تحت مسمى معاً ضد الارهاب

شاركة بهذه القصيده وهي اقل شيء اقدمه لوطني الغالي

يالله ياللـي بيـدك الكـون تدبيـره=ياوالـي النـاس ياعالـم نوايـاهـا
ياواحـداً قـادرٍ مانـؤمـن بغـيـره=يارب موسى وعيسى والنبـي طاهـا
يالله يالله يـامـجـري مـقـاديـره=يافزعة امة محمـد وانـت ملجاهـا
تحمي وطنا من اهل الشـر وتجيـره=ومكه وطيبـة بهـذا الـدار تحماهـا
يالله وطن مهبـط القـران والسيـره=تنعم بامانك من ادناها ليـا اقصاهـا
المملكـه مالقينـا مثلـهـا ديــره=امن ورخاء والتطـور عـم برجاهـا
اميرة الارض ماخبر غيرهـا اميـره=الله يرحـم مـن اسسهـا ونمـاهـا
عبدالعزيـز الـذي تعـب مظاهيـره=بالسيف الابتر من اهل الشرك نقاهـا
ويسلم ملكنا يحكـم الـدار ويديـره=امكرم اضيوفهـا وامطـوع اعداهـا
الفهـد حنـا ترانـا مـن طوابيـره=الشعـب جنـده ويامرهـا وينهاهـا
حنا سيـاج الوطـن حنـا مناعيـره=الفهـد يرفـع لنـا الرايـه ونفداهـا
والجاهل اللي طغى مغسـول تفكيـره=يبغى ينال الشهـاده لاكـن اخطاهـا
يلعب عليه الخبيث اللي دهن سيـره=حصل جهاهيل قوم وقـام واغواهـا
وليا سمعنـا علـى ماقـال تعبيـره=ليه النصارى بوسـط الـدار مبغاهـا
راجع حديث الرسول وشوف تفسيـره=عينك عن الحق ضعف الدين غطاهـا
الشيخ والعسكري قـل ليـه تكفيـره=هم عن سواياك ربي كـرم اللحاهـا
هـذا مقـر الامـن دبـرت تفجيـره=وبعض الحبايل بفضـل الله صدناهـا
ولاتحسبنـك تهـز الشعـب وتثيـره=خطتـك يامخلـفٍ دينـك عرفناهـا
اليوم فعلـك تبيـن لـك مخاسيـره=حتـى مخازنـك يالخايـن كشفناهـا
خاسي ولالك بوسـط الـدار تعميـره=شـروراك فالـدار نقتلهـا وننفاهـا
وبضد الارهاب قمنـا قومـة مغيـره=شعب وحكومه على الاسلام مبداهـا
وعاش الفهد والوطن من خير تطويره=ورواحنـا للسعـوديـه رخصنـاهـا

اخوكم

الدلبحي

صح بدنك

واسعدني وجودك

الله لا يهينك

ودمت بخير

اخوك

الفراهيدي

صح بدنك يالغالي

وحضور مانعدمه انشاءالله

شكر لك يارجل

والله لايهينك

اخوك

وصل العطياني

صح بدنك مليون

ولاتهون

والف شكر لحضورك يارجل

دمت بخير

اخوك

منصور الابرق

صح بدنك

ومشكور على الحضور


الله لايهينك يالقرم

اخوك

لا شكر على واجب

السويلم

حضور شرفني


وشكراً لك

اخوك

ابو ابراهيم

وعليكم السلام ورحمة الله وبركاته

صح بدن وعزك الله عند غاليك

حضور يشرفني

وكلامك شهاده اعتز فيها


الله لايهينك

احترامي لشخصك

اخوك

ابو محمد

صح بدنك

ومرورك شيء اساسي

لااستغني عنه

الله يعطيك العافيه

واحترامي لك

اخوك