|
سؤال عن اللي حكموا نجد ؟؟؟؟؟؟
السلام عليكم يا بني عمي عتابه
ودي اسئلكم عن شي وابي اجابه سريعه مرررررررررره من هم اللي حكموا نجد ؟؟؟؟؟؟؟؟؟؟؟؟؟؟ مع تحديد مدة الحكم أن أمكن وكيف استطاع ان يحكم ولكم جزيل الشكر |
والله ياطويل العمر ماندري لكن اعتقد ان ابن رشيد حكمها قبل الملك عبدالعزيز مباشرة
وهذا اللي عندي |
طيب الدوله العثمانيه ماحكمت نجد
ومحمد بن هادي ما حكم نجد وتركي بن حميد ما حكم نجد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابي اجابه يا ناس وابي اعرف مدة حكم كل واحد حكم نجد وكيف حكمها |
وعيكم السلام ورحمة الله وبركاته
مرحبا ياخوي .... والله سؤالك ماهو هين يعني انت تبغى في الوقت الماضي القريب يعني قبل مائتين سنة ولا قبل الاسلام ولا في عهد الدول الاسلامية............... حدد العصر اللي تبيه ........ وشكرا أخوك/عبدالله بن ناصر المدرع العائذي القحطاني |
هلا فيك اخوي عبدالله القحطاني
وحياك الله في منتدانا منتدى العتبان وشرفتنا بزيارتك يا ولد صب القهوه لأبو قحط وأذبح اطيب الغنم هذا ابو قحط لازم نكرمه في محلنا والله اخوي ابي قبل 200 سنه أن أمكن وين الناس اللي عندهم علم افيدونا افادكم الله |
السلام عليكم
هلا بالاخ فوق الهام بما انك حددت الفترة بـ 200 سنة (1100-1300) 1100-1200 لم يسيطر على نجد أي دولة سيطرة تامة وكانت مقسمة الى إمارات مختلفة وكانت أقوى إمارة هي إمارة العيينة في عهد رئيسها عبدالله بن معمر(1096-1138هـ) في مستهل القرن الثالث عشر الهجري (1200-1299هـ) سيطرت الدولة السعودية الأولى على نجد ولم يأتي العام 1208هـ إلا ونجد خاضعه لنفوذها ثم سقطت الدولة عام 1233هـ واستولت الدولة المصرية بقيادة ابراهيم باشا على أراضي الدولة السعودية ثم قام الإمام تركي بن عبدالله مؤسس الدولة السعودية الثانية بطرد القوات المصرية من نجد واستولى عليها عام 1241هـ لكن ايضا سقطت هذه الدولة في عهد ثاني أئمتها الإمام فيصل بن تركي بعد حروب مع خورشيد باشا قائد الحملة المصرية ومرت نجد في فترة اضطراب بين عامي 1252-1257هـ ثم قام الإمام فيصل بن تركي بالسيطرة على نجد في فترة حكمة الثانية التي بدأت عام 1259هـ ثم قام ابن رشيد , محمد بن عبدالله , في مد نفوذه الى نجد مستغلا الخلاف الذي نشب بين أبناء الإمام فيصل بعد وفاته عام 1282هـ وتمت له نجد عام 1309هـ ثم أتى الملك عبدالعزيز ففتح الرياض عام 1319هـ ومنها الى نجد كما هو معروف |
طيب المعلومات اللي عندي تقول ان ابن رشيد حكم نجد و ابن هادي ايضا حكم نجد وابن حميد ايضا حكم نجد
فهل هاذي المعلومات صحيحه أو غير صحيحه مع التوضيح وفيه ناس يقولون ان ابن حميد والعتبان ما حكموا نجد بس مجرد انهم سكنوا فيها فقط ارجو التوضيح |
اقتباس:
معلوماتك صحيحة لكن على مستوى مراعي نجد لكن على مستوى الدول فهو كما ذكرت سابقا بالنسبة للقبائل التي سيطرت على مراعي نجد من الفترة مابين 1100 الى 1300هـ هي كالتالي:- قبيلة عنزة (بدأ تملكها نجد في بداية القرن الثاني عشر) قبيلة مطير (بعد م عام 1195ه قبائل مطير) قبيلة قحطان (بدأ تملكها في الفترة بين 1257-1259هـ تقريبا) قبيلة عتيبة (بعد معركة سناف الطراد عام 1269هـ مع قحطان) اقتباس:
يقول الشيخ تركي بن حميد في قصيدة موجهه الى الشيخ محمد بن هادي: فرد عليه الشيخ ابن هادي: ويقول ابن حميد في قصيدة اخرى: |
