ما دام غالب فالوطن يا هاجسي هات الجديد=اللي ليا شافه ذهين العقل ريّح خاطره
مدري نسمّيه الذكي و الّا نسمّيه البليد=اللي خذا الاول على العالم بلعب الباصره

المشاركة الأصلية كتبت بواسطة علي الشهراني (المشاركة 1157796) السلام عليكم مساء الخير للجميع حياك الله يا غالب ما دام غالب فالوطن يا هاجسي هات الجديد=اللي ليا شافه ذهين العقل ريّح خاطره مدري نسمّيه الذكي و الّا نسمّيه البليد=اللي خذا الاول على العالم بلعب الباصره

والله ونعم بمن هقيت براسه الرايٍ السديد= اللي يعرف مسند الدعوى وراع الحادرة
ان كان قديت الطريق تشوف سيفٍ من حديد=يعطي مواجيب الرجال الواردة والصادره

يا غالب الغالب هو الله كافل ارزاق العبيد=و الرابحه من غير عون الله تعوّد خاسره
الوضع مزري و النوايا سود و الزايد يزيد=و العظم له مدّه يدوّر يا السنافي جابره

المشاركة الأصلية كتبت بواسطة علي الشهراني (المشاركة 1157813) الله الله يا غالب الغالب هو الله كافل ارزاق العبيد=و الرابحه من غير عون الله تعوّد خاسره الوضع مزري و النوايا سود و الزايد يزيد=و العظم له مدّه يدوّر يا السنافي جابره

مره معي ومرار بين اعداي مبسوط وسعيد=واليا لووا يمناك تذكر لك صديقٍ خابره
الا امش قدامي وفكر وش جرى واخذ المفيد=واياك لاشفت السحابه قلت هذي عابرة

الصقر عينه للسما و الدود عينه للجريد=الفرق واضح فالعيون الباصره و القاصره
ان كان ما عندك سوا ( مال الحديد الّا الحديد )=غيرك ترا تشهد معه عصْم البيوت النادره

المشاركة الأصلية كتبت بواسطة علي الشهراني (المشاركة 1157829) استلم الصقر عينه للسما و الدود عينه للجريد=الفرق واضح فالعيون الباصره و القاصره ان كان ما عندك سوا ( مال الحديد الّا الحديد )=غيرك ترا تشهد معه عصْم البيوت النادره

ماجاني التاكيد والوالي على قولي شهيد=واشعة الدكتور لاحارت ولا هي قادرة
وانته وانا جينا العيادة دون شرط ودون قيد=وان مالقينا طبها نبقى جمالٍ هادره

ابشر بها و البحر الابيض ما نوى غمّ الصعيد=الّا بعد ما بنْيت الاهرام جنب القاهره
الاوله و الثانيه راحت مراويح القصيد=و الثالثه و الرابعه تسبر عليها السابره

المشاركة الأصلية كتبت بواسطة علي الشهراني (المشاركة 1157859) ابشر بها و البحر الابيض ما نوى غمّ الصعيد=الّا بعد ما بنْيت الاهرام جنب القاهره الاوله و الثانيه راحت مراويح القصيد=و الثالثه و الرابعه تسبر عليها السابره

والله لسوي مثل ما سواه صدام المجيد=علمٍ ليا اوحاه اطلق الاشناب حكحك صابره
لو انهم بالسن سنّي كان جت من حيث اريد=من خلف شاشات الجهاز اوفى صديق تخابره

اهل الطرب و الفنّ تسبح في هوى عبد المجيد=حتى لونّه شغلته هدم البيوت العامره
انته تعزوى و العزاوي يا الذيابي ما تفيد=في حزةٍ ما يمدي المعقور يلحق عاقره

بيض الله وجيهكم
على المحاوره
وتسلمون