نواف تعال يا نواف بالحال = يا شاعرن فاللقاء منته بهايب
أبنشدك كان دالوب الدهر مال = وش صار ياصاحبي عند الحبايب

انا قريب هنا ياطيب الفال=صاحبك ياصاحبي قد الصعايب
فيه الوفاء والكرم مع بن ودلال=لكنك اثرت يومك صرت غايب

ما باقين في حراج القوم دلال = أحذر تخالط من العربان خايب
فرقاء الردى عيد يانواف لوطال = حلفت ما اجلس فمجلس شخص عايب

مادام شديت يارجال رحال=مانعرفك مخطيٍ ولا انت صايب
المجلس اللي مذرى مابه ارجال=لاتقربه واخذها من راس شايب

شديت واثر الشديد يريح البال = واصبحت عن ذنب خلق الله تايب
والمجلس اللي تقوله في نزال = والله ما اجنبه والفال طايب

من عقب ماحطلك فالرجم منزال=حولت ياعلي في قبر ونصايب
لاتجلس مع العرب ياكود بافعال=ولا ترا رحت في شب وشبايب

منزالنا يا ابن مشيب عالي جبال = ما في علو منزلي شك وطلايب
والا انت تتبع ردين هافي الخال = يا الله عساء تشيلكم معه الهبايب

اشوفك انته هنيا مامعك مال=ويش السبايب وعجل بالسبايب
اخاوي اهل الوفاء في كل الاحوال=يومٍ بعض العرب روح جلايب

يا هيه فرق ما بين خفاف وثقال = طفره هنيا ولا طنخة زلايب
خوتك معهم بليا عز وظلال = واصبر يا نواف وتشوف العجايب

انته علامك يابو ثنتين محتال=وهرج القفاء مايقوله غير خايب
راع الردى بصفق براسه على الجال=وياصاحبي ماعلى الدنيا غرايب

للحق ناسه وقول الحق لا زال = وماقول اللي قول غير القول صايب
وراع الردى ماله الا وطي بنعال = وان طعتني دورو للشيخ نايب