يا مرحبا بالشايب اللي لاح شيبه ماستراح = يطرد ورى دنياً عسى ربي يكافي شرّها !
العام يومن الحيا واجد وبرق المزن لآح = لقيت ديرتكم تكدر خاطر اللي مرّها !

دام البقاء والشايب لياراح ياكلك السلاح = اللي ماعندك ضد اله في بحرها في برها!!
المشكله في ساس بيتك يوم جاه السيل طاح = كلمتك يانواف هاذي في كمومك صرها!!

حنا ليا دقت طبول الحرب .. مروين الرماح = أخصامنا تفنى و الاصحاب القروم نسرّها !!
يا سعود مال العود غار الذود والارض البراح = ماله ومال الحاجه اللي غرّته ثمّ غرّها !!

والنعم يانواف لواحققت في الدنيا نجاح = واهل الاشده دونها ونقول لله درها
اليا بنيناها بنيناها على صح وصحاح =دور لها وتعرف وشهو حلوها من مرها

وش صار فالشكوى عساها عوّدت عذر وسماح ؟ = ياللي على جال الرحى لمّ الحبوب وثرّها !!
بنيّتك بانيّها يا وجه الخير مع راع الوشاح =ترى الامور اللي تهقواها ما يومن ضرّها !!

ماصار غير الضربه اللي توبت ذيب المراح =والثانيه جاتك والاخرى في ذياب انشرها؟
الله يبارك فالحرار ام المخالب والجناح =لكن يامازينك لو هاك اللحون اتجرها؟

لا و الله الاّ يالعصيمي ذقتوا السمّ الذحاح = يوم العرب قامت على العالم تبيّح سرّها !!
أثبت يبو طايل نصيحه ,, لا تطيّرك الرياح = والرايه البيضاء يبو طايل نصحيه شرّها !!

نواف الغنامي=

يا مرحبا بالشايب اللي لاح شيبه ماستراح=يطرد ورى دنياً عسى ربي يكافي شرّها !
العام يومن الحيا واجد وبرق المـزن لآح=لقيت ديرتكم تكدر خاطر اللـي مرّهـا !

سعود العصيمي=

دام البقاء والشايب لياراح ياكلك السـلاح=اللي ماعندك ضد اله في بحرها في برّها!!
المشكله في ساس بيتك يوم جاه السيل طاح=كلمتك يانواف هاذي في كمومك صرّهـا!!

نواف الغنامي=

حنا ليا دقت طبول الحرب .. مروين الرمـاح=أخصامنا تفنى و الاصحاب القروم نسرّها !!
يا سعود مال العود غار الذود والارض البراح=ماله ومال الحاجه اللي غرّته ثـمّ غرّهـا !!

سعود العصيمي=

والنعم يانواف لواحققت في الدنيا نجاح=واهل الاشده دونها ونقـول لله درّهـا
اليا بنيناها بنيناها على صح وصحـاح=دور لها وتعرف وشهو حلوها من مرّها

نواف الغنامي=

وش صار فالشكوى عساها عوّدت عذر وسماح ؟=ياللي على جال الرحى لـمّ الحبـوب وثرّهـا !!
بنيّتك بانيّها يا وجه الخيـر مـع راع الوشـاح=ترى الامور اللي تهقواها ما يومـن ضرّهـا !!

سعود العصيمي=

ماصار غير الضربه اللي توبت ذيب المراح=والثانيه جاتك والاخرى في ذياب انشرّهـا؟
الله يبارك فالحرار ام المخالـب والجنـاح=لكن يامازينك لو هـاك اللحـون اتجرّهـا؟

نواف الغنامي=

لا و الله الاّ يالعصيمي ذقتوا السمّ الذحـاح=يوم العرب قامت على العالم تبيّح سرّها !!
أثبت يبو طايل نصيحه ,, لا تطيّرك الرياح=والرايه البيضاء يبو طايل نصحيه شرّها !!

سعود العصيمي=

راياتنا دائم ترفرف في مساء والاّ صباح = وانته تعاني من سموم ٍ محرقتك بحرّها.