سلام الله سلامن ينومس راس راعيه=سلام الله على منتدى الهيلا عتيبه
تلومون الزمن ياكثيرين المشاريه=وذي نظره بعيده وذي نظره قريبه

هلا يامرحبا والمسلّم يوم نوحيه=على حسب الشريعه ليا سلّم نجيبه
زمان العولمه ناخذ علومه ونعطيه=ولوهي تالي الوقت يامحمد غريبه

يدوم الك البقاء والظلام النور يجليه=عسى الطيب يطيب وتعرف الناس طيبه
انا ماذي ومن يذي العالم تأذيه=عرفت الجرح لكن مانعرف طبيبه

على كشف الحقايق قليبك لاتعنيه=يجي يوم الحقايق ويبدا الراس شيبه
امام الله وخلقه كلام الجد عطنيه=نبا نطرح قضيتك والمجرم نعيبه

هذا معجب على اسمه ينومس من مسميه=عسى الله يصلحه لا يشق بيده جيبه
تساو الله بخلقه وغرتكم معانيه=لسانك لا يزل ويجرك في مصيبه

شهادة حق والحق ماتقدر تخبيه=لكن في تاليتها كلامك بان عيبه
كلامٍ جيت لاجله نصيحه لاتخليه=ترا دربن ماهو لك يضرك وش تبيبه

اوثق ساس بيتي ليا من جيت ابا ابنيه=وانا عرف المسيحي ليا علق صليبه
الا ياذيب سنجار ثابت فوق اراضيه=نبا نسرح ونسري على ظهر النجيبه

كفو ماقلت غير الصحيح اللي تسويه=وانا ماجبت في هرجتي شكٍ وريبه
لكن الفرض لامن بديته لاتخليه=وجوب انك ليا قمت فرضك تعتنيبه