العرف ياهل العرف عنقودعنقود=ماجات صاحبها بصبح وعشيه
ونصيب من يتبع نصيبه بمجهود=وانا وراه بجهد والنار حيه
اقدم الخطوه ولايمكن اعود=نجمن على العليا يدور سميه
جبت العسل بالعزم من داخل العود=ماهمني كثر النحل فالخليه
وحسام عزي للمواقيف مجرود=ولاني بحده كاسر المقلميه
ولاني من اللي يعجبه شقرة العود=مرضا على ربعي ثلوم وزريه
ربعي هل الوقفات والطيب والجود=اهل الشجاعه سقم في كل هيه
تصون حق الجار ماهو بمجحود= ولا قد شكة جيرانهم مشنويه
ودخيلها فالوجه عن حقه تذود=اهل الوفاء واهل اليمين السخيه
والباب يم الضيف ماهوبمسدود=وقدام عين الضيف نارن وريه
وبجالها صفت مباهيرن قعود=والعود الازرق والعلوم الطريه
الطيب لاهل الطيب بطيب مردود=ولا الردي تحرم عليه التحيه
من ضدهم خسران مهدود مهدود=راحت علومه فالقا طوشليه
ربعي الاد جعيد حمايت الذود=هم عز لي مادامت الشمس حيه
واليوم لاحاسد ولاني بمحسود=وكلن على مافات جر النعيه
والعقل في نقصان والعمر في زود=وكم راع عرشن ورثه لرعيه
ولاء ولوانه من الناس محمود=في حفرتن حول بجنبه خويه
ولو كان قاد النمور واذياب واوسود=ولوأنه السلالة رجالن قويه
مايقدر يزحف عن عيونه الدود=وآحظ من صلى وتابع نبيه
والطيب الي لو بني عمه هنود=يذكر بفعل الطيب والله وليه
الفرق فرق التقي لن كان موجود=ولاء زمان السيف والجاهليه
والله يعز ملوكي سلالة سعود=خدام بيت الله رجال الحميه
بظلالهم خلق الله نعام ورقود=من خيرهم عشنا بعيشه هنيه
وحب الوطن فالقلب ماحده حدود=عن الوطن قدمت روحي هديه
حنا عتيبه للوطن ناقف جنود=سريتن ياطيبها من سريه
الظالم نهينه ولو جمع حشود=نفرق حشوده نضد الغزيه
والخاين من الدار مطرود مطرود=ماله تواجد بالعلوم الرديه
والحيه الي تنزع وتلبس جلود=تبقى بعين الذيب ياناس حيه
البيض بيضن ماتخالط مع السود=وساس العمل ياناس مبني بنيه
يامزين الارهاب بلباس وعقود=فعلك محى سترك بعين البريه
الدرب ياهل الفسد بالحيل مسدود=ومن خلفكم صفت جنود المنيه
لن قالها الله ترجع سهود ومهود=وبرجل تدعس حيتن عالميه
وتنثر زهور العز بدار وورود=في ظل من هو مارضى بالخطيه
والسهيل ويا الجدي ومقيدح شهود=على حروف اللساني الابجديه

المشاركة الأصلية كتبت بواسطة محمد الذيابي (المشاركة 1187301) صح لسانكـ يامحمد

المشاركة الأصلية كتبت بواسطة محمد ابن رووق (المشاركة 1187302) صح لسانك يابو معيوض

المشاركة الأصلية كتبت بواسطة أبن حشيان (المشاركة 1187384) يامرحبا من بعدها البن والعود @ ترحيبتن من بعد رد التحيه مرحبا ترايـــــــــــــــب المطــــــــــر

المشاركة الأصلية كتبت بواسطة رائد العصيمي (المشاركة 1187581) الله لايهينك منور وصح لسااانك ملايين

المشاركة الأصلية كتبت بواسطة محمد الحميدي (المشاركة 1187583) حنا عتيبه للوطن ناقف جنود سريتن ياطيبها من سريه صح لسانك

المشاركة الأصلية كتبت بواسطة ولدعساف (المشاركة 1187585) صح لسانك .. ونعم فيك وفي ربعك الجعده .. ولاتحرمنا من جديدك .. أخوك .. متعب الجــذع :)

المشاركة الأصلية كتبت بواسطة عناد الشيباني (المشاركة 1187620) صح السااااااااااانك وحياك الله..

المشاركة الأصلية كتبت بواسطة شجاع السواط (المشاركة 1187792) صح السانك يامحمد وبدايه موفقه .. حياك الله بين اخوانك ..

المشاركة الأصلية كتبت بواسطة مشعل العطاوي (المشاركة 1188708) صح لسانك ونعم في آلآد الجعيد وعز الله انك حمستنا