http://t3.gstatic.com/images?q=tbn:A...7toK0tcPwpnJSA


إلى الصارم الشاعر ،، وثيقة اعجاب

بندر فقيدتنا وموته مصيبة=وان مات ما غابت بيوته ولا يوم
والحمد للي عاضنا في مغيبه=بالصارم اللي عكس مغمد ومثلوم
لا قيل ابن عرويل تصمت مهيبة=مجالس المعنى .. ويفرق بها السوم
المنبر العالي ونده وطيبة=تستاهله بذراع ما هيب بعلوم
سلام يا صاين مفاخر عتيبة=أليا تقدم باسمها كل شغموم
عالي نظر ماهيب عينك قريبة=ولك السنام وقسم حسادك اللوم
والنادرة في الشعر ماهي غريبة=عليك وانته نسل جزلين وقروم
شرفتنا في كل صرحٍ تجي به=وابهجت صدرٍ غايته عز وسلوم
الغث يُمنى في حضورك بخيبة=والجزل ينبت له جناحين ويحوم
درّ البيوت الكامنات العجيبة=يجيبها من ياصل القوع ويعوم
مثلك .. وتبقى منفرد بالصعيبة=اللي جذى من دونها شوف وعزوم
وقلوب عدوان القبيلة مشيبة=يرتع بها جيش الحسد مار مهزوم
وصدور ربعك من سعدها رحيبة=من يوم هاك الهرش عيفته النوم
يفهق ضعيف ويردي الله نصيبه=والطايلة للحر ماهيب للبوم
اللي ليا جات المواقف تعيبة=نطعن بحده في نوايب وفي قوم

المشاركة الأصلية كتبت بواسطة ال شجعان (المشاركة 1179969) الله يحميه لسان لعتيبه الهيلا

المشاركة الأصلية كتبت بواسطة فهد علي العازمي (المشاركة 1180012) صح لسانك وان اشهد انه يستاهل كل خير

المشاركة الأصلية كتبت بواسطة سيف نت (المشاركة 1180075) صح لساااااااانك

المشاركة الأصلية كتبت بواسطة محمد الذيابي (المشاركة 1180091) صح لسانك ويستاهل الصارم

المشاركة الأصلية كتبت بواسطة راعي الزرقا (المشاركة 1180096) صـــــــــح لســـــــــــــــــــان تقبل مروري

المشاركة الأصلية كتبت بواسطة علي الدعجاني (المشاركة 1180126) صح لسانك وابوفيصل يستاهل