جات يالخراص ساعات القـرار= قبل تبدا شوري انـك تستشيـر
وانصحك لاسرت معنا للمطـار= شف نظام النبض من قبل المطير

مرحبا فاليل وألا فالنهار=في مجال الشعر ماعندي وزير
واقفٍ قدام عينك فالمسار=محتسلك فالقاء سيفٍ شطير

لو يصيبك بعد لحظات انهيار = ساعةٍ فيها يناديك المصير
ساعةٍ ماعاد لك فيها خيار = والقدر باعك عن كتابه قصير

لو رفعت البيت حناله دمار=وإن نسيت العام قد جالك نذير
أشرم البرطم ترى ماشب نار=وأنته الليله وصلت أمرٍ خطير

انتبه لاصرت في درب الكبار = وابتدا لعب الكبير مع الصغير
لو سرى ليل الرمك كر وفرار= تصبح المجروح فيها والضرير

انت يانادر تبا رد أعتبار=مار تبطي وأنت في سجني أسير
التجاره غير عن لعب القمار=لايضيع الفكر وإتعكس المسير

يوم انا وياك بالفصل اختبار = ماقويت الحكي في حضرة مدير
كيف عاد اليوم يالخراص صار = لك كلام ٍفيه هقوات الكبير

لاتشب النا من قدحت شرار=مغلقٍ كل الطرق مالك منير
الخطر لاتقتربله كان ثار=ثم أتعود لـ الرغا عقب الهدير

سيفنا مجرود لك سر وجهار = بالمهمه ماحملنا له جفير
غمدته بالحلق من خلف الزرار = فتحة ٍمنها شهيقك والزفير

الأخ @ماجد@
الرائع هو متابعتك
نتشرف بوجودك والظاهر أذن الفجر

ما يجهز للهدد غير الحرار=وأنت لو حاولت ماتقدر تطير
ياعميلي فزتك فزت إحوار=والحمول الكايده تبغا بعير

محكمين الحظر حولك والحصار= وانتبه للموت نزعات وغرير
انطق بلفظ الشهاده باختصار = واعلم ان الحشر له يوم ٍعسير

الله الله

استلم يأبن طريخم

أرفع البندق وضبط فالعيار=لا يجيك اليوم شرٍ مستطير
لا تجي يم البحر هذا أنتحار=كيف تسبح وأنت تغرق في غدير

ياقمر وتدور في نفس المدار = كن مالك في سما نجد ٍخشير
ليلك الثاني سرى وقته ودار = وحبلنا من حول حلقك يستدير

الأخ العزيز

نادر بن محمد

تشرفت بالعب معك

وأمسحها في وجهي هاذي المره

ولاعاد اعودها

الأخ العزيز / بنيدر الخراص
مستقبلك بالمحاوره مستقبل
مشرق تستخدم مخارج عده
من الأزمات وتصعب السيطرة
عليك ... تهاجم كثيرا ً
أبدعت وأجدت أسعدني اللعب معك
لا أثق فيما كتبته بعدم العودة مجدا ً
تقبل شكري وتقديري