من هاجس(ن) لامن قدح محد(ن) يبا يحلق مداه=سلام تسيلمة وفا من هاجسي غنيتها
الشعر الاول راح ياهل الذوق مرواح القطاه=ماباقي الا شعر كيف الحال يخرب بيتها

يا مرحبا وانته تحيزم والشقا قسم الشقاه=يومن لك رغبه وطامح منوتك وابديتها
الشعر الاول لا يزال ومن يدور له لقاه=لكن رجلك من طلوع الطايله حنيتها

المشاركة الأصلية كتبت بواسطة مشعل الشيباني. (المشاركة 1187373) يا مرحبا وانته تحيزم والشقا قسم الشقاه=يومن لك رغبه وطامح منوتك وابديتها الشعر الاول لا يزال ومن يدور له لقاه=لكن رجلك من طلوع الطايله حنيتها

الك البقا والرجل مهمها صار مايعرف خفاه=وانته سيورك ماتدور الا وينطف زيتها
انا احمد لله يوم انا من بيت عز وبيت جاه=ورجلي على كسب الجزيله ياهذا بديتها

المشاركة الأصلية كتبت بواسطة مشعل العطاوي (المشاركة 1187367) من هاجس(ن) لامن قدح محد(ن) يبا يحلق مداه=سلام تسيلمة وفا من هاجسي غنيتها الشعر الاول راح ياهل الذوق مرواح القطاه=ماباقي الا شعر كيف الحال يخرب بيتها

يوم السواري من قرون الوعل حطوها حذاه=في عصرها ورد العشاء يا صاحبي عشيتها
ما نقول قصور عن علمك نبا علم الرواه=وان كان كسبك فعل رجلك لو مشت مشيتها

ماكل صياد(ن) ليا منه قنص حصل عشاه=لاتحسبنك ياولد مشيب علي مشيتها
الرجل لامنّه نواله شي مايقصر خطاه=يوم ان رجلك وسط قاع الاوديه سجيتها

راحت وطافت من ذكا يا صاحبي ولا غباه=الاوله والثانيه وديتها رديتها
الذيب لا يرقا الطويله لين يوحيني عواه=بعض الذيابه يالعتيبي مصبحه ما وحيتها

طافت وتسعى فوق بن مشيب ليا حضّر سراه=سويتها واعرف تراني بالمثل سويتها
ابا الحصين اليا سمعه صوته عطى درب النجاه=يعرف ذيابة سفوه اللي ماجهل في صيتها

لا تامن الخبل المضرا ولخطاء عنده ضراه=ونا ولد شيبان نفسي للعلا عنيتها
حنا فزعنا للولد مير الولد ذا مستواه=اوفيتها يا صاحبي ولا عسى ماوفيتها

المشاركة الأصلية كتبت بواسطة مشعل العطاوي (المشاركة 1187511) مشعل الشيباني اذن الفجر وبكره ورانا جمعه مار تشرفت باللعب معك وانا اخوك كن بالف خير ..