ارحبوا يالشعار الباب مفتوح
 

السلام عليكم ورحمة الله وبركاته
يالشعار الباب مفتوح

استلم يالذيب اااااااااااااا
والك البقا يلي تنادي علينا والك البقا ياللي=من مكه لجده على مايقولون من مكه لجده
انصوم ونصلي لرب العبادي انصوم ونصلي=باليسر والشده رضا الله نرجي باليسر والشده

المنادي وابو رجب
على القوّه ... واصلو


ملاحظه

عزيزي ابو رجب يابدو انك ما انتبهت للقافيه..
صدر البيت على قافيتين .... اللي .. و..إيب ..... وعجزه ... على قافيه واحده وهي ...أدّه...


يامرحبا باللي يعرف المواجيب
----------------- والهرج من ردّه على مايقولون والهرج من ردّه..
اتمنى تكون اتضحت الصوره..
وتحياتي لكما...

مرزوق العتيبي
بيض الله وجهك وانا ارسلت لابو رجب لكي يعدل الخطاء
واعذروني لاني جبت طاروق غريب شوي
للتغيير
حياك الله يا مرزوق وشرفتنا في حضورك

واحب ابين لك يا اخي مرزوق
العجز لا زم يكون فيه( على ما يقولون )

............
احسنت يالمنادي
واللحن ماهوب غريب فديتك
هذا من الطواريق القديمه والمشهوره...
واصلوا وحنا في الصفين
كل الشكر...

لاهنت يامرزوق على الملاحظه وجلا من لايسهو
وابشر يالمنادي بالتصحيح ااااااااا
خلووووها
والك البقا ياللي تعلا المراقيب والك البقا ياللي==من مكه لجده على مايقولون من مكه لجده
انصوم ونصلي بلا شكن وريب انصوم ونصلي==باليسر والشده على مايقولون باليسر والشده

ارحب ارحب يابو رجب
وترا الهدف من هذي المحاوره التعلم من شاعر كبير مثلك
استلم ياسنايدي:

يا مزين اللعبة ... مع الاثنين يامزين اللعبة رجب مع منادي... على ما يقولون رجب مع منادي


هذا عقب ما تهيضت من طاروكم الجميل وارجوا السموحه

الدلبحي
حياك الله طال عمرك زشرفتنا ياسنايدي
ابو مشعاب
صح لسانك شرفتنا طال عمرك واشكرك على المتابعه

مرحبا يالمنادي وحنا نفيد ونستفيد بمثلك وشرواك
استلم يالسنافي ااااااااااااااااا
منك ولا نملي ياراعي التراحيب منك ولانملي==كلن على حده على مايقولون كلن على حده
الريش لو فلي نشوف التعاجيب الريش لو فلي==مايسبقه نده على مايقولون مايسبقه نده

حياكم الله يالدلبحي+ابومشعاب
شرفتوا اللعب

الله الله الله
استلم لاهنت:

عفواً عندي خطاء غير مقصود


تم التعديل

اسمحلنا على التأخير
خلوووووها
ياطير يامعلي تجيك المناديب ياطير يامعلي== لن كانك توده على مايقولون لن كانك توده

عسا ولاعلّي تزين المشاريب عسا ولاعلّي== ويبيّح بسده على ما يقولون ويبيّح بسده

...
ياسلام عليكم يالشعار
المنادي وابو رجب الله لايهينكم