ياسلامي عليكم يارجال العوايد = من رجال الوفا والطيب والمقدريه
كل علم(ن) جديد يشق صدر الجرايد = والجرايد تجينا كل يوم ضحويه

المشاركة الأصلية كتبت بواسطة غالب الذيابي (المشاركة 1186068) : : : صح لسانك يابو فيحان ..... طاروق قوي من بدايته .. بانتظار الشعار وصح لسان اللي يجاريك. : : : :

المشاركة الأصلية كتبت بواسطة شباب البقمي (المشاركة 1186070) صح بدنك يابو سلماااان دخلت على ديوانك الصوتي وسمعت إبداعك بصوتك الشجي هههه صح لسانك

مرحبا يا هلا محسوب ضمن الفرايد=عن رجال الشهامه والكرم والحميه
الصحف لو تبيد الهرج ماهوب بايد=مار ابشرك نصه لامج المهمهيه

البقا يالعصيمي وأنت ماأنته بقايد = لاتقود الفصيل ولاتقود السريه
والسبب يالعصيمي حول بعض القصايد = عام الاول لقيتك دون خط الحويه

المشاركة الأصلية كتبت بواسطة ماجد السميري (المشاركة 1186069) الله الله صح لسااانك ياشباب وصح لساااان قبيلك مقدما

وقتك بخير يا شباب والامن سايد=وانت ماتجهل العتبان فالجاهليه
يابقمي لاتشيل الحمل والحمل كايد=وانت ظهرك محردب من هذيك السنيه

والله انك ماتحسب مع وساع البنايد = جبت عيد رمضان وجبت عيد الضحيه
يالعصيمي على العربان ماأنته بزايد = غير بتجارتك وأرباحك العالميه

انت رجال فاتح فمك وانا محايد=وان تماديت بقعا وصلتك في شويه
فالكرم صاحبي يكرم ومحسوب رايد=ماش احد راح يكس السرح فالشعب زيه

أنت تنصاد ياماجد ولاانته بصايد = والبداية هدية والنهاية هدية
البقوم تعرفهم في نهار الشدايد = والعصيمي يسحر كل ليل جعريه

انت راعي مشاريعن بليا عوايد=استوت واستويتوا عايده عايديه
علمكم عندنا تباع زاهي القلايد=وانت ضيف العصيمي مايحلا حليه

ارقد ارقد ياماجد فوق غض الوسايد = مع عتيبة تراكم صفحة(ن) هامشيه
والله انا مانبغا مع عتيبه نقايد = حسبنا الله على اللي جاب طاري الرديه

فيه هرجن صحيح وهرج ماهوب جايد=والاكيد ان هرجك زور ميه بميه
قالوا الناس اساس الصحبه اصلن مكايد=من جهتنا ترانا مقفلين القضيه