الهرج عندي وازهلو يامعازيب =يقولها اللي لاضمن له وليمه
يقلط على الغيبه وحش العراقيب =ويقطع أذناب الحكي بالنميمه
هذا يغيب ان عودة للمواجيب =ولا عاد تلقى له مع الناس قيمه
مايعرف السنعه ولايعرف العيب =ولاله طموح ولاش قدر وعزيمه
مخطي وتلقا لحيته كلها شيب =ويقول انا قد العلــــــوم العظيمه
ناسه تصحح له ولا ظنه مصيب =وهرج القفا عنده شعار وسيمه
ينقل كلام ولا يحسب العواقيب =ولا جالسه كود العقول السقيمه
احزابه اللي يلحقون المشاهيب =اللي سعـــو بين الغريم وغريمه
ياذيب ياللي تشعب الهرج ياذيب =هون تـــــرى عادتك عاده لئيمه
ياهل الشريعه كثرو بالمكاتيب =وتدخلـــــو ياهل القلوب الرحيمه
الدين علمنا التناصح على الطيب =ومانلفظه من قــــــول ربك عليمه
يالله ياللي تعلم الجهر والغيب =سترك وعفوك والرضا أكبر غنيمه
انا فقير لرحمتك وانته مجيب =أقبل دعوتـــــــي والنوايا سليمه
ياحافظ يونس بوسط الغياهيب =أحفظ لسانـــــــي لايجيب الظليمه
أشوم عن مجلس يحوش الاكاذيب =وانا اعتبر مجلاسي اكبـــر جريمه
وسج القدم في عاليات المراقيب = فــي صحصحٍ يطربك لفحة نسيمه
في ديرةٍ يفرح لها الصدر ويطيب =هي منوة الخاطــــــــر ليا زاد ضيمه
ابعد عن امجالس هل الشك والريب =مدام الـــــي فالنفس عزه وشيمه
هذا خياري بالمنا والاطاليب =ولو فسروه انه هــــــروب وهزيمه
اخذت فالدنيا دروس وتجاريب =درسٍ يشّيب بالرضيع اتعليمـــــــه
والحظ يلعب دور مافيه تكذيب =شيٍ مثبت من عصورٍ قديمــــــــه
ان طاب حظك طبت من دون تثريب =واليا تردى فالليالــــــي كريمـــــه

المشاركة الأصلية كتبت بواسطة راعي الزرقا (المشاركة 1190334) صـــــــــــــــــــــــــــــــــح لســـــــــــــــــــــــــــــــــــــــانـــــــ ـــكـ الشاعرمحمد الذيابي قصيده قزله من شاعر جزل ولاهي غريبه عليك الجزاله مع تحيات (راعي الزرقا)

المشاركة الأصلية كتبت بواسطة محمد@الجعيد (المشاركة 1190435) سالم وغانم وصح لسانك على هذه الجزله بجزالتك

المشاركة الأصلية كتبت بواسطة سعود بن عيد العضيله (المشاركة 1190470) الشاعر محمد الذيابي صح لسانك على هالقصيده اللي كلها حكم ونصايح بيض الله وجهك ولك تحياتي

المشاركة الأصلية كتبت بواسطة ( نجم الحجاز ) (المشاركة 1191027) صدقت يامحمد هذي مانعاني منه الله يوفقك / / / تقبل مروري

المشاركة الأصلية كتبت بواسطة سلطان البقمي (المشاركة 1191051) هذا خياري بالمنا والاطاليب ولو فسروه انه هروب وهزيمه صح لسانك مليون ولا يكفوون بيوت من فكر كبير ماشالله عليك هذه منقيه يامحمد مثل نقي الا بل انا اخترت منها وحده ولي شف ارجع واختار وبلشت صراحه ... هكذا الشعر الطيب والجزل بيض الله وجهك وصح لسانك مليوون تحياتي

المشاركة الأصلية كتبت بواسطة علي الثبيتي (المشاركة 1191616) سالم وغااااانم وصح لساااااااااااااااااااانك مليون جزله من جزل

المشاركة الأصلية كتبت بواسطة فهد العازمي العتيبي (المشاركة 1191687) .. صح لسانك شاعرنا محمد الذيابي ولاهنت ...

المشاركة الأصلية كتبت بواسطة شامان الروقي (المشاركة 1191835) صح لسان واعتلى شانك

المشاركة الأصلية كتبت بواسطة فهيد الرويس (المشاركة 1191949) صح لسانك وعتلى شانك يامحمد ابدعت لاهنت تحيتي وتقديري

المشاركة الأصلية كتبت بواسطة سعد الرويس العتيبي (المشاركة 1193636) صــــــــــــــــــــح لســــــــــــــــــــانك عــــــــــــــلــــــــــــــــى الــــــــــــقــــــــــــصــــــــــــيده