تعال يابراهيم ماعاد فيها = ناقة رسول ابليس بانت يديها
واليوم اباسمّي واكبّر عليها = من لاتقاضا حي يقمح ليا مات

الناقه اللي ماعليها اوسوم = ايدينها ماهي لرجليها
ضعفت وشانت من غروق الدوم= واليوم اباسمي واذكيها

المشاركة الأصلية كتبت بواسطة مشعل الحافي (المشاركة 1146778) ياسلام ياخلف وطالب ابراهيم اكيد موال طرب هههههه صح لسانك والصف صف الجذعان الليل يابراهيم

المشاركة الأصلية كتبت بواسطة ماجد العصيمي (المشاركة 1146783) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ متابع بكره وكل مطرود ملحوق اما خلف ولا ابراهيم

المشاركة الأصلية كتبت بواسطة خلف المطيري (المشاركة 1146788) نام نام وراك دوام حنا مايتابعنا غير المنتهي ههههههههههه وانت منت ابمنتهي

ناقة رسول ابليس ماتت جريحه=لا تاكل المترديه والنطيحه
واليوم جا غير المنيحه منيحه=من لا تقاضا حي يقمح ليا مات
اللي يبيع ويشتري ويسوم=ما هوب بايعها وشاريها
ما أنته بها يا صاحبي ملزوم=سقها وترجع يم راعيها

ماهي اجروح اقروح والدم بين = والقرح موذي لاتحسبون هين
بريّح المرحان منها وازين = من لاتقاضا خي يقمح ليا مات

ادري ماتشرا من هذاك اليوم = خابت وخابت نظرتي فيها
اشره علي اللي جابها للقوم = ناقه كذا والله ماخليها

إن ثارت الهيجا وجات أم غصاب=نقرا على الحيه ونقرا على الداب
ما نلتفت للي لا ودا ولا جاب=من لا تقاضا حي يقمح ليا مات
تبا الحقيقه ما عليكم لوم=سواتها محدٍ يسويها
ومن شكلها فالسوق تلقا كوم=لكن عله من يناحيها

المشكله حطوا عليها جنايب = والديس عني يابراهيم عايب
هل يعقل البدوان تجني جلايب = من لاتقاضا حي يقمح ليا مات

كل السبب فالشيخ ابو جسوم = لولاه ماخلت مفاليها
لوالله الا شكلها معدوم = ماشفت برطمها واذانيها

المشاركة الأصلية كتبت بواسطة مشعل الحافي (المشاركة 1146831) ههههههههههه خلف من اللي داعي عليك وضرب الكهرب عندك اكيد انك كنت تحش فيني:)

اترك علوم مضيعين المراجل=أن راح ما هو حر وإن جاك زاجل
معه الرساله والخبر معه عاجل=من لا تقاضا حي يقمح ليا مات
زادوا عليها بالرقوم ارقوم=لين أنها كبرت علابيها
يبا يجي عقب العلوم اعلوم=ما يعرف اولها وتاليها

والله مالي يابراهيم حاجه = عمرك سمعت ابذيب يرّجي دجاجه
الطقّ من عبرّه عنق الزجاجه = من لاتقاضا حي يقنح ليا مات

التوم مايقطع فاخوه التوم = قصايده لازم يغنيها
ياعنك مانجزع من المقسوم = واللي يحضرها يوديها

أن كان ودك تقطع الشر كله=خلك سواتي لمعادين عله
وتحط بصمه واضحه في سجله=من لا تقاضا حي يقمح ليا مات
اليا حضر واليا سرا مهموم=ما للجروح إلا مداويها
بكره يجيك مصدر المرسوم=لو هو يخمخمها ويخطيها

المشاركة الأصلية كتبت بواسطة خلف المطيري (المشاركة 1146853) صح السانك وسلم بنانك الوقت ادركنا وبصيح علي خير