادي مافيه احد والمشكله من اللي يطبلون له ولا يفقهون في شعر المحاوره شي ..
|
والله لو عندي حفله ما اعزم الميزاني لو يجي ببلاش
ولو اشوفه في حفلتي لأمسكه الباب |
يقول ان كان ماتثمن !! الله يشفيه
والله يرحم زمانك يابو تركي .. لو على وقتك والله ما احد يبرم الجابه ابو فايح لاهنت يالقرم |
يااخوان لاتشرهون عليه ............................صاحب الحفل ليش يجيب ابو الطلاسم يااخي فيه اشعر واكفا منه خله يروح في داهيه
مستور ابو تركي جبلنا ولاهان ولا همنا راع العلوم الرديه |
يفترض ان هناك تفاهم بين الشاعر وخصمه يعني يستأذن منه لو بغى يغير الطاروق
الميزاني شاعر كبير لكن تصرفه غريب |
الميزاني يفسد جمالية شعرة بتصرفاته الصبيانية مع إعجابي الشديد بشاعريته الفذّة
ولكن يجب عليه وعلى غيره مراجعة حساباته من حين لأخر لاهنت يا ابو فايح |
السؤال هل مستور استأذن من الميزاني قبل يغير الطاروق ..!؟ فتصرف الميزاني .. يكمن عن ردة فعل ..!! اذا لم يستأذن مستور .. الحق عليه و اذا استأذن .. الحق على الميزاني و حبيب .. قادر بكلمه ان يسيطر على الجماهير و الشعار فكل الذي يأتي منه مقبول .. ولا هنت على يا ابو فايح على التقرير الجميل و لا هنت ابي محاورة الميزاني ومستور كامله و كذلك الميزاني و حبيب كامله و تقبل مروري |
الميزاني شاعر كبير ويعلم الله ان اللي يعرف شعر المحاوره انه
يتمنى يسمع طاروق من سوار الذهب من حيث النقض والفتل الصحيح القوي بالنسبه للموقف اللي حصل بينه وبين مستور انا متاكد انهم مخطين عليه ودليل ان اللي غير مستور ودليل ذالك ان الطاروق في بدايته وفيه قوت ابيات ودليل ذالك ان مستور لم يستاذن منه بتغيير الطاروق ودليل ذالك ان الطاروق لم ينتهي ولم يشيب الطاروق ودليل فيه شعراء موجودين من اهل الحفل لو شاب الطاروق غيروا الطاروق وليس مستور اللي يغير الطاروق ودليل على ذالك كلمة سوار الذهب بقوله( فيه من يثمن ) يقصد مالك حق تغير الطاروق ولا فيه خلاف حتى تغير والناس تثمن الكلام غيرك! والا هم ان الطاروق في بدايته حسب كلام سوار الذهب وهذا من حقه ان يزعل كل المؤشرات تدل على ان سوار الذهب ماعنده خطا ولو صار منه خطا تأكدو ان اللي يغير الطاروق شعراء اهل الحفل مايبيلها كلام وتأويلات اتمنى ان نحصل على بداية الطاروق والمحاوره كامله حتى تتضح الرويه للجميع |
[align=center][QUOTE=ابو فايح;1195040]
** كان مستور العصيمي يجهز بيته الأخر فتكلم معه العميري والخالدي على الكراسي وأعتقد يطلبون من مستور التغيير هنا البداية , اهل الحفلة هم من طلبو من مستور التغير .. فـ مستور ما يحلقه ملامهـ ابداًً !! |
فيصل الجهني
سلطان البقمي الحق على الميزاني ليه؟ اعلمكم ليه ؟ ياخي من بداية الطاروق وفيه تهجم من عبدالله ولاحظو ان مستور ماغير القاف من ر اسه جوه شعار هذيل وهم يعتبرون معازيب وقالوا غير وانتم تعرفون الضيف في حكمة معازيبه وغير مستور ( بناء على طلب معازيبه ) تجي تعترض ليه ؟ حفل العرب وبكيفهم يغيرون يبدلون يسوون اللي يبون |
اقتباس:
