|
سلطان الهاجري...يتوج فالح الغنامي في بداية البرنامج
السلام علاكم (على قولة وصل)
اكيد سمعتوا الطاروق بين العلم مستور الهاجري والعلم القادم فالح الغنامي اعتقد انه يحق لنا الآن ان نتبادل التهاني بفوز فالح الغنامي بسيف المعنى (الحقيقي) واذا كان هذه الشهادة صادرة من احد اعضاء اللجنه وبهذه الصراحة فهذا يدل دلالة واحدة على احقيقة فالح وتميزه وتفرده في هذه المسابقة وبالتالي هو من يستحق التتويج لو سلمت المسابقة من عنصر التصويت المادي والذي هو المتسبب في ظلم كثيرا من الشعراء في السابق وخروجهم من المسابقة او خسارتهم اللقب المستحق لهم فالح الف مبروك عتيبة الف مبروك وعلى قولة سلطان (انت فخر للشعر وعتابة) وانت ( السيف ونصابه) الى مزيد من النجاحات للقبيلة والشاعر اخوكم فهد |
الله يبارك فيك وبالفعل الشاعر فالح شاعر كبير والدليل على ذلك المستوى الذي ألفت به الجميع طوال المسابقة ويستحق اللقب بدون منازع ولانقلل من الأخرين . لكن هذه الحقيقة وكما ذكرت عنصر التصويت هو صوت الظلم وليس صوتا للحق أو توصيتا على حق إن صح التعبير , فهذه المسابقة على جانبين جانب سلبي وهو التصويت وجانب إيجابي فهو تقييم اللجنة فكل التوفيق للشاعر فالح الغنامي |
اي والله يستاهل ابونقاء
وكلامك صحيح يافهد لوسلمت المسابقه من التصويت كان فالح من غير قصور في زملائيه والشاعر فالح حقق الفوز وبكل جداره وكسب اللقب من اللجنه ومن جمهور الشعر بكل جداره وهذا يكفيه فخرا ويحق لعتيبه الافتخار به وجميع شعراء عتيبه المشاركين ولله الحمد حازو على شهادة اللجنه ونجحوا بكل المقاييس لاهنت ياخوي فهد تقبل اطيب تحيه |
يستاهل
وتستاهلون شكرا على الحضور كأني فهمت من طاروق رشيد الحالي مع الشاعر الثاني (اللي يقول خل في صدرك سعة يالشاعر الموسوعه ..والنظام نظام والاجواد ما تنظامي) ان النتيجة معروفة ...والظاهر راحت لمن لا يستحقها شعرا والله اعلم |
ان شا الله
المركز الاول نتااااابع |
انا اعتقد المسابقة محسومة لفالح الغنامي العتيبي من هنا نزف التبريكات والتهاني لقبيلة عتيبة بالفوز المستحق الف الف الف مبرووووووووووووووووووووووووك يا فالح الغنامي |
الله يوفق شاعر عتيبه القادم / فالح الغنامي
في الحصول ع سيف المعنى وان شاء الله من نصيبه |
قبل تطلع النتيجه شاعر المعنى محمد شديد القحطاني |
كدعم اعتقد
القطري وشديد والله العالم المفروض فيه سيف من اللجنه وسيف من الجمهور ولكن موضوعي عن المستحق شعريا وبناء عليه عجلت بالموضوع لنتبادل التهاني مبكرا تحاياي |
والله يستاهل اللقب ابونقاء لكن التصويت له كلمته كالعادة |
شاعر المعنى مع احترامي لك فالح الغنامي < شعراً وجدارة واستحقاق بفارق شاااااااااااااااااسع محمد بن شديد < ممكن يخدمة التصويت فقط ولكن معنى وشعر ماهوب حولها |
رسالة من زميل غالي(الشاعر زيد القحطاني)
نص الرسالة( الهاجري وضح المعنى والسيف من نصيب الشاعر محمد بن شديد القحطاني) |
تسربت معلومات في بعض المنتديات
بن شديد الاول 2 البقمي مرهب 3 المري 4 فالح ارجو التوفيق لفالح ويكون عكس |
ننتظر على أحر من الجمر
|
فالح الغنامي شاعر اثبت وجوده وليس بحاجة شهاده من احد يكفيه انه حطم الرقم القياسي وسجل الدرجه كامله ولم يسبقه عليها احد في تاريخ المسايقات الشعريه كافه وايضا حصل على اعلى درجه في جميع مراحل المسابقه فهنيئاً للشعر ولقبيلة عتيبه بهذا الهرم الشعري اما جائزة المسابقه وهي سيف المعنى ومليوووون ريال حصل عليها الشاعر محمد شديد القحطاني بالتصويت طبعا ومن حصل على شئ يستاهله طبعا ترشيحي هذا من خلال تحليل محاورات اللجنه مع المتسابقين |
اقتباس:
من غير رسائل يافهد راجع ردي السابق وتلقى الخبر الاكيد |
طفشونا بهالشيلات واسهرونا على الفاضي
من سلبيات البرنامج المفروض يعلنون النتيجة ولا خلوها في بداية البرنامج |
انا اشهد انك صادز يالزهراني
مار الجاهيات ونطل البشوت تاخذ دورها :) |
:
: : مع احترامي للاخوان ،، المعلومات التي سربت كذب × كذب لكن اللي رافعن ضغط الناس الاوبريت او الملحمة المملة.. اخر زمن عيال القبايل صاروا فنانين : : : : |
