عندي ياعبدالله سوال اريد من عندك جواب= انته من اهل الجوف والا من جنوب ام القرى
حنا بحثنا في دواوين القبائل والكتاب= واللي معه علم وخبر يعلم اللي مادرى

ان كان جاهل في القبايل فيك ظن الناس خاب = وش لون تسأل ثم تاتي بالجواب المفترى
من قال لك تبحث ومني وش تبي يابو عذاب = تسأل وغيرك من سأل لكن خلك فالسرى

ماني بجاهل فالقبائل واقر مضمون الخطاب=حدد مكانك وانتبه فالسوق باع ومشترى
المعرفه كنز وتجاره مع عزيزين الجناب=وان كان ماودك بعلم الطيب مانبغى الزرى

انا على الشعار والمستشعرين اكبر عقاب = هذا مكاني واحفظه ان كان لك عينا" ترى
ان كان تبغى المعرفه عندي على هذي كتاب = هذا المهم اكون شاعر قوم وارد البرى

يمكن تحدهم بقل المعرفه يابوالشباب= ودك تعلا للثريا وانت عرقك فالثرى
قدام لاتمسي عشى مابين ضرس وبين ناب=فكر ياعبدالله ودورلك على الرائ اشورى

ماظن عندك يالثبيتي لاطعام ولاشراب = واظن من جور الليالي السود جرحك مابرى
يالفارس اللي فالمعارك لايذل ولايهاب = اليا دخلت المعركه بالله لاترجع ورى