قلبي هواه ورغبته واشتياقه=وضحٍ لياصاح الموده يجني
لاصاح ثم عليان قدام ساقه=لادرهمت تسمع جرسها يدني
وظحٍ وصايفها زيانٍ رقاقه=ووصافها مايحتكرها المغني
سند الغوارب والرقاب الدقاقه=وظهورهاصعكٍ ولا هيب دني
ذخرٍ لجداني بضرب التفاقه=يومٍ كلٍ فوق خيله يعني
عشقتها من صغر سني عشاقه=عشقتها وانا على صغر سني
واشفق على صوت الحوير شفاقه=لا قام من بين العشاير يحني
يازينها في نجد تقطف اوراقه=من مزنةٍ هلت رعدها يحني
مع ضف بدوانٍ تعز الرفاقه=يرعون شولٍ مايجي بالتمني
ومن كان في وقت العشب ساق ناقه=أشوى من اللي تحت جدره يوني
وهذ الكلام اللي عليه الوثاقه=مني ورده يابيض الوجه عني

المشاركة الأصلية كتبت بواسطة زيد ابو كتيفه (المشاركة 1154759) صح لسااانك ملاييين يا نواف قصيده جزله للغايه من شاعر جزل سجل اعجابي ...

المشاركة الأصلية كتبت بواسطة 1من العتبان (المشاركة 1155850) صح لسانك يابن مشيب

المشاركة الأصلية كتبت بواسطة ^روقي عفيف^ (المشاركة 1155855) صح لسانك ياشباني ولاهنت إنشاء الله ابيات جزله