مثل ما قال السميري
واضح من المحاورات انا التصويت من نصيب ابن شديد ولكن اللجنه انصفت الشاعر فالح من خلال المحاورات ويستاااااهل شاعر جزل وافضلهم |
ياحسافة يتمايلون
وينطلون الشمغ اذا شافوا الكاميرا عليهم ويكلمون (شوفوني اهز مع الاغنية ) ههههههه يالله فال خير من شباب الامة |
اقتباس:
بيض الله وجهك يامرزوق وهذا يدل على انك رجل ذرب لا تهضم حقوق السبق والشاعر الذكي هو اللي يطلع المعلومه من محاورات اللجنه ويفهمها على الطاير |
فهد الزهراني .. الله يبارك فيك
وهنيئا للشعر بفوز فالح الغنامي .. ولكن مؤسف جدا رؤية المتمايلين مع الاغاني من كبار السن وصغارهم .. |
من حصل شي يستاهله وفالح الغنامي شاعر متمكن وقادم بقوه نتمنى له التوفيق مستقبلاً ولا ننسى ان الدعم المادي (القطّات) له دور في تغيير المراكز في مثل هذه البرامج الماديه وسلامتكم |
فالح
الرابع وضحت الف مبروك لفالح شهادة اللجنه |
((ياشين السرج على البقرة))
أصدق تعليق على النتيجة النهائية! |
ظلم كبير للغنامي مهندس الشعر |
فقعوا مرارتي بالفاصل كل شوي
والمذيع مع احترامي له ما ينفع يريد اثارة بس طريقته غير احترافية وسامجة الى حد ما... وواضح انه يريد تقليد مذيعين شاعر المليون والتقليد الاعمى يضر ولا ينفع على قولة ابو متعب..(شاعر زهران) تحياتي |
عز الله قالها السميري
شديد الاول |
عزا الله قالها محمد بن شديد
الخياري موجود في كل ماقف قحطاني يتطلب الفزعه وسبق مع سلطان الهاجري و ابو زهره ياطيبها من فزعه |
الف مبروك
للشاعر محمد شديد ولقبيلة قحطان الغالية والف مبروك لصاحب المركز الثاني مرهم البقمي ولكل الشعار اليوم والف مبروك لفالح شهادة اللجنه والتميز اللي شهد به الجميع وان شاء الله نلقاكم في مسابقات اخرى (اكثر انصافا للشعر والشاعر) تحياتي لكم جميعا |
اللوم على تجار عتيبه واهل الملايين واصحاب ام رقيبه اللي يتفاخرون بالبل
وين فزعاتهم مع شعراء القبيلة طيبهم في حفلاتهم اللي يترززون فيها ويهايطون على الناس بالمخيمات يا خسارة وقفات القبيله معاهم المفروض ان هم اول من يفزع في مثل هذي المحافل ولكن انت يا فالح يكفيك شهادة اللجنه والجمهور انت الشاعر الحقيقي للمعنى والله يبيض وجهك |
اقتباس:
صوره مع التحيه للجميع انا متأكد لو خاب توقعي سأتعرض لنقد لاذع ولكن تحليلي لمحاورات اللجنه كان في محله |
والله يالغالي
ما الوم التجار وصراحة حرام تحط لك ريال في هذه المسابقات صراحة لعب على الذقون يعني الخيارين اليوم لحاله تبرع 450 بطاقة يعني مليون و 300 الف ريال من غير الدعم الثاني طيب وش فائدتي انا تاجر وش المردود علي من دعم شاعر بهذا المبلغ حرام اعطي صاحب القناة هالملايين عشان يضحك علي بهذا الاسلوب وهذه الطريقة..........!!! انا احيي كل شخص وكل تاجر قاطع هذه البرامج خلونا صريحين... |
شاعر ياماجد ماشاء الله عليك
وانا كتبت ايضا ان الشاعر زيد القحطاي ارسلي رسالة وكتبتها في نفس توقيت ردك وقال ان الهاجري كشف ان السيف عند محمد شديد وكذلك طاروق رشيد موفق يالغالي |
اقتباس:
بيض الله وجهك قلنا وطلنا |
الف مبروك فوز فالح بالشعر وشهادة اللجنة والف مبروك فوز بن شديد بالتصويت القطري والنتيجه بالنسبه لي واضحة من عصر عندما شاهدت بطاقات التصويت في شات الساحة والي تابع المحاوره خصوصآ السناني والقحطاني |
اقتباس:
ما قلت يامحمد التصويت معروف من بداية الحلقة |
هم يطلبون الفزعه والتشجيع والحضور في مسيرات البل من قبيلتهم
ويعزمون الشعراء في حفلاتهم ويحضرون بدون مقابل مادي دعم لهم في المزاين وهذا يعتبر موقف قبيله زي موقف فالح في شاعر المعنى المفروض يردون الجميل لقبيلتهم ولشعرائهم والله لو فاز فالح بالمركز الاول انه ماهي خساره فيه الفلوس والتصويت الله يحفظه ويعزه ويغنيه عن اصحاب الكفوف المغلوله |
اقتباس:
وانت الصادق بين ردي وردك ربع ساعه بالظبط والمعنى اللي أكد اللقب في محاورة السناني وابن شديد والهاجري والمري كان فيه استبعاد للمري من اللقب |
| الساعة الآن »05:43 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd