انــا رشـحـت نفـسـي للـريـاسـه=ومطلوبـي تـرى كرسـي وماسـه
وعنـدي نـص ربـعـي تنتخبـنـي=وعـنـدي حــي حارتـنـا ونـاسـه
وانـا والله علـى مـا قـيـل واحــد=من البدوان ما افهم ف السياسـه
ليـا مـنـه لـقـى عـقـرب وطـاهـا=ولا مـنـه لـقـى لـــه داب داســـه
ولـكـن الـعـرب صـاحـو عـلـيـه=وقالـو لـي تـرى الدعـوه وناسـه
ولا يـا الازوري بتصيـر ريـس=وبتجيـك القـروش مـلات طاسـه
ولا يـا الازوري عنـدك ودونـك=ومثلـي مـا يقـص السيـف راسـه
عـلـوم الـنـاس عـنـدي بالفعـايـل=ووجيـه النـاس عنـدي بالفراسـه
تصورت ومليـت ابهـا الشـوارع=وحطيت الرقـم مـا اكبـر مقاسـه
وســويــت الـمـخـيـم للـجـمـاعـه=وجـاب القهوجـي مليـون كـاسـه
وجبـت الهـم حبـيـب والـزلامـي=ومستور العصيمـي فـي حماسـه
وشبـيـت الـهـم الـنــار الكـبـيـره=وجا راع الحطب عنـدي بفاسـه
ثــلاث ايــام نـذبـح ف الـذبـايـح=وذبـح الحـيـل دارسـهـا دراســه
وانا مـدري وش اللـي ينتظرنـي=الا يــا لـيـل يــا لـيــل التـعـاسـه
لـيـا مـنـه بــدا الـعـلـم الحقـيـقـي=وبانـت فضـتـه مــدري نحـاسـه
اضن اني بجي ريس على اسمه=وانا ما اعلم لكـن اهـل النجاسـه
ترى هذي جـزات اللـي يطامـر=ويلبـس ثـوب مـا يعـرف مقاسـه
بـعـد شـفـت المـرشـح واحلـيـلـه=مع الشارع ويطـرد فـي بساسـه