كلامك هذا اضاف لسوار الذهب الحق ياخي الشاعر مو عبد عند صاحب الحفل يبدا بطاروق بيتين مع خصمه وقالوا غير يامستور كلام غير منطقي اطلاقاً هم عازمين شعار لحيا الحفل يعني حلبة مصارعه مو بيت وغير طاروق! هذا مو كلام ان صاحب الحفل له الحق في تغيير طاروق ولا يعرف معنى عشان يحكم على الشعار بتغيير الطاروق ...... بعدين لو صار مشكله مثلاً اللي يغير مو مستور فيه شعار يعرفون المعنى ومن اهل الحفل هم اللي يغيرون لفك النزاع بين الطرفين بحكم انهم محايدين واهل حفل يعني مايعرفون يغيرون هم! يرسلون مستور؟؟كلام مادخل العقل وإذا فيه مشكله نعم يقوم صاحب الحفل مو مستور ماعليه إلا يجي عند المكرفون ويقول يعطيك العافيه يامستور يعطيك العافيه ياسوار الذهب الآن محاورة حبيب العازمي.. وفلان ابن فلان هذا إذا حصل مشكل لا تخلطون الامور اتمنى نحصل على الطاروق كامل |
ان شاءالله ابو فايح يجيب المحاورة كامله بالفديو وبعدين نشوف اللي حصل كامل ونحكم عليه
بدون قصور في ابو فايح شمس تطلع خبر يبان تحياتي |
عبد الله الميزاني شاعر كبير ويلام على التصرفات الغير لائقة
لاهنت ابو فايح على النقل |
اقتباس:
ودليل ودليل شكرا شكرا شكرا شكرا شكرا شكرا شكرا شكرا :o:o:o:o:o:o:o:o:o:o:o:o:o:o:o:o:o:o:o:o:o:o |
اقتباس:
ردودي فالاقتباس بين قوسين راعي الحفل مايبغى المشاكل يوم شاف بيوت عبدالله قال غيروا لانه داري ان مستور بيردها مدبوله فقال اقصروها والعب يامستور قاف مع اي واحد ثاني والميزاني خش الخشه اللي لا لها راس ولا قفا الله يشفيه |
لا ننكر شاعرية عبد الله ولكن تصرفاته جعلت الناس تتحس منها
ويا عبد الله الشعراء زملائك إن لعبت وإن لعبوا الربع ما غيروا الطارق إلا لسبب يخصهم وليسوا ملزمين بتبرير ذلك ومن ناحية حبيب الله يبطي به حي محنك إلا قالوا محنك .. إن هدى الجمهور بكلمتين لأنه حافظ قدره وحافظ قدر جمهوره ولاّ غير بموال يطرب الناس ويعوضهم عوافي يابو فايح |
السـلام عليكم ورحمة الله وبركاته
صباح الخير ,, مساء الورد يالربع انتم طولتوها وهي قصيره انا حاضر الحفل وكلام ابو فايح صحيح لكن الفرق بيني وبينه حاضر الحفل من اوله ومثل ما تفضل ابو فايح كان بداية الطاروق بين مستور وسعود العميري وشاب القاف وغيّر عمر الخالدي وطلب حبيب وصراحه قاف حلو واللي بدع عمر الخالدي وما رد عليه حبيب في بيتين الا جاي عبدالله الميزاني يترنح حتى في سلامه وجابو له فراش يجلس ويقوم ويترنح الله يامنا المهم للاسف قطع طاروقهم عبدالله الميزاني ومثل ما قال ابو فايح البيت الاول كان يقول اذكر فيه الشعر واخوانه فالشطر الاول والبيت الثاني شطره الثاني يقول يا ليت مستور يذبحني على شانه بصراحه من اول ما جاء سوار الذهب وهو جاء على طاروق حبيب والخالدي ماهو في يد الرحمـان ومثل ما قال ابو فايح اللي جرى لكن احب اذكر نقطه ما شافها ابو فايح اول ما غير وبدع عبدالله الميزاني لمستور صراحه وضعه كان مره يرثى له قبل يبدع لمستور مسك المكرفون وقال مساكم الله بالخير حنا مشغولين في العلم والتاريخ ؟؟ سمله الرحمان الرحيم وش علمه وتاريخه وقال ولولا هذا المقام الكبير لما جينا وانا يمثلني اخوي فلان بن فلان الميزاني وقال كلام والله ما فهمته المهم مالكم بالطويله غير مستور ويوم غير مستور مثل ما قال ابو فايح ولكن ما قال ثمن قال يا طويلين العمار بعد شال المكرفون وضربه احسب انه يكسره يا مستور بصوته كله هذي حراكات قديمه اذا انته كفو فيه غيرك كفو صراحه ان مستور طالع فيه وقام ابو فيصل عسى عمره طويل ووقف عند المكرفون وجلس يضحك وغنى بعدته 00 يا عبدالله يابن غازي يسد امن البحر قرطوع __ وقليل الخاتمه لو ينبعث شرب البحر كله ............................. وهو الميزاني رد واذكر مسكت على مستور هههه حتى جاب بيت يقول مستور العصيمي مدري وش فيه والبيت الثاني اللي قاله ابو فايح ههههه بعدين مثل ما تتفضل اخوي ابو فايح لكن الغريب يالربع الله لا يبلانا ههههه بعد ما طلع مشو الناس وراه هل تدرون انه متعدي السياره اللي جاء فيها ورايح جهة البيوت ماغير قادوه لين ركبوه السياره وسرى بالمختصر اظن اي شخص حضر الحفله او شاف او جاه علم وكان عازم سوار الذهب في حفله له انه يلغيها هذا كل ما فالموضوع يالربع مشكله الواحد ما يوزن الطاسه صح الله لا يسلط علانا ههههه ودمتم0 |
لاحول ولاقوة الا بالله والمشكلة انه امام بشر وقدوه لغيره وينظر اليه كل من حضر
شوه سمعت القلطه لان صاحب الشعر صاحب رساله الله يعوض اهله انا لله وانا اليه راجعون |
عسى من به خيرً يزيده ومن به شرً يجلاه
هذي بلوى الله يحمانا وياكم وكل مسلم لاهنت يابوفايح |
مدري ليش ردود ضد سوار الذهب لكن عبدالله يبقى استاذ شعر
|
بصراحه الميزاني متسيد ساحة المحاوره وما يقدرون شعراء عتيبه عليه اطلاقا صدقوني
متمكن وشائف نفسه وما أحد يرده عن دربه ويدفع ويشجع من اطراف ليسلك هذا المنحى العنيف لكسر كبرياء الشعراء ومشكلته الوحيده رداءة الصوت الزلامي يلعب معه شوي ولا يكمل ويرفض يقوم لطاروق آخر في مكه قبل فتره ومستور يقطع الطاروق وحبيب يجامله بابتسامات وضحكات للتخفيف من قوته وتركيزه الرهيب على المعتى يتكافى شره مايقدر يواجهه ويصافحه وهذا ذكاء من حبيب لو أظهر غير ذلك لزم عليه مواجهة الطوفان واستبدال الابتسامات بوقفت النظر والرد الكافي لتغطية رد الخصم وهذا أشك في نجاعته مع الميزاني لانه يملك مخزون يستخدمه لافحام مواجهيه وابو تركي الصوت مايساعده كثيرا وكذلك قوة الجسم تخيل لو عمل الحركه هاذي مع مستور أيام جبروت ابو تركي صدقوني ليكون رده قاسي جدا بعدة وسائل يحرزها ابو تركي باقتدار ورجوله وش معنى التهرب منه وهم شعراء كبار لا تعوزهم مجاراته ليل كامل ماهو طاروق تهربهم هذا بهذا الشكل حقيقة أعطى نتائج عكسيه غير التي يقصدونها من انهم شعراء أعلام ولا يتنازلون يلعبون معه ويترفعون عن بعض الامور والان كلهم مستحيل يوقفونه عند حده وشاعر فرض نفسه وخلاص بعد هالحادثه الحل الوحيد مقاطعته وعدم الحضور معه تفاديا للاحراج شاعر مايعرف المجامله يدس السم فالعسل ويلعب بقوة البيت وهذا من حقه يملك موهبه نادره ولو كان شاعر عادي صدقوني يلعبون معه ويمشون الليل ولكن اللعب له فاتوره وضريبه باهضه ولو لجأ شعراء عتيبه لهذا الخيار فستفقد ساحة المحاوره علم مثل ما فقدت المسعودي ومطلق وصياف وستقتل هذه الموهبه بسبب الحصار والمقاطعه رأئي وامل عدم المؤاخذه ربما أصبت في بعض ماقلت وربما هناك ماخفي عني ويعرفه غيري |
