الليله المعنى على قاف..قافٍ دلايل قوّ معناه=مايدخله غير المطاليق..اللي تثمن حبكة القاف
يانجد ياللي فوق الاوصاف..مدري مصيرك وين تلقاه=لو ذاب ضلع النير وطويق..يانجد ياللي فوق الاوصاف

القاف مايبغى له اخفاف..كم ليلة ٍ حنا سهجناه=كنه الضما مع فكة الريق..القاف مايبغى له اخفاف
ياعد جوك أشكال واصناف..كل ٍ يقول الما هذى ماه=حتى لو انها بالتلافيق..ياعد جوك اشكال واصناف

القاف اله معنى ومحراف..ماهوب تركيبة مجاراه=ياللي تجرون الطواريق..القاف اله معنى ومحراف
يالمستعي لابد تتطاف..الفرض ما وثّقت مبداه=لايلحقك منّا ملاحيق ..قبل السعي لابد تتطاف

المشاركة الأصلية كتبت بواسطة محمد ابن رووق (المشاركة 1175132) طاروق فايف ستار واصلوا

المشاركة الأصلية كتبت بواسطة ابراهيم الجـــــذع (المشاركة 1175133) يا سلام يا سلام صح السانك اخوي ماجد وصح السان نواف مبدعين ومعكم متابعين

البنت تبقى زين الاوصاف..امعرب ٍ ساسه ومجناه=فعله على روس الشواهيق.. البنت تبغى زين الأوصاف
حنا عرب وانحب الأنصاف..الظلم والله ما رضيناه = ما انحط من دونه مساحيق..حنا عرب وانحب الأنصاف

ما قلت فيك قصور وخلاف..ياللي وصف شكله وحلياه=الطيّبه في مثلك اتليق..ماقلت فيك قصور وخلاف
انشد من اهل العرف عرّاف..والذيب تعرف وين مسراه=قبل السعه في عينك اتضيق..انشد من اهل العرف عرّاف

ماجد نحسبة صدق هداف..حتى دخل قول ٍ بمرماه=ارضى بها لو كان ما اتطيق..حن نحسبك ماهر وهداف
سبحت لكن دون مجداف..اصبر نحضر سترة انجاه=يااللي تغرق شوي وتويق..سبحت لكن دون مجداف

الشعر اله قيمه وميقاف..يشره علي ان كان مادراه=ما ارد لضعوف المخاليق..مادام الي هيبه وميقاف
الشاعر اللي عنده ارجاف..والقاف مايفطن لمعناه=اسموعنا دونه مغاليق..الشاعر اللي يرجف ارجاف