عتبان الحجاز ليه مايكتبون العتيبي ؟؟ [ للنقاش ]
 

والله وانا أخوك على حسب ما اتوقع : كثرة حروب عتيبه في نجد ضد القبايل الثانيه


وللعلمك حتى فالحجاز في ناس تكتب العتيبي.بس الأكثر أضن يكتبون أسماء قبايله على طول وبعضهم صارو يكتبون إسم الخامس وأسم القبيله الفرع لعتيبه وبعضهم بس إسم الخامس


واما عن السبب فما أجيك عنه والله.بس إمكن يكون .بسب قلة حروبه كقبيلة عتيبه كافه فالحجاز ضد القبايل الأخرى والله أعلم

وعلى حسب علمي بعد بئن في نجد أكثر الروقه مايكتبون العتيبي يكتبون الروقي مايكتبون العتيبي وكثير من البرقاويه يكتبون أسماء قبايلهم على طول.



والأهم والله وانا أخوك مو كتابة العتيبي لا الأهم إن ليا جاك عتيبي تنفعه وتسده باللي تقدر عليه



والله يعطيك العافيه على الطرح ولاهنت



وبئنتضار ردود الأخوان.

:
:
:


موضوع من افضل المواضيع اللي مرت علي بالمنتدى.

انت تقصد يالشيباني كتابة اسم العتيبي في اثبات الهوية..

كل الفروع اللي ذكرتها هي الفروع التي تمتهن الفلاحة والتجارة.

وعتبان نجد وعالية نجد هم البادية ، لذا تجد ان العتيبي البدوي يتكلم بالكرت

الثقيل والاقوى ( كرت القبيلة ) بينما الفلاح والتاجر يتكلم بالكرت الاقتصادي ،

وهذا ما اوجد الفارق الواضح الذي دعاك لهذا الطرح .. اما الروقة فانا اطلعت على الكثير من

هوياتهم ، القلة القليلة موجود فيها الروقي العتيبي بدون اضافة الفخذ.

والبعض موجود عنده الفخذ وبعدها الروقي ، والامر سيان ان كتب الروقي

والا العتيبي اهم شئ الحفاظ على ارث القبيلة وعاداتها وتقاليدها واصالتها..

كل الشكر لطرحك..
:
:
:

انا اشوف افخاذ عتيبه الكبيره هي من تكتفي بالفخذ دون اسم القبيله


مثل العصمه والنفعه والثبته والشيابين


وغيرها هذا تمركز عتيبه في ديرة واحده خالهم يتميزون

موضوع رائع واستفسار جميل

احب ان اطرح وجهة نظري ولكم ان تتقبلوها

عتبان الحجاز هم سكان منطقه بني سعد بالتحديد

المعروف ان كل اهل منطقه بني سعد عتبان ما يخالطهم في منطقتهم قبايل اخرى مثل نجد

نجد منطقه واسعه وفيها من كل القبايل فالكل يذكر اسم قبيلته

عتيبي قحطاني حربي مطيري


ولو اتينا لكل منطقه محدوده من نجد لوجدنا كل قبيله تذكر الفخذ القريب مع الاحتفاظ بالاصل


ارجو اني وضحة وجهة نظري

تحياتي

أخوي ابا انشدك انت تعرف حدود الحجاز من وين لاوين وهل تعرف كل قبايل الحجاز ولا بس تهرج كه؟



و تراء أكثر القبايل الكبيره من النفعه والعصمه والثبته يكتبون لقبهم على طول مثل أكثر الروقه يكتبون الرروقي أو الفرع ثم الروقي


وتراء وانا أخوك كلمة قروي او فلاح ماتعيب ولا زدت عنهم والرسول صلى الله عليه وسلم كان قروي وهو افضل الخلق



وبعدين ارث القبيله ينحفض بالفعل ماهو بالأسم فالبطاقه لأنك لو تعاين فالبطاقه تلقى مكتوب سعودي وهذه طمس لهيوتنا وأصولنا0وأنت تعرف إنا مانا بسعوديين

وجهة نضر مقبوله جداً


لاكن أختلف معك في إن عتبان الحجاز هم سكان بني سعد فقط وهذه خطاء0لأن ديار العتبان فالحجاز واجد تبداء من مدركه ورهاط لين تاصل حصاة حضن0

ما أزود عن هذا الكلام

شاكر للجميع

انا من الحجاز ومكة تحديدا وعند ماقدمت رفضت احوال مكه كتابة اسم القبيله العتيبي وقالو تكتفي باسم العصيمي فقلت لله الامر وجميعنا نكتب العصيمي وابنانا كذلك .
ولله الامر

انت يالشيباني تطرح الموضوع وانت كاتب الشيباني الان في المنتدى غيّر لقبك الى سرحان العتيبي واطرح الموضوع وبعدين والا بلاش

..


كل شخص وحسب هواه ورغبته

إما يكتب العتيبي إو يكتب الفخذ او الفرع او الخامس

اهم شي الحفاظ على الهويه والتقاليد والعادات العتيبيه الأصيله

لكن في الغالب جميع ابناء عتيبه المتواجدين في ديار عتيبه سواء في نجد أو بالحجاز

يكتبون بإسم الفخذ او الفرع او الخامس لكي يعرف لأن جميع من حوله عتبان في تلك الديار

اما العتبان المتواجدين في المدن والمناطق الاخرى تجدهم يكتبون العتيبي لوجوده بين قبائل عده ...

غريبه اخوي ليه يمنعون

هذا مجرد منتدى يعني مايمثل الواقع ولا انا حاولت التسجيل بإسم سرحان العتيبي وكان فيه عضو مسجل قبلي بنفس الاسم وغيرته الى الشيباني لاكن في هويتي المدنيه مكتوب الشيباني العتيبي

فنحن نتحدث عن لقب العتيبي لماذا عتبان الحجاز مايضيفونه في هوياتهم المدنيه هذا هو المقصد

لاشك ان طرحك جميل وانا هنا لست مدافعا عن عتبان الحجاز وبحكم تواجدي بشكل دائم في جده الا انني ارى انهم قلة ربما اكون صائب وربما لا

حياك ربي يااشرف

الاحوال المدنيه ماتضيف نقطه الا بمراجعات و معاملات قد تستغرق 6 اشهر او اكثر فما بالك بإسم القبيله

..


نعم صحيح وانا سمعت ذلك من عدة أشخاص من عدة قبائل

يقولون اثناء مراجعتهم للاحوال المدنيه لتغيير البطاقه او تجديدها

وعندما طلبوا إضافة قبائلهم لإسمائهم

رفضوا الاحوال المدنيه وقالوا نكتفي بالفرع او فخذك فقط

ولا أدري .. هل هذا نظام جديد .. ام ماذا ؟؟؟

والله الخافي اعظم في الرياض ولا احب اذكر اسم قبيلته وهو شخص مو كل القبيله ولا ادري ما السبب هل
هو ان اكثر قبيلته يكتبون اسم القبيله
اي الذي قبل عتيبي اما يقول انها هي الاصل ولايس لها مرجع اي انها ليست من عتيبه
ودائمآ احصل انهم يكتبون اسم القبيله ولايس اسم مرجعهم عتيبه
وشكرآ لك اخوي سرحان علة موضوعك الجميل المشرف للحوار

هذا هو الكلام الصحيح


اوافقك الراي


تحيتي

[size=4] السبب واضح وهو الأرجح دايم تلقى المكان الأصلي للقبيله ما يكتب اسم القبيله الرئيسيه والسبب لكثرة أفراد قبيلته في هذا المكان واذا قال عتيبي وما عرف بنفسه لأن المكان كله عتبان لازم يوضح يا عصيمي يا نفيعي يا ثبيتي يا روقي يا شيباني
ولكن نجد خليط من القبايل يعني لما تقول عتيبي عرفت بنفسك بما إنك وسط قبايل مختلطه عكس الحجاز

وهذا الأرجح والله أعلم


أشكر اخوي الشيباني علي الطرح الرائع تقبلوا مروري[/size]

موضوع مهم شدني للمشاركة بما اعرفه ومتأكد منه

كل المشاركات التي تمت على الموضوع مقبولة الى حد ما وممكن تكون صحيحة

لكن الاهم في الموضوع هو الاحوال المدنية في الطائف

كان مديرها شخص يقال لها ( يس خياط ) وهذا الشخص كان يأخذ موقف من تكرار اللقب وخاصة عند البدو على رايه وبالذات قبيلة عتيبة وكان يطلق كلمة ( بدوي ) على كل من هو خارج المدينة .. وكان لهم قسم خاص اسمه البادية.
يعني : كان يرفض تسجيل العتيبي وراء اللقب ولكن يكتب الفخذ فقط مثل :
الثبيتي أو القثامي او النفيعي
ونادرا ما يوافق على اضافة العتيبي للقب او الاكتفاء بالعتيبي دون ذكر اللقب الخاص .
فتجد مثلا في البيت الواحد ثلاثة اخوان بالقاب مختلفة : واحد العتيبي والثاني السعدي والثالث السواط او النفيعي او الثبيتي وهكذا
وكانت القبائل ترفض تجاهل الفخذ الصغير لأهميته عندهم ولا يكتبون اللقبين لانهم لايرون له داعي وهم يعرفون انفسهم عند بعضهم البعض والاهم عندهم هو استخراج ( التابعية ) .

أرجو اني وضحت بعض الصورة.
ويمكن الشيابين الموجودين في الطائف يعرفون هذا الموضوع جيدا وكانوا يعانون من احوال الطائف حتى في الاضافة والتعديل.

اي والله صادق من هالحين بكتب العتيبي لان في ناس تقول ان الصواط مب عتيبي وهم مايعرفون انهم يعودون عتبان من السر ومشكور على الموضوع الاكثر من رائع

انا ملاحظها في قبائل الطائف عموما وليست في عتيبة فقط

الخالدي هذلي ولايكتب غير الخالدي

العوفي شريف ولايكتب الا العوفي

الطويرقي ثقفي ولايكتب الا الطويرقي

السفياني ثقفي ولايكتب غير السفياني

وغيرهم كثير لاتحضرني الان قبائلهم

أخوي العوفي يعد في ثقيف وليس في الأشراف
وهم أهل ليه للعلم فقط

^^

معك في كل كلمه قلتها و هذا الكلام الصحيح و التوضيح الوااااااااافي