يومك تقعّد لي ياساهر ماهو عيب !! = ولا على شاني مواطن مسيكين ؟
ان كان تهدف تاخذ اللي ورا الجيب ! = قلي وانا اقسم معاشي على اثنين
لك نصه ولي نص فرصه وتجريب = واوعدك في حفظ العهد والقوانين
ماهو بتسرقني ومن منطلق طيب = وتقول انا خايف عليك ولك معين
الطيب ! ماهو تختل الناس بالغيب = وتسهر لجل منهم تدّخل ملايين
نورك شكت منه الضلوع المحاديب = وزوّد تلفّاتي من يسار ويمين
يابرق كنا لك نسوق التراحيب = واليوم شوفك ما ابهج النفس والعين
لاصار ساهر برقه يسبب الشيب = من لاح في جوّه غدا وابله دين
سيرتك صدفه مالها أي ترتيب = إلا اربع حروفٍ على حد ( قوسين )
إبدايتك في داخل الباص تركيب = وهالحين لك هيبه ومنصب وتمكين
يحق لك لا صرت تركب على جيب = ولاّ كما الصرّاف من بين هايوين
قدّام لا ناصلك نسعى مهاذيب = وليا وصلنا لك نجيلك مهدّين
لإن العلاقه بيننا مابها ريب = علاقة ضحية على حد سكين

المشاركة الأصلية كتبت بواسطة بن ساعد الثبيتي (المشاركة 1152763) صصصصصح لسسسسسسانك يازيآآآآآآآآد والله يعيننا على هالساهر *_* تقبل مروري يالقرم

المشاركة الأصلية كتبت بواسطة رائد الكيرعاني القحطاني (المشاركة 1153254) يا سلام يا سلام يا زياد شاااااااااااعر والشعر يتحراك اعجابي