مشكور اخوي سلطان عتيبه على تفاعلك معي يا ولد عمي
لكن سؤال ( تراني غثيث فالاسئله تحملني شوي ) هل ابن رشيد حكم نجد بعد ان استولت عتيبه على نجد وحكمتها لاني قريت موضوع عن يوم الرحا يقول التالي : يوم الرحا ( جمع بن رشيد جيش عرمرم يقدر بلالاف المؤلفه من رجليه وخياله ورماه متوجهه إلى نزال الشيخ محمد بن هندي بن حميد والكل يعرف ان بن رشيد عندما حكم نجد خضع له جميع القبائل ودفعوا الجزيه وعاملوا بن رشيد على نجد كحاكم يرجعون له ويكونون تحت سلطته إلا قبيلة عتيبه لم تركع ابدا ولم تعطي الجزيه قط ولم تتبع بن رشيد وكانت لها السلطه من العارض إلى اواخر نجد غرباً لهذا كان بن رشيد يغزي عتيبه بالذات ومعه معظم القبائل وحاضرة حائل والقصيم ) والمعروف يا سلطان عتيبه ان ابن هندي جاء بعد ابن حميد يعني بعد ان استولى ابن حميد وعتيبه على نجد فهل ابن رشيد حكم نجد بعد ابن حميد وكيف ابن رشيد حكم نجد وعتيبه موجوده فيها ترى جاني شد عضلي في مخي وانا أفكر فيها وين عيال عمي الباقين ابي جواااااااااااااااااااااب |
ساجر الرفدي زعيم قبايل السلقا من عنزه(المطارفه والشملان والمضيان والحسنه والبجايده) سيطر على نجد وعندما خرج منها قال قصيده موجهه للامام عبدالله الفيصل منها(لا احفظ القصيده)
يومنها نجد وانا من سكنها واليوم شامت لعبدالله وانا شمت عنها وتقبلو تحياتي اخوكم العنزي (لتوضيح فقط لاغير) |
متى استولت عتيبه على نجد؟ ولا حكمت نجد؟
عتيبه سكنت نواحي الدوادمي فقط بعد استيلاء القوات المصريه على نجد لتغيير التركيبه السكانيه على نجد ومنع قيام دوله سعوديه ثالثه وصارت المواجهات بيت عتيبه وقحطان انتهت بصلح الهيضل راعي الجمل في عتيبه المعروف ودفعه الجزيه الى ابن قرمله مره اخرى مقابل النزول صلح في نجد وبقي قسم صغير من عتيبه على عداءه لقحطان وعلى رأسهم تركي ابن حميد |
اقتباس:
في فرق بين حكم القبايل وحكم الدول القبايل عبارة عن بدو رحل يتصارعون على مواطن الماء والرعي وخلافه اما الدول الحضرية فهي تتصارع على النفوذ السياسي والتبعية الرسمية. عندما تحكم قبيلة ما على أرض هي تابعة للدولة الفلانية فهي تسيطر على مراعيها ولكنها تحت سلطة الدولة وخاضعه لها وتدفع (الزكاة) للدولة. لذلك عندما كان ابن رشيد يسيطر على نجد كان يطلب من عتيبة دفع الزكاة له كاعلان لتبعيتهم الرسمية له لكن عتيبة لم تدفع له الزكاة لدرجة ان ابن رشيد صبحهم أربعين صباح يغلبونه مرات ومرات يغلبهم ولم يقدر على اخضاعهم وهم في نجد التي (من الناحية الرسمية) تحت سلطتة. ابن رشيد دانت له نجد بدون منازع عام 1309هـ بعد هزيمة عبد الرحمن الفيصل بمعنى ليس هناك حاكم او دولة تنازعه نجد. اتمنى اكون قد وفقت في الشرح |
سلطان عتيبه لقبك الجديد سلطان المنتدي وجزاك الف خير يااابن العم على ردودك الطيبة الى اخوى فوق الهاااام تحياتي
|
وجزاك الله خير...اشكرك
|
ماحكم نجد غير ابن رشيد وابن سعود هذا العلم الاكيد
ولا استعمرت لا انجليزيا ولا عثمانيا ولا حبشيا ولا غيره اما الباقين هم اهل نجد وهم تسلسلا عنزه, مطير, قحطان, واخيرا عتيبه وهذه قبائل تقاتلت فيما بينها من اجل المراعي فقط |
يعطيكم العافيه أما بالنسبه للحكم فقبيلة عتيبه هي القبيله الوحيده بين القبائل التي نزلت نجد التي لم تدفع الجزيه ولذلك.
ولذلك قامت المعارك بينها وبين ابن رشيد الذي يقود معضم قبائل نجد على قبيلة عتيبه لكي يرغمها على دفع الجزيه ولكن لم يستطع. |
كيف ماتدفع الجزيه عتيبه؟!
دفعت الجزيه لقحطان وفيه ابيات موثقه لها اما بالنسبه لابن رشيد فعلا حكم نجد حتى اتحدت عليه 14 بيرق من عتيبه والسعود وبعض القبايل وكانو شمر حاكمين ومالهم منازع ومحد ينكر الحق وقحطان حكمت نجد وكانت تاخذ الجزيه من القبايل الي تدخل نجد |
الله يهديك يافهد
جزيه ماعليش وانا اخوك يمكن خانك التعبير تقصد (هدو) لان الجزيه يدفعها الكافر لامام المسلمين وعتيبه قبيلة مسلمه والنعم فيهم أما من حكم نجد فهم ال سعود وال رشيد لان سلطة الحاكم تتمثل في جباية الزكاه وال سعود وال رشيد كانو يأخذون زكاة القبائل في نجد اما البدو فلا تدفع لهم زكاه , انما ممكن يتهادون فيما بينهم |
اقتباس:
واضح ان عندك سوء فهم لتاريخ نجد والجزيرة ... !! |
اقتباس:
اخـــــــــــــــــــوي تركــــي ليتك تعلـــــــــــــــم بعض اخونّا القحاطيــــــــــــــن الذيــــن لايفــــــــــــــــرقون بين (الجـــــــزيه)(والهــــــــــــدو) اسجــــل لك شكـــــــــــــري على هالتوضيـــــــــــح. |
اقتباس:
لا حول ولا قوة الا بالله عندهم عقده من أيام المحدار يالله لا تبلانا |
سلامتك يالعاطفي القبيله الوحيده التي سكنت نجد ولم تدفع الجزيه هي قبيلة عتيبه
|
نجد ارض الملاحم والبطولات وماستقر فيها الا اهل الشجاعه لانها منطقة مرعي يفتنون فيها البدو لاجا الوسم
يقول احد شعار عتيبه واعذروني اذا اخطيت واد الرشا ماهومليك(ن)من قديم ،،،، ياكود من ساق الجمل ثم احتماه عنه ..............محدرينه للقصيم ،،،، ماهوب ........... ..نفخ ذربه يباه فكانت عتيبه اخر من سيطر على نجد قبل قيام الدوله السعوديه الثالثه هذا والله اعلم اما كلام العنزي ولد عمي العدناني صحيح مدينة ساجر من ديار عتيبه مازالت تحمل اسم الشيخ ساجر الرفدي والله اعلم تحيااااااااااااااتي لفوق الهااااااااااااام |
يعطيك العافيه ياالسعدي
|
يااخوان
صحيح ان عتيبه رفضت دفع الزكاة الى ابن رشيد في اول الأمر ولكن بعد كذا معركه دفعت الزكاة ويوجد قصيده تثبت هذا الشي وهي عندما ارسل الأمير محمد ابن رشيد مندوبه محمد عبدالله السبهان الى عتيبه لأخذ الزكاه ورفضوا اشتاط الأمير غضباً وامر الجيش ان يستعد لغزو عتيبه وبعد المعركه قال الشاعر سلطان التهامي من الثعالية من العضيان من الروقة وهو يصور تلك المعركه بأ بيات تحكي ما جرى بين تلك القبيلتين ؛بكل صدق وأمانه فقد اوضح ماجرى رغم ان قبيلته هزمت فالرجال غالب ومغلوب الآيالله طلبتك يا مقـل الطيـر بالجنحـان = مقله بـا لهـوا يلفـخ بزينـات الجناحينـا كما انك قادر تنجي من اللي ياخذ العربـان = اخو نوره محمد لا ظهر بالحرب ناصينـا الايامير توبـه مالـك الله نـرد السبهـان = لعلك دايـم بالعـز وأنـت اللـي تزكينـا الاوشيب عيني من منازا الخيـل بالتومـان = الى قلت أدبرت خيـل الىخيـل تناحينـا الالا عدت يايوم جرى لي بايمـن البرقـان = اشوف البيرق الجاير عـن الحلـة معدينـا حدونا في لهيب القيض لامزهب ولاصملان = عسى ربـي كتـب هـذا علينـا مايخلينـا ذبح تركي ذبح متروك مع شبابة النيـران = يحسبون الضياغم نجـع صـلاح تناحينـا غدينا عقب ماحنا عرب نمشي مع السيدان = على قطعـة حميـر يقـدع اولنـا لتالينـا |
اقتباس:
الله ياولد السناعيس منين جبت هالقصيده وأسم الشاعر وفي أي كتاب لقيتها ولا في أي مجلد . ومنهو العتيبي اللي يبا يقول لأبن رشيد يارجل لا تقعد تسوي من القصيد وتنسبه لعتيبه . تقدر تقولي وش مناسبة القصيده اللي قالها أبن سبهان يوم أنهم يغزون عتيبه وينهزمون وكانو يدورون الهدو . اليك بعض هذه الأبيات لأبن سبهان . والقصيده لاتحضرني كامله ولكن وددت أن أوضح لك بعض من هزايم أبن رشيد مع عتيبه حينما كان يغزوهم لأخذ الزكاه كما يحلو لك أن تقول وكانت قبيلة عتيبه هي الوحيده التي كانت لا تخشى أبن رشيد ولا تنصاع لأوامره رغم تحالف المرتزقه معه من القبائل الأخرى التي أجلتها عتيبه بقوة السيف عن أراضي نجد والتاريخ يشهد بذلك . ياولد السناعيس ماكل من بغى يسوي قصيده وويسندها على قبيله معاديه لقبيلته يصدقونها الناس . وكثير من شعراء عتيبه يقدر يسوي أقوى من قصيدتك وينسبها لأحد شيوخ شمر ماهو للأفراد العاديين من القبيله ولكن أتق الله مما يخط قلمك في تحريف الحقائق وظلم الغير . الأيداء المورقي |
ونعم والله بكل القبايل عدنانهم وقحطانهم ولكن الان انتهت سوالف الحرووب القبايل الان لازم نحارب الكفار او يسلمون معنا
|
وبدون زعل نجد لعتيبه هذا شي ينذكر للعتبان انهم شالو كل القبايل اللي كانو فيها
|
اقتباس:
والشاعر هو سلطان التهامي من الثعالية من العضيان من الروقة وفي هذا الكون قال الشاعر فجحان الفراوي قصيدة منها هذا البيت جبت الحبردي والصواويغ يالضيط00 جمعتهم للصيرمي بابرقيه00 وتقدر تسأل وتتاكد اقتباس:
مافيها شي الرجال تنهزم وتنتصر ولا هو عيب بس العيب اللي ينكر الهزيمه اما عن القصيده اللي ذكرتها ماعندي فكره عنها ومن قال لا اعلم فقد افتى اقتباس:
الى على دخلة عياده بن منيس للمجلس بعد ان سمع السالفة ... وقال الرخصة يامَحَفُوُظ !! معي لي كليمتين ابي اقولهن تسان ترخص لي قلـت آه بسـم الله وابـديـت وارده = من صخر قيفان وانا من قبل هايبـه الأمثال الى منـي تعاوجـت ركنـه = اعدِّل عِصيان المثـل عـن عتايبـه كمى ذود مصـلاح ماشيـف رتعـه = تعقّب لـه القِعـده تَنسّـف جنايبـه قلته بعقبان علـى الصـوب والقـدا = عقبـان هيـف ماتدانـى جوانـبـه عقبان عقّبن العتيبـي علـى القفـا = عقّبن عقبان الحسـا عـن مراقبـه فروخ حرار ضربهن يرعـب العـدا = فري البواتيع ضربها مـن مجاذبـه طلـع محمـد ماحكـم نجـد مثلـه = لا بـاول الدنيـا ولا كـان غايـبـه يقود المـلا قـود السبايـا وجـره = على دار من قاله على الربع خايبـه قـوم يفهِّقـهـم وقــوم يلحـقـه = وقوم يقلِّط وسطهـا عـن ذوايبـه تبيد الحذاء ياحمود من قاسي الحصى = وتمل مـن سـود الفيافـي نجايبـه مـن كثـر مادلّـن وكلّـن ومـلّـن = وبيّحن مشكاة الدّبـر مـن غواربـه يتلون رقبة المارعي ميتـم الضنـا = طلق اليمين اللي وسـاع مضاربـه حـرٍ يخلـط الريـش للـدم للحـم = هـذي معثبرهـا وهـذي قاضـبـه يمنـاك يمنـى هيلـعٍ مطلـقٍ لـه = على فرز قفرٍ لبّـدت مـن رعايبـه دار الـفـتـى روا الــعــذارى = متلقِّـي البلـوى مهـدِّي صعايبـه كـم قريـة هـازه ورازه وفكفكـه = شاعت وشبّينـاه والنفـس طايبـه شبِّيناه من حصـن الشيـوخ علـوّه = زعلوّة من لا له مع الخيـل هازبـه إهتزّت الجـدران والـدور والنخـل = وتقول تلفي من عقب مافـات تايبـه عوق الفرج تف كفي وانا اخو نوره = الى ما وقع منهـا ولدهـا وشايبـه داب عدى من عالي مراقيه قنيصـه = جاذب ونين الذيـل والـروح ذايبـه بيدي عـدوك قاسـي هـم قاسـي = وبيدي ربعك كالناديه مـن رطايبـه ياما هشنا دونـك بالبيـان والخفـا = نهوش لو عيني طخا النـوم غالبـه يامير الأجناب لا يغديك كثر جمعهـم = .يامير لا تغديـك سكبـة شواربـه يامير لولا السيف والحكـم كضّهـم = وذلّوا على عـالات تقفّـى محالبـه يشوونـك بجمـرٍ مـن الغـضـى = شويّـة عجـلٍ وبالـنـار يقالـبـه شمّر جناحٍ لـك الـى هبّـه الهـوا = الى ذعذعـت للشيـخ ذري هبايبـه وشمّر كمـى ذيابـة فـوق ضمّـر = الى جِلْت جَلَت مع مجالـك عرايبـه اقتباس:
غير ابن مهنا بعروى بس وبعدين ياخوي عيب تشبه القبائل بالمرتزقه اقتباس:
اقتباس:
لأن ماهو فاكني من العزيز الحكيم لا شمر ولا عتيبه ولكن ياخوي الناس تعرف الحقيقه ومثل ماقلت لك ياخوي ماهو عيب الهزيمه ولكن ان العيب ان الواحد مايعترف بالهزيمه اقتباس:
وتقدر تتأكد من كلامي واذا على التأليف انا شفت كذا قصه في هذا المنتدى كلها كذب بكذب ولكن ماحبيت اني ادخل بمجادلات مع بعض الاخوان وفضلت اني اريح راسي و كأني ماقريت شي |
اقتباس:
ياولد السناعيس مافي المجادل خـــــــير يابعدي وعتابه ماتدفع لأبن رشيد لاجزيه ولازكاه ولا غيره من الأسامي والمسطلحات اللي تجيبها وصدقت أن الهزيمه ماتزعل أحـــــــــد والقبايل منول يوم غالب ويوم مغلوب وأنانشتدك عن القصيده اللي قالها أبن طواله يوم عتابه هزمت أبن رشيد واللي مطلعها . نوٍ نشاء من فوق عالي جباله = خيم على أبن حميد هو والشيابين وأنكرت أنك تعرفها يابعد حيي وجبت لك سالفه كذب بكذب أن محمد أبن هندي سير على أبن رشيد على شأن إيوديه الهدايا. يا أخوي منين جبت هالسوالف وش مصدرها يعني قولكـــم صحيح وقول غيركـــم ماهوصحيح . يأخوي الهزيمه مثل ماقلت ماهي بعيب وأنتم أنكرتم هزيمة العوارض من مطير أهل العشر اللي يشهدبها الداني والقاصي واضحه وضوح الشمس . يالسنعوسي الأعتراف بالحق فضيله . وبعدين تقول أنك لقيت بمنتدانا عدت قصص كذب بكذب ليه مارديت عليها أنتسانها كذب وناقشة الموضوع بالبراهين الثابته . لو تتبعة كل المنتديات مالقيت منكم واحد شمري يعترف بهزايم شـــمر وتسنها كل ماغزت على القبايل أكسرتها الله يهديك ياولد السناعيس تسان ماتدري عن عتيبه وحروبها مع شمر أنشد شيابك يمكن فيه أحد يعد الصحيح . |
اقتباس:
بعد أذنك يا ولد السناعيس وأنت يا المورقي بالنسبه لسؤالك يا المورقي عن المعركة اللي أنتصرت فيها عتيبه على ابن رشيد هي معركة الأنصر الشهيرة جيش مقابل جيش على وضح النقا ومعركة عروى أنتصرت بها شمر وأهل القصيم بقيادة أبن مهنا ومعركة الرحا أنتصرت فيها عتيبه التي قادها ابن رشيد بعدما أعطى محمد بن هندي المهربات وهي ثلاث أيام بعدما أتاه ابن هندي ثم أخلفها ابن رشيد ولم يمهله ولا يوم واحد فقد لحقه في دياره وحصلت هذه المعركه التي فعل فيها الأعاجيب ابن هندي وذكرها الشعراء وكون النير كان على مصلط بن ربيعان وأنكسرت في عتيبه وكان مع مصلط عقاب بن شبنان ودحيم وسلطان بن هندي وكان بين عقاب وبن رشيد عهد أو أمان وندم ابن رشيد عندما غزى مصلط وشاهد عقاب عنده ! يوم يقول حمود بن رشيد : الشاعر تندم على وجود عقاب ودحيم وسلطان وتمناها أن تكون على مصلط لوحده لكرههم مصلط بن ربيعان الذي سبق أن أخذ المنقيه إبل طلال بن رشيد وذروات إبل محمد بن رشيد اقتباس:
لا يا المورقي لا تظلم حظك العوارض من مطير كان هوشهم هوش المنهزم ويسمونه البدو هوش ساقه العوارض يبون يفتكون أعمارهم من أبن رشيد عكس كون نطاق اللي على الحفاه يوم يقول اليابس : فالحفاه نزلوا ساحة ميدان المعركة وثبتوا وصادموا جيش ابن رشيد ولم ينهزموا أو يهوشوا هوش ساقه مثل العوارض :) نمور صادمت نمور وأنهزم جيش ابن رشيد الذي وقُتل أبن لغيصم شيخ المسعود من شمر وقتل من شمر قرابة الثلاث مائه في مجزرة رهيبه والفارس زايد بن حريميس هو الذي بان فعله بهذه المعركه وحجيلان بن مروي وبمناسبة ذكر زايد بن حريميس فقد هرب منه الفارس قنيفذ بن لبده بعد أن قطع زايد أذن قنيفد بن لبده في قصه مشهوره تطرق لها الرويس بإختصار وشرحها البليهد عموماً سوالف شمر وعتيبه طويله عريضه وهم رجال في الميدان ويجب أن نتحرى الدقه سواءً لنا ولا لغيرنا أهم شيء المصداقيه :) |
اخوي ابن هوازن
اولاً مساك الله بالخير ثانياً: شاكر لك ادبك واسلوب النقاش الراقي واسمحلي اني ارد عليك باللي اعرفه اقتباس:
مثل معركة الانصر بين قبيلة شمر وعتيبه >>>> انتصار عتيبه معركة ابرقيه بين قبيلة عتيبه وشمر >>>>> انتصار شمر معركة الحماد بين القوات السعوديه وعتيبه والطرف الثاني شمر >>>>> انتصار شمر معركة حمرو بين قبيلة شمر وقبيلة عتيبه >>>>> انتصار شمر معركة الرحا بين عتيبه وقبيلة شمر >>>>> انتصار عتيبه معركة عروى بين شمر وقبيلة عتيبه >>> انتصار شمر معركة عريويات بين شمر وقبيلة عتيبه >>>> انتصار شمر اقتباس:
ولكن اخي الكريم ابي اسألك سؤال ليش ابن رشيد ماقتل ابن هندي وهو موجود عنده وليش عطاه المهرابات اصلاً طالما انه ناوي البوق وبعدين انا وضحت سبب جيت ابن هندي لأبن رشيد ووضعت القصيده في ردي على الأخ الايداء اقتباس:
بس ابي اسأل اخوي كم كان عدد الحفاه وكم انقتل منهم اقتباس:
وطبعاً انا ماجحد الموضوع لكن على كثر مانعرف الفرسان بشمر ولا مره سمعت بالأسم هذا اقتباس:
الدقه والصدق وتسمية الأمور بأسمائها وللأسف اخي الكريم ان الحين كل واحد اصبح مؤرخ وكل واحد يتكلم بالتاريخ من دون علم |
اقتباس:
انت رجال وولد قبايل يعني اي كلمه تطلع منك محسوبه عليك وبعدين ياخوي الواحد يسأل ويتأكد وبعدين يايصدق يايكذب وانا جبت لك القصيده اللي تثبت كلامي اقتباس:
سواً منا والا منكم اقتباس:
اقتباس:
لا تظلم حضك اخوي لو رحت لمنتديات شمر تلقى جميع المعارك سواً اللي انتصرت فيها شمر او اللي انهزمت فيها مثبته على الصفحه الرئيسيه ولا احد انكر هزيمه لكن تدري وين المشكله ان فيه كثير من القبائل تحاول ان تبني امجاد لها على حساب شمر يعني لو واحد من قبيله معينه ذبح شمري عادي لو تروح لمنتدى قبيلة اللي ذبح الشمري تلقى قصه طويله عريضه والغريب ان لا زم يدخلون ابن رشيد فيها عشان يفخمون القصه ويكبرونها اقتباس:
ايه بالله ان شيبانا يعدون الصدق وهم اهل الصدق اقتباس:
ولكن ابشر نشدت عن القصيده ولقيت الجواب اولاً القصيده انتم ياعتيبه مختلفين من اللي قايلها منكم اللي يقول ان اللي قالها هو الشيخ برغش بن طواله ومنكم من يقول اللي قالها هو الشاعر مرزوق بن حويد من روق على اساس يثبت فزعة روق لبرقا ويستدلون بقوله لين ادبحوا شمر وراحوا مطيعين وهذا دليل ان الشاعر ليس شمري 2ــ قول الشاعر والحرب عقب اليوم وش ينعباله00 كان انهم هادوا حنا مهيدين وهذا يدل ان الشاعر يتحدى وليس منهزم كما يقولون روق 3ــ قول الشاعر ايضا من نفس القصيدة واللي جاء معنا تواما احباله000 غير القلايع فوق خمس وثلاثين وهذا يدل ان الشاعر منتصر وكاسب بينما روق يقولون ان بن طوالة منهزم ابيك تفسر لي تكفى |
أناشد الطرفين الموضوعيه وتحري الدقه في الطرح
وعدم المبالغه من الجانبين |
اقتباس:
لاحرام مافيك عرق في قحطان ولو لو انك قحطاني عرفت السالفه وترى عيب على الرجال انها تدخل باسم قبيله اخرى انتم كفو ياعتيبه واخر ماتوقعت انكم تسوون هالحركه تدخلون باسم قحطاني وتحاولون تدنسون اسم قبيله اياك وقهر الرجال ياتركي واتمنى انك تضيفني على ايميلي عشان اتعرف عليكم اكثر !! f-06@hotmail.com |
البيضاني
تفتقر للمصادر |
اقتباس:
أما انت لاعتقد بأنك تمت بصلة بحرب القبيلة التي نعرفها ولاكن دام انك من حرب فنحن عتيبة اسمع ماذا قال شاعر عتيبة : اما إذا كنت من قبيلة مطير فأسمع ماذا قال ابن سعود لاميركم الدويش في حضور كلن من ابن حثلين وابوثنين من قبيلة سبيع جرت هذه الحادثه في عصر الأمام عبدالله الفيصل بن سعود وهو جالس وعنده راكان بن حثلين والحميدي الدويش وعساف أبو ثنين ، وأتى العبد المقهوي بالقهوه ومد الفنجال لبن سعود فأجابه الأمام صبها للأمير فيهم وهو يقصد الدويش وبن حثلين فقال الدويش صبها لي فأنا الأمير فأنا أضرب المطيري وأذبح أحد أبناءه وأرقد مع أهلي مطمئننا وأما راكان لا يستجرأ على ضرب العجمي . فقال الأمام أصحيح ماقاله الدويش ياراكان ؟ فأجابه راكان نعم صدق الدويش لأني أنا حصان وسط حصن فإذا صهلت اصهلت الحصن والا الدويش لا صهل الا هو حصن وسط (...........) . فقال الأمام للعبد صب الفنجال لراكان فهو الأمير . اسم المصدر الذي انت تفتقر له هو : كتاب السعوديون والحل الإسلامي_ محمد جلال كشك |
نداء الى الاخوان المشرقين الكرام
المنتدى يعتبر واجهه لقبيلة عتيبه لدى القارىء الكريم فأرجوا من الاخوان المشرفين ,تنظيف المنتدى من هذا الحثاله المدعو (دـ البيضاني ) انه فعلا حثاله ....تكرم قبيلة حرب عنه وعن امثاله ....ويكرم الدكاتره عن هذا (القذر) الذي لم يدع قبيلة من القبائل الا وخاض فيها ...بغير علم...أرجوا أن يقوم المشرفين بتحمية (المخطر) ووسم الحثاله (د/البيضاني) بالميسم الحار على (قلتّه) على يتعالج ويشفى من هذا (الحثل الفكري ) الذي يعشعش في عقليته (المنتنه).. ويعطى كرت أحمر ..لان هذا المنتدى ...للشرفاء (المحترمين ). .اما الحثاله(د/البيضاني) فيصلح في منتدى (للمصاخين)اللي مثله ... اما ..آن.. للحثاله .. ان توضع في (مرمى النفايات ).. |
نداء الى الاخوان المشرفين الكرام
المنتدى يعتبر واجهه لقبيلة عتيبه لدى القارىء الكريم فأرجوا من الاخوان المشرفين ,تنظيف المنتدى من هذا الحثاله المدعو (دـ البيضاني ) انه فعلا حثاله ....تكرم قبيلة حرب عنه وعن امثاله ....ويكرم الدكاتره عن هذا (القذر) الذي لم يدع قبيلة من القبائل الا وخاض فيها ...بغير علم...أرجوا أن يقوم المشرفين بتحمية (المخطر) ووسم الحثاله (د/البيضاني) بالميسم الحار على (قلتّه) حتّى يشفى من هذا (الحثل الفكري ) الذي يعشعش في عقليته (المنتنه).. ويعطى كرت أحمر ..لان هذا المنتدى ...للشرفاء (المحترمين ). .اما الحثاله(د/البيضاني) فيصلح في منتدى (للمصاخين)اللي مثله ... اما ..آن.. للحثاله .. ان تُرمى في (مرمى النفايات ).. |
السلام عليكم ورحمة الله وبركاته
يقول السديري في كتابه..........اسمع با دختور ان قبيلة عنزه تجتر قبيلة حرب كما يجتر الذ يب الشاه....... يوم الحصني اكل شنب.......... المهم تعليقك..... |
| الساعة الآن »06:34 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd