سرا الليل والمعنى كما النار والبارود=على من يبا يرصد وهو يا عرب مرصود
على الهرش وأبن الهرش والحاشي المفرود=يقولون ما للعله الا مداويها
لو بعض العرب يحلف يمين=من يمينه تصير انهايته
خابرين الدعاوي خابرين=كل رجال يتبع غايته

سرا الليل والهمال نارك يطفيها=وساهر على راسك مصايب يضويها
على ويش يابن الهرش روحك معنيها=يقولون مال العله الا مداويها

لو براهيم ضلعه مايلين = العصا عندنا لربايته.)
لاتديّن ولانطلبك دين = كل رجل ٍ يقوم ابشايته.

من أول جمالاً يا العصيمي بمعناها=وذالحين راحت ناقة الله وسقياها
من الدار لو تسرح قريبٍ معاشاها=يقولون ما للعله الا مداويها
قبل يعطونك الصفره ذهين=التقاعد وصلك ابدايته
راحوا أهل الشعر والله يعين=ما بقا غير شله هايته

والا ياجمل قدمك جمل مايهز ريح = ولايحسب اجمال ٍ بكل الحمول اتطيح
وش اللي يحدك يابراهيم يوم اتصيح = يقولون مال العله الا ّ مداويها.

الجذع عقب هاذيه فطين = والعصيمي ترفرف رايته!!
الشعر عايفينه من سنين = والسبب من وعول ٍ جايته؟

أنا خابرك يا سعود في ما مضا لك هرش=على العرش متربع وذالحين ما لك عرش
بعد ما وصل راع البعير وخرشكم خرش=يقولون ما للعله الا مداويها
من يسوي سوات أبا الحصين=فوق راسه نهد ابنايته
أنت موتر يفحط في ثنين=ولو يهدي تطيح مرايته

لوانك جمل حملة بحمل الجمال اتقوم = لقيناك بوسوم الجمال العفر ماسوم
لكن انت يوم ويوم ياحظك المقسوم = صحيح ان مال العله الا مداويها.

كان الك شرهة ٍ تنصى الحسين = اقروا العلم ياقرايته؟
خلك امع الرجال الغانمين = في ظلال القصر وولايته

علامك تحوس العلم وتغير الخطه=ولا أنته بكاشف علم صاحبك لا غطه
ولكن ذاك الحمل شيله وذا وطه=يقولون ما للعله الا مداويها
لو نعيد السوالف مرتين=عسكرٍ فالسريه بايته
ولو تجيكم مثل بدر وحنين=يشملك صاحبك بحمايته

المشاركة الأصلية كتبت بواسطة ابراهيم الجـــــذع (المشاركة 1147101) ههههههههههههههه أنت هرش المنتدى وابرك الساعات اللي جابك هالطاروق من أول جمالاً يا العصيمي بمعناها=وذالحين راحت ناقة الله وسقياها من الدار لو تسرح قريبٍ معاشاها=يقولون ما للعله الا مداويها

تلفلف يمين ايسار ماتنفع اللفات = وعلمك نعرفه يابراهيم ود وهات
وخل السوالف بيننا كلها بسكات = يقولون مال للعله الا ّ مداويها.

العساكر حمات القبلتين = ماحماها الجذع ودهايته.
للمعارك معي سيف ٍ سنين = كم وكم راس شيخ ٍ شايته.