من لسان الشاعر اللي لاحضر دك الجبالي=ياسلام الله على كل الحضور من القبيله
وليلةً جابت ولد شلاح من خير الليالي =مرحبابه عد مابل الثرى وبل المخيله

من لسان الشاعر اللي فاللوازم ما يبالي = بارك الله فالزميل اللي يبا هرجه زميله
اعتبرني معك و اجيب الاجابه لسوالي = لين نعرف منهو اللي منتصر ما فيه حيله

المطيه عن هواها لاتعقل بالعقالي =سوقها وانته عميلٍ مايخالف مع عميله
كل مازان القمر في طلته عود هلالي =يخلف الله للعيون اللي تحوقه كل ليله

يا شهاب انته معك عتبان ولا انا لحالي = لا يضيع الزاد من يمناك و الطرقه طويله
اخذ من بحر الشمال اللي ورا القطب الشمالي = لا تقول ان الامور مسيره باهون وسيله

خابرك منت بشريك بمكسبي وبراس مالي =واعرف اني من فصيله وانت ترجع في فصيله
المطر مبطي علينا والبحر ماهوب حالي =والجمل شقران حمله مال وازرى لايشيله

ما نويت اشاركك و اللي طرالك ما طرالي = كل واحد معه زند يشب في راس الفتيله
انتظر لين الهبوب اتهب و يميل العقالي = ثم كلن ياجد المقسوم و يعبي شليله

مانلوم اللي يقول الحق من بين الرجالي =لومنا للي يقول الماء تغطيه النثيله
والله انا مانباها هامله من دون والي =وانت تعرف شرهتي لاعودت ماهي قليله

يا عسانا ما تجينا المنقده فاول و تالي = البنادم يبذل المجهود و الخالق وكيله
يمكن انك ما تحصل لا جنيه ولا ريالي = و انت لا صاحب سعاده يا شهاب ولا فضيله

اطلب الله فالخفا يبعد مجالك عن مجالي =يمكن انك تسري الليل الظليم بلادليله
وقتي الحاضر يسير موجته وقتٍ مضالي =وكل رجل يرجع لماضيه ويحصل حصيله

اطلب الله يبطي الغالي وهو لا زال غالي = يسرح الواحد و يضوي محد ياقف في سبيله
وقتك الحاضر تمام ولا عليك ايا ميالي = مع طلوع الشمس ما يطلع معنين الاصيله