الجـو بارد والـسماء كلها غـــــيم = ونور القمر محجوب واللــــــيل حالك
صارن مغاتــــير الليالي مجـــــاهيم = رحـــماك يالمعبــــود جـلاّ جلالك
قامت تلاشـــــا بالزحول المـــلازيم = كـــــم واحـد ٍ في كلمــته ماوفـــالك
الهم ياكــــثره ويا ما اكثر الضــيم = والمـــشتحن ضاقت عليه المـــسالك
كم واحـــد ٍ صـــارن اهمومـــه مراديم = ويقول انا من بدت الناس هـالك
ياللي تقـــــول الــهم في قلبك امقيم= اقــــــول ما انت بهالمـــشاكل لحالك
غيرك ترى به فالخلايق مهامـــيم = معـــروف هـــــــذا شي حطّه ابالك
الغيــب يــــبدي فالليــــال المــقاديـــم = واللي كتب لك في جبيـــنك ينالك
اصبر على ماجاك واعمــل بتصميم = وعن الطــــويله لاتقصــــّر احبالك
ان كنت نايم يكفي النــوم يانــــــيم = صحصح عسى واليك يلطف بحالك
معروف هـالدنيا حظــوظ ومقاسـيم = واللي كتب لك بالمــقاسيم جـــــالك
تاخذ نصيبك والعــــمل بالخــواتيم = واللي يحسدك ما نقـــص من حلالك
امع الـــعزايم يحصــــلن المغانــــيم = وعلى ســــوى الله لا تحـــــط اتكالك
تبغى النجاح اتبـــع صحــــيح التعالــيم = واتعب وساعد مع يمينك شمالك
حل الصعايب با اتفـــــــاق المفاهــيم = ماهوب شـــــي اتقدره من خيالك
هذا كلام الصـــــدق من غيــر تعتـــــيم = وعليك تطبيقه على مـــاطرالك

ياللي تقول الهم في قلبك مقيم=اقول مانت باهالمشاكل لحالك

صارن مغاتيـر الليالـي مجاهيـم=رحمـاك يامعبـود جـلاّ جـلالـك

كما عهدتك ياستاذي

مبدع وجزل بما تعنيه الكلمه

والقصيده حفظت في ذاكرتي


سجل اعجابي


اخوك

المشاركة الأصلية كتبت بواسطة الرشاش بيض الله وجهك يامرزوق وصح لسانك وتقبل مني اصدق تحية

المشاركة الأصلية كتبت بواسطة فهد الشيباني صارن مغاتيـر الليالـي مجاهيـم=رحمـاك يامعبـود جـلاّ جـلالـك صح لسانك ملايين يابو محمد قصيدة جزلة و انت راع الجزالة لاهنت والله تحياتي