مرحبا من روس قوم ٍ مراميها بعيد = ردة ٍ تقصر عن اللي قصر من دونها !!
هكذا الدنيا نزول ٍ ومن بعده شديد = وش تسوي يالشهيب وهذا قانونها !!

والبقا ياربعنا ياهل السيف الحديد=فاللوازم كلبونا بحسب ظنونها
قبلنا قد راح كسرى وهارون الرشيد=مار تكفي سيرته والعرب يقرونها

من طمر فالنار لو تاكله ماهو شهيد = لو تصير النار ليلى وهو مجنونها !!
البلا اني كل مانصحك في غيك تزيد = ومن وراك سباع جاعا تحد سنونها !!

علـّم اللي يحسب انه بفعله مستفيد=لايقول القوم يمكن تسوق ظعونها
لاتعلمني وانا خابر ابليس المريد=اسطوانته القديمه عرفت لحونها

امس تاجر لكن اليوم ماعندك رصيد = والتجر فالسوق قامت تزيد ديونها !!
انت ماتدري عن الموت في حبل الوريد؟؟ = متعب عتيبه وذبحتك مايرضوها !!

والله انه ماجهل قيمتي غير البليد=والبضايع داخل السوق ماتشرونها
تتبع الموضه وفكرك مع الجيل الجديد=قبلكم ياكم رجال ٍ كحلت عيونها

بين فله وسط جده كما برج الوليد = وبين غرفه في مسره وساع ركونها !!
انت فالثنتين هذي مخير وش تريد = واليتيمه لا تذر الكحل في عيونها

عن ديار العز والله لايمكن نحيد=لو ظروف الوقت تهدم جميع حصونها
قبل خمس ايام رديت لك ساع البريد=الامانه في يدي, مستحيل اخونها