يا سعد من ربعه قبيلة عتيبه
 

هذه القصيدة أهديها إلى منتدى عتيبة الهيلاء وهي للشاعر الكبير/ محماس بن شميسان العضياني العتيبي
والقصيدة تعبر عن ما فيها فأترككم لقراءة هذه القصيدة العصمى
التي لا بد أن نقرأها بتمعن لأنها من شاعر غني عن التعريف وفي قبيلة غنيه عن التعريف فلنقرأها معاً:



"من غير نقص بحق باق القبايل=يا سعد من ربعه قبيلة عتيبه
أهل الصخا والجود وأهل الجمايل=وأهل المواقف فالظروف العصيبه
قوم لهم روس المعالي ذلايل=بأيمانهم تنساق سوق النجيبه
ذباحة الحايل عمى كل عايل=من وصفهم فيهم سماحه وهيبه
تاريخهم يروي عطاش المثايل=ماضي وحاضر فعلهم ينحكيبه
لو نستمد من السنين الأوايل=شي موثق ما دخل فيه ريبه
نأخذ من الواقع خيار الدلايل=المعجم اللي قسمهم من غريبه
يوم المراجل بالهمم والصمايل=حضارهم يكفون من فالمغيبه
مضالهم صولات فوق الأصايل=يوم المصيبه تنتهي بالمصيبه
ليا ولعوا للحرب روس الفتايل=هداتهم في من حربهم غضيبه
مركاضهم يرم العشاء للمخايل=وسهومهم دم العدا ترتويبه
وإن عصبوا للروس دون الجلايل=يا ويل من عوب الظنون تهويبه
سطواتهم تقعد صغى كل مايل=إما رضي تمضي عليه الغصيبه
كم جمع سلطانٍ عليهم تهايل=جمعٍ مدورة الطمع تلتجيبه
أقبل وقفى بالهزيمه شلايل=عقب الطمع منهم قنع بالغليبه
ويوم إن جيش الترك صايل وجايل=خاضو طوابيره كتيبه كتيبه
وجايلمن فعلهم شاف النظام الهوايل=وعدّل عن أهدافٍ براسه غصيبه
وغيره وغيره منجزات جزايل=كم ميسمٍ جابه عدوٍ كويبه
واللي بعد حاول بشتى الوسايل=كم ساق دقلات الجموع المهيبه
خمسين من زيزوم برزان حايل=ما رجحت ميزان منغص حريبه
منهم حدت دهم الجموع الفعايل=ما طمنوا هاماتهم للضريبه
ياما وياما بردوا من غلايل=وكم طوعوا بالفعل روس صعيبه
في نجد تشهد مقفرات الخمايل=وتشهد لهم هوجه ويشهد جذيبه
مروين عطشان القنى والسلايل=يومٍ كل ما فعل ينجزيبه
وان قربت شهب السنين الحفايل=تندى يديهم والجوانب خصيبه
يبدون للعاني حجا كل طايل=رجالهم ما يدخر ما بحيبه
ودخيلهم همٍ يعانيه زايل=أدنى عتيبي فالكرب يعتزيبه
مزبان من ضاقت عليه الوسايل=بالعز صرح امجادهم يعتليبه
لو إن سهره من عنا الوقت طايل=اليا زبنهم مرقده يهتنيبه
عن الخوي فزعاتهم ما تمايل=وحق القصير سلومهم تعتنيبه
عتبان فيهم وافيات الخصايل=ميزاتهم في كل منهج عريبه
عنهم كتبت من الكثير القلايل=في ما مضى يا أهل القلوب اللبيبه
قبل يلم الشمل يبس البلايل=عبد العزيز اللي عسى الله يثيبه
جاها وسكان الجزيره سحايل=جازف عليها وأصبحت من نصيبه
وحنا على البيعه وننفى البدايل=من طبعنا وال أمرنا نقتديبه
واليوم نوفي حقنا والمكايل=وطيبٍ بدينابه نبي ننتهيبه
ماضي وحاضر حقنا فالزلايل=ما صار في منهاجنا ما يعيبه
عتبان رمزٍ للكرم والجزايل=والعرف والعفه والأرياء الصليبه
فالمدن ما أحرف مجتمعهم دخايل=مجالس تلفى وجلسات أديبه
والضيف للترحيب والقدر نايل=غير المناسف والدلال الربيبه
وإن سبّلت بالوبل غر المخايل=أبواشهم ترعى القفور العشيبه
يرعون قطعان تغيض الغلايل=للنصر في ماضي وحاضر قضيبه
ويبنون لللافي بروس البتايل=ومن تاه نور عقودهم يهتديبه
أنوارهم فالليل مثل القوايل=تجلى خراميس الظلام المهيبه
في وصفهم لو قلت ما نيب عايل=عشاق عز وللتوافه حريبه
مثل العدود ليا أغورن الثمايل=تزود مع مر السنين التعيبه
قولٍ يعرفونه عيال الحمايل=ومن قال قول الزور ربه حسيبه
والناس كل ٍلـه سلوم وفعايل=وكلٍ عن الثاني مكفّيه طيبه
ومن غير نقص بحق باق القبايل=يا سعد من ربعه قبيلة عتيبه[/poem][/poem]

للإحاطه ويوم تعديل لأحد الأبيات

ويـــــــوم إن جيش التــــــرك صايل وجايل

صح لسان ابن شميسان و صح لسانك

قصيدة تستحق التثبيت

مشكووووووووووووووووور يا النشمي

تحيا11111تي

هذا والله الكلام والله ان شعر راسي يوقف بيض الله وجهك يالحر الاشقر على نقلك لهذه القصيده اللي ترفع روس عتيبه كلها وحقيقه لا يستغرب هذا الكلام من الشاعر محماس 0 ولا تحرمنا من قصايده يالحر الاشقر الله يعطيك العافيه0 تقبل تحيات الفالح

...
قصيده عصماء .. جزله بكل ماتعنيه الكلمه ..
وعزالله انه شاعر الى عدّوا الشعار... ياطيب راسه طيباه ...
صح لسان محماس ... وسلمت ايدينك يالحر الاشقر..
تحياتي..

عتبـان رمـزٍ للكـرم والجزايـل....... والعرف والعفه والأرياء الصليبـه

صح لسانك ولسان الشاعر يالحر الاشقر

والله وسبعة انعام بعتيبه الهيلا
ولا هي غريبه

بيض الله وجهك يالحر الاشقر انا اشهد اسم على مسمى ماقصرت

صح لسانك ولسان ابن شميسان الشجاع.....


تحياااااتي

صح لسان قايلها
وقصيده جزله بمعنى الكلمه

الحر الأشقر

تسلم يمناك وصح السانك والسان العضياني ونعم بعتيبه وبالقبايل كلها

عزالله انها من صيداتك يالحر الاشقر
 

ودخيلهم همٍ يعانيه زايل **** أدنى عتيبي فالكرب يعتزيبه
شيئ رائع ومن اروع ماقيل في المدح
وصح السان قايلها وناقلها

الله يبيض وجهك يا الحر الاشقر
اسم على مسمى
عزالله جبتنا صيدة اثمن من صيد الحباري




تقبل تحياتي ** البرقاوي**

بيض الله وجهـــك


مشكوووور



الله يعطيك العافية









سجل اعجاااابي وتحياتي

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

للأخ الحر الأشقر
 

ماقصرت على أيراد هالقصيده وصدق بن شميسان وصح لسانه وانا والله احمد الله ان ربي خلقني عتيبي وصدق ياسعد من ربعه عتيبه.

تســـــــــــــــــــــــــلم على هالمشــــــــــــــاركة التي تعتبــــــــر عن فكر قائلها وذوق الحـــــــر الأشقـــــــــــر
تحيــــــــاتـــــــــي

بيض الله وجهك وصح السان بن شميسان