بارك الله فيك يا رجل في زمن آخر على نقل مشاهدتك
والله لا يبلانا .. يالربع من الشاعر يوم يجيبون لهم شاعر يحوس الحفله ؟؟ ومستور حكيم اللي غير الطاورق لأنه خابره بيجيب العيد .. وأكيد ما ننسى الحفله اللي كان فيها القرقاح يوم ضاق منه القرقاح قال له في بيت قريب من هالبيت : كان عبد الله يجي للملعبه ويصوغ قافه .. وصار عبد الله يجي للملعبه مهوب صاحي !!! وسكوت عبد الله عن كلمة ( مهوب صاحي ) إعتراف منه .. الله يعافيه ولا يبلاني .. وبعدين ما فيه شيء اسمه شاعر يخافون منه الشعراء ولا ما يقدرون عليه !!!! لعب المحاوره فتل ونقض إلا إذا بتفتل لي صيخ 20 ملم وتلويه ثم تعقده وتحط فيه تكاكه وتقول من بينقضه هذا اسمه مضيع صيده في عجاجه .. مهوب أي معنى تلعبه معي أي شاعر !!! بعض المعاني لازم الشاعر يعرف بعض الأحداث مثل خلاف بين شاعرين او شيء صار في الحفله وغيرها كثير اما دس السم في العسل مثله مثل التعجيز في المحاوره ندرته زينه وتبين هل الشعر فطين ولا لا وكثرته سماجه .. |
اقتباس:
عزالله يابن خيشوم ما جاملت احد وعطيت الحقيقه لو الحقيقه مره يعلم الله انني ماحصلت فيه عذروب الا الصوت ودري انها من الله مع انني معرفه شخصياً ولا عمري حضرت حفله وهو فيها لكن اشوفه في القنوات وشهد شهادة حق انه شاعر فحل وصعب على الكبير والصغير وعنده حنكه ورموز مطلسمه لكن رموز شعر وتحدي صريح ودليل شفت له محاوره مع مستور فيها ابن مشيط وفهد العازمي وتركي عند مطيري اضنه حفل مزاين ولعب مع مستور حتى حطه في زاويه ضيقه والشعار كانوا واضحين في التصوير يضحكون على قناة الساحه والله ماني حافظ من الطاروق شي بس مستور نوى يضيعه وقام يجربع مستور لين نشب مستور معه وكان مستور يروغ في المعنى وحطه انه من الناس الخربانين في المعنى ورد عليه بمعنى انت الهرم الكبير بالمعنى والحقيقه عجبني وممكن شفتوها ..... وغيرها طواريق حصلتها في المنتديات اللي فيها بيته يوم يقول (كل ماجينا نصب الكحل مانلقا محاجر) بيت جني وفي صلب المعنى وغيرها كثير ومع الزلامي طاروق مجنون ومعنى مخفي لاكن المعنى صاعقه في حق الزلامي وتخلص الزلامي منه وقال يلعب غيري بعد ماطلبه مره اخرى الحق يقال والصح صح شاعر معنى وجمله ورمز واللي يعرف فن المعنى والمحاوره لايمكن يسمع لغير سوار الذهب هذا من باب كلمة الحق يعلم الله مابيني وبينه صلة قبيله ولا صلة معرفه يعلم الله لكن الحق يقال وإذا عند ه سلوكيات شاذه تخصه الله اعلم به ماعندي عنه خلفيه لكن الشعر اللي انا اسمعه منه شعر جني لو ابي اوصفه بدقة الوصف كلامي يختص في محاوراته وشعره فقط |
بعض العرب مايفهم
شوفوا نهاية العلم قالوا مستور يتهرب !!؟؟ ههههههههههههههههههههههه اللي يخلي للقلطه اركانها بس وبيض الله وجه بن ريفه يوم يقول صاحبي حريف واللي ضيّعه كثر الحرافه=لا تقهوى شاف شيخان العرب مثل الأضاحي واللي مطير عبدالله فالسماء يشوف هالموضوع http://www.otaibah.net/m/showthread.php?t=105704 |
المراقب المميز :- أبو فايح .
من المؤسف أن ندرك بأن الميزاني موجود ونذهب له :(. هم يقولون يفسد . وهم يقولون متذبذب . وهم يقولون تغير .. مستقبلا ً متى ما علمت بأن الميزاني متواجد تأكد بأن المنافسة ستكون خارج السياق . أبو فايح :- دائما تأتي بما يثري المتصفح من شد وجذب حيال طرح القضية بأسلوب جميل . ولكن .. لماذا الميزاني يوضع بمكان الريبة وأنه لا بد أن يراجع العيادة والكثير من العبارات التي أستمدها من ردود البعض . نتحدث عن أمر ونترك أمر أخر .. لا بد من معرفة حيثيات ومسببات هذه التجاوزات التي يمارسه الميزاني كما يزعم البعض .. وإلا لما منذ البداية يتقابل مع عبدالله . يبعض من الردود يعتريه الكثير من المصداقية . يا جماعة ما هكذا تورد الإبل . عبدالله الميزاني همسة لك :- يا مبدعاً تجاوز الجميع سواء القدر . طلبي من رواد منتديات الهيلا نقل المحاورة كاملة سواء صوتية أو فيديو أو نقل كتابي . ومع كل هذا لا ننتقص من شاعرية رجال لهم من الإرث والتاريخ والمجد اكبر مما نتحدث عنه كحال أبو تركي مستور . وحبيب العازمي . نظرية الإقصاء مكشوفة من بعض الردود وليس محتوى الموضوع . وذهب وأشر للجميع وش أسوي .. أن كان يوجد أمر غير مقبول .. أتمنى سوال الله العافية والدعاء للزميل بشفاء وترك الضحك . شكر اً لك يا أبو فايح على نقل الصوره للمتابعين . حفظ الله عبدالله الميزاني بكل حالاته . |
ياخوان لاداعي لبعض البلبله والي يقول عبدالله الميزاني مريض انا اقول بل الميزاني اصحئ من الجن علئ ماقالو 0 بعدين الميزاني شاعر كبير وانا من اشد المعجبين بتلك الهامه الشعريه لكن بنسبه لكون حبيب و مستور يتخوفون منه ياللعجب كلمه هزيله و تعود لمن قالها هولا فطاحلة قارعو روس شعراء الخليج في الماضي والحاظر و تفوقو عليهم بقوه كيف يخوفهم شاعر اذا كان ماهو بنقص منهم لن يزود عليهم 10 سنوات قدام حتئ ينافس حبيب العازمي
هذا نظرتي والناس كلن ونظراته |
اقتباس:
لا تكتب هالكلام مره ثانيه ثم تلتقطك الناس على شهار |
اقتباس:
ما بقي الا انت تقيم مسستور , والله هزلت . شخص لا يعرف البيت موزون او غير موزون يتحدث عن قامه شعريه مثل مسستور . بعدين اش جربعه .. !! شكلك متاثر من جربعت ضيف الله العضياني الي الان :) |
الله يشفي الشاعر عبدالله الميزاني
الجميع يعلم ما يمر به من ظروف صحيـّه وهو في النهايه إنسان ضعيف تحت دبرة خالقه ليس لـ / التشهير أو لـ / الفرح عليه .. ولكن حفلة القرقاح وحفلة حبيب وحمدان وحفله ثالثه في الحجاز والحفله هذي !!!!! كلها كانت تصرفات عبدالله فيها خارجه عن المألوف أما بـ النسبه لـ شاعريـّة عبدالله فـ هناك من يقول أكبر شاعر وهناك من يقول ما عنده سالفه [ من خلال الردود ] ولـ نصل لـ كلمةٍ سواء من يقول ما عنده سالفه .. أكيد إنـّه حاول يفهم بيوت عبدالله ولم يصل إلى حل واصدر هذا الحكم :) لكن من يقول أنـّه أكبر شاعر إمـّا إنـّه لم يفهم بيوته وقال اكيد هذا دفن المعنى اللي يقولونه :) أو أنـّه متعصب :) أو أنـّه فهم أبياته ووجد عنده شعر ما هو عند غيره واصدر حكم أنه اكبر شاعر .. وفي هذه الحاله يعلـّم الإخوان اللي يقولون ما عنده سالفه ويقول لهم شوفوا وش قال وشوفوا وش معناه على شان الكل يستفيد شكرا |
اقتباس:
تقديري لك دائما وأبدا :) |
عجبت لـ رد الاخ سلطان البقمي !!
هل عبدالله الميزاني أشعر من المسعودي والثبيتي وابن تويم والرياحي وابو مشعاب وصيـّاف والسناني وشليويح وابن جرشان وغيرهم ؟؟ الحقيقه إنـّي كل ما حاولت أجد له محاوره أستفيد منها لقيتها منتهيه بـ مثل هذه الحادثه !!! إلا طاروق كان بينه وبين مستور العصيمي في حفل اللغيصم في ام رقيبه وكان الميزاني هاك الليل طيـّب كما يبدو وأموره الصحيـّه زينه .. وحصل بينه وبين مستور طاروق أظن اللي نقله للمنتدى الأخ حمود بن خيشوم .. وكانت الغلبه والتفوق من الطبيعي لـ مستور ..! أنا لست هنا لـ / أضع مستور والميزاني على كفـّتي ميزان .. لأن الجميع يعلم من هذا ومن هذا لكن حشر مستور !! وما أحفظ شي !! لكن الشعار كانوا يضحكون !! ههههههههه أنت حكمت على ضحك الشعار هنا الحقيقه أنا لا أريد أن أسألك إلا سؤال واحد يا سلطان البقمي وأرجوا الإجابه بـ صدق :) كم عمرك ؟ |
يالربع والله كنت من المعجبين بشعر عبدالله الميزاني لكن بدت ريحته تطلع الله لا يبلانا بما بلاه واستبعد من ثلاث حفلات كان مدعوا فيها بسبب مشكلته تلك الليله
والليله اللي قبلها كان مع عبدالحميد الفهمي في تبوك وحسب علمي حصل فيها شيء ما يسر البال أحد يخبرنا عن الحفله وش صار فيها بالضبط |
البينه بينه والخافيه خافيه
الله يطول بعمر عميد الشعر في الخليج السعوديه مستور العصيمي شكرا |
لاهنتوا جميعا على مروركم وتشريفكم أضحك من بعض الردود وبعض سطحيتها ولكن ابو حامد كفى ووفى |
مسكين سلطان البقمي قاهرينه شعار عتيبه يدور على شعار العتبان بس وشرايك نقول مثلك ان نواف العازمي حشر فيصل الرياحي يوم غير الطاروق معه في الحفله الشهيره اقول خلك في شعار البقوم من مرهب الى المرزوقي ههههههههههههههههههههههههههه |
| الساعة الآن »05:38 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd