ياسلام الله على رئيس حرسنا=عد وبآل المزون المستهله
الأمير اللي يصد القوم عنا=متعب اللي يتعب الخصم ويذله
وارثن طيبه من الملك مثلنا=قدوة الشعب السعودي قد حصله
التكاتف والتلاحم في زمنا=موقفٍ واضح ولاجا فيه خله
المنافق لو يحرض ماشحنا=زادنا تكاتف وعزم وجبله
ندبل اللي في كلامه قد دبنا=يحسب إن عنادنا جلسه وفله
مادرى إنه في منامه ماتهنا=من يعل الناس رب الكون عله
لو زمل من موقفه ماقد زملنا=نرهق العدوان والطاغي نذله
من يريد الخير ياكل من صحنا=ومن يريد الشر ذاق اللي نسله
يطمن العدو وحنا ماطمنا=نرفض الإرهاب واللي معه شله
يركد الحسود لا منا صملنا=أمرنا من شرعنا دقه وجله
في ذرى آل سعود مانجهل عملنا=العدل منهاجنا والطيب كله
نشكر الله ثم نشكر من حكمنا=حاكمً عادل وننعم تحت ظله
ياطويل العمر حنا مااسترحنا=خدمتيي راس الشرف ماهي ممله
ربع قرن وفوقها سبعه وحنا=نمتثل للأمر في كثره وقله
للملك والدين والثالث وطنا=نرخص الأرواح ماعشنا بمذله
ياطويل العمر لو إنا بذلنا=كل ما في وسعنا تبقى المظله
راية التوحيد هي أكبر أملنا=ثم طاعة الملك فخراً ومله
التقاعد يابوعبدالله وصلنا=مرحبا بالأمر لاجا في محله
مرحبابه به رضينا مازعلنا=النظام واضح ويجبر كل عله
مير لي مطلب عسى تلبي طلبنا=سجلو هذا الولد والعود خله
شايباً همه وصل منا ومنا=بين حاجونه وبين اللي يدله
عد مالاح البرق والرعد دنا=الصلاه على النبي اللي نجله

المشاركة الأصلية كتبت بواسطة محمد ابن رووق (المشاركة 1182325) صح لسانك يالذيب

المشاركة الأصلية كتبت بواسطة محمد موسى المقاطي (المشاركة 1182437) صح السانك يابو مطلق ونعم الخلف بعد السلف لو ان ودي انه في أرامكوا يابو مطلق ..... ههههه تقبل فائق تقديري

المشاركة الأصلية كتبت بواسطة عائضي (المشاركة 1182455) صح السانك وعلا شانك اشكرك على القصيده الراااااائعه واتمنى المزيد من قصائدك

المشاركة الأصلية كتبت بواسطة مرزوق حمدان العتيبي (المشاركة 1182503) .. . صح لسانكــ يابو مطلق ....

المشاركة الأصلية كتبت بواسطة شاعر برقا (المشاركة 1182809) صح السانك وعلا شانك اشكرك على القصيده الراااااائعه واتمنى المزيد من قصائدك

المشاركة الأصلية كتبت بواسطة بجاد ابوديه (المشاركة 1183003) صح لسانك يابو مطلق على هذه القصبده الوطنيه الصادقه وبيض الله وجهك

المشاركة الأصلية كتبت بواسطة عالي بن دراج (المشاركة 1183714) صح لسانك يبو مطلق .. ولاتحرمنا جديـــــــــدك ..

المشاركة الأصلية كتبت بواسطة (الــراوي) (المشاركة 1208661) .. . صح لسانكــ يابو مطلق ....

المشاركة الأصلية كتبت بواسطة فايح الفجري (المشاركة 1208703) صح السانك يابو مطلق

المشاركة الأصلية كتبت بواسطة متعب الند (المشاركة 1208812) صح السانك قصيده جزله ............ويستاهلها الامير