سلام الله سلامٍ يرجِح الكيلا مع المكيال=سلامٍ من قرارة نجد لينك تاصل الدوحه
تقدم يالمطيري واحتزم في نايفين الجال=وإلى ذكرو عتيبه يالمطيري جاتك الدوخه

المشاركة الأصلية كتبت بواسطة تركي الصفياني (المشاركة 1149482) سلام الله سلامٍ يرجِح الكيلا مع المكيـال سلامٍ من قرارة نجد لينك تاصل الدوحـه صح السانك يالعازمي لكن وين الشلاحي

المشاركة الأصلية كتبت بواسطة نواف العصيمي (المشاركة 1149486) صح لسانك ياعبدالكريم وفي إنتظار الشلاحي وصح لسانه مقدماً .. والصف صف عبدالكريم ,,

هلابك يا مسلم عند ربعك يا كريم الفال = لو انك من طوارف نجد حدك حي منفوحة
حزامي ربعي اللي فالمواقف كنهم زلزال = و عتيبه عندنا رقمين مجموعة و مطروحه

انا داري تسمى نجد وربعي تلطم العيال=ودار مطير لن جيناه نرعى زهره اوشوحه
يا ناصر وش سبب حالك لونا عارفين الحال=وكل علوم خلق الله تسجل عندنا بلوحه

المشاركة الأصلية كتبت بواسطة خلف المطيري (المشاركة 1149608) صح السانك ياعبد الكريم الدوخه تجي لمطير كلهم ولا بس ناصر الشلاحي حدد لو سمحت ههههههههههههه وصح السانابوسلطان مقدما والصف صفك ياعبدالكريم

المشاركة الأصلية كتبت بواسطة ولدعساف (المشاركة 1149723) ... . . يـآسلام يـآسلام .. // صحة ألسنتكم يالنشامـآ .. والصف بينكم بالنصيفه :).. . . ..

المشاركة الأصلية كتبت بواسطة مشعل الحافي (المشاركة 1149727) ياسلام ياسلام ابو سلطان صح لسانك على الرد الوافي عبدالكريم صح لسانك

المشاركة الأصلية كتبت بواسطة معجب العتيبي (المشاركة 1149731) الحافي والشلاحي صحة الالسن ننتظر طاروق ابداعي

خساره يا تعب ساقي و فكري و الدروب اطوال = لكن العازمي مرتاح لا جيه ولا روحه
علوم انقولها وعلوم مهما صار ما تنقال = الا ان العازمي ما عاد يدري وين مصلوحه

انا خابرك يا ناصر وسيع ابطان ما تنحال=وأنا خيلي على درب المراجل دايم أجمُوحَه
إذا صادق بقولك يا المطيري نزل المعدال=لأجل ما تلّحق النوحه يا ناصر دايم أب.نوحَه

منول قلت ذي العقده اللي مالها حلال = تجي باقفالها و تروح و البيبان مفتوحه
انا مابغاك تخسر و انت تونك ملكت المال = و تقعد تذكر الايام مذمومه و ممدوحه

يطير الطير يا ناصر وحام اب.نايفات الجال=وأقول أكثر طيورٍ طايره بالسبقّ مطروحه
أنا ما همني شيٍ بغيته وأنشد العقال=وأنا خابر دروس الوقت هَذا زين مشروحه