لاوالله الا راح قلبي وولا=واصبح يعد الثانيه والدقيقه
وأنا احسبنه عقب الاول تخلا=مايدخل بحور الغرام العميقه
واثره رهيف يتله الزين تلا=مامثل قلبي فالقلوب العشيقه
يازين ياللي فيك قلبي تبلا=تركتني عكس الحرار الطليقه
لاني بمفكوك ولاني مجلا=متعلق مابين فرحه وضيقه
كنت احسبني معك بس اتسلا=واثرك سرقت القلب عندك سريقه
لين انحكم عقب القدم فيك زلا=في حكمك الجاير بما لا أطيقه
بس انتظر ظلمك سوات المخلا=بين السباع بدون حيل وطريقه
إن كان تشفع لي عيونن تملا=مع تضحياتن لجل عينك وثيقه
فاعطف على قلبن بحبك يذلا=وألا أخبره وش نيتك والحقيقه
أما نصرته وأنت عينك تحلا=وألا كضم غيضه ويقسى رقيقه
وألا وقف وأنهى حياته ودلا=وأوقف معاليقن بحبك دفيقه
هذي ثلاث حلول وأنت المولا=يوم الرجا ودي بلمعة بريقه

المشاركة الأصلية كتبت بواسطة فهد الشيباني (المشاركة 1151139) الله الله صح الساااااانك وصووووتك يالنخيش اتمنى لك التوفيق

المشاركة الأصلية كتبت بواسطة ابومشعل العازمي (المشاركة 1151288) صح لسانك محمد والله يعطيك العافية

المشاركة الأصلية كتبت بواسطة نواف العصيمي (المشاركة 1151369) .. لاهنت على الموضوع يا غالي ,, والتواصل والإبداع والموضوع مثبت ..

المشاركة الأصلية كتبت بواسطة فهد علي العازمي (المشاركة 1152011) صح لساااااااانك ويستااااااااهل التثبيت

المشاركة الأصلية كتبت بواسطة محمد بن غازي (المشاركة 1153249) صح لسانك يابو غازي .... أبداع لايستغرب ...

المشاركة الأصلية كتبت بواسطة فارس نجد (المشاركة 1154519) صح لسانك يا الغالي على ها الشيله

المشاركة الأصلية كتبت بواسطة @ـايل (المشاركة 1154528) صح لسانك يابو غازي ابداع متواصل لا نستغربه منك